Fesili ma Tali

“E leai se tasi i le aoga e tutusa o ma tulaga faatonuina. E faapefea ona ou faia ni uo lelei iina?”

“Tatou te lagona uma lava le manaomia o ni uo. O loo saili i tatou uma mo nisi o faamaoniga o i tatou o ni tagata taua. Tatou te faia filifiliga e faavae i na manaoga. O nisi atonu e taitaieseina i tatou mai le malamalama ua ofoina mai e le Atua ia i tatou e fai ma taiala. Atonu e faamalamalamaina e nisi lena malamalama lea e mafai ona tatou maua ai lo tatou ala.”

Peresitene Henry B. Eyring o le Au Peresitene Sili, “Savali i le Malamalama,” konafesi aoao, Ape. 2008 (Ensign po o le Liahona, Me 2008, 124).

“Talanoa e uiga i mea e te fiafia i ai. E le manaomia ona e kiina i lalo lou malamalama. E tatau lava ona avea oe ma se talavou masani e fesootai i nisi o mea malie e fiafia i ai isi talavou. Mulimuli i tulaga faatonuina a Iesu Keriso, ma faamanino atu i au uo aoga ia tulaga faatonuina e te mulimuli ai.”

Jamie Ann B., 18, Negros Occidental, Filipaina

“Saili tagata e i ai vasega faapena, fiafiaga, taleni, po o mea e fiafia i ai. O loo i ai tagata maoae o isi faatuatuaga, faapea foi ma tagata lelei o e e leai lava se faatuatua. O i latou uma lava o ni fanau faapelepele a le Atua. A o faaauau pea ona e tausia ou tulaga faatonuina, e tusa lava pe le tausia e au uo, o lau faataitaiga e mafai ona uunaia ai isi e faia ni filifiliga lelei atu.”

Lucy B., 15, Lima, Peru

“Ia onosai ma ia tatala le mafaufau. O faauooga e faatatau i uiga auaumama, ae le o le tele, ma o le i ai o ni nai uo moni e mafai ona sili atu ona tauia nai lo le taumafai e faaogatusa ma se motu o tagata e le ogatusa ma ou tulaga faatauaina.”

Adedoyin Alma O., 17, Osun, Nigeria

“Faasoa atu ou tulaga faatonuina ia i latou. Afai latou te iloa ou tulaga faatonuina, o le a mafai ona latou faaaloalo i ai. E mafai foi ona e valaaulia au uo i le aoga i gaoioiga i le lotu ma/po o le Ekalesia e fesoasoani ia i latou ia iloa atili e uiga i mea e te talitonu i ai.”

Margarett P., 13, Texas, ISA

“Ua ou aoaoina e mafai ona e maua ni uo lelei e ala i uunaiga ma tau lava o lou avea ma oe lava ia. O nisi taimi e o mai ai tagata ia te oe, ma o nisi taimi e tatau ona e vaai, ae o le a i ai tagata o le a avea ma uo lelei pe manaomia se uo lelei e pei o oe.”

Katie R., 18, Nebraska, ISA

O tali ua faamoemoe mo se fesoasoani ma se vaaiga, ae e lē o ni faalauiloaga aloaia o aoaoga faavae o le Ekalesia.

O Le A Sou Manatu?

“E tele ni a’u faaiuga tetele lava e fai. E faapefea ona ou maua faaaliga faaletagata lava ia?”

Auina mai lau tali ma lou ata ae le‘i oo i le aso 15 o Aokuso, 2024.

Imeli mai ia i matou i le [e-mail]. Pe alu i le ftsoy.ChurchofJesusChrist.org ma kiliki le “Submit Your Work.” Saini e alu i totonu i lau Faitotoa a le Ekalesia ona filifili lea o le “Mo Le Malosi o le Autalavou” i lalo o le “Filifili le Mekasini.” Kiliki le “Faaopoopo le Faila” e filifili ai lau faila ma ata, ona kiliki lea o le “Auina Atu” e utaina ai ma auina mai ai ia i matou lau faila.

E ono sui ia tali mo le uumi po o le manino.