“Suega Pupuu ma le Tatalo,” Mo Le Malosi o le Autalavou, Iulai 2024.
O Leo o le Autalavou
Suega Pupuu ma le Tatalo
Tayana C., 17 tausaga, Abidjan, Cote d’Ivoire
Ata na pueina e Ebick Ngoma
Talu ai nei sa ou atuatuvale ai ona sa ou le maua ni togi sa ou manao i ai. Sa ou mafaufau i ai ma iloa ai sa le’i faia a’u tatalo pe faitauina a’u tusitusiga paia. O lea sa ou filifili ai e faitau tusitusiga paia ma tatalo i taeao uma. E lei umi, ae amata ona faasolosolo teisi i luga o’u togi. O le faitauina o tusitusiga paia ma le tatalo na fesoasoani tele ia te au.
O le isi taimi, sa fai ai se matou suega puupuu i le aoga. Ou te lei suesue. E leai se tasi na suesue—sa faateia i matou e le faiaoga. Sa amata ona faimamago tagata uma i le suega puupuu. O le a ou le pepelo—sa ou matuai manao lava e faimamago. Ae na ta’u mai e se mea ia te au, “E tatau ona e nofo i lalo ma fai le mea sili i mea ua e iloa.” Sa o se leo malū. Sa ou atuatuvale, ma sa faatoafilemuina e le leo lo’u loto. O lea ou te lei vaai atu ai i le itu tauagavale, ma ou te lei vaai i le itu taumatau. Sa ou tali atu i le mea sa ou iloaina. I le faaiuga, sa na o au le tagata na maua se togi maualuga. Ua ou fiafia sa ou faalogo i le Agaga Paia.