“Ae faapefea pe afai e le mafai ona ou fai atu ou te iloa e moni le talalelei?,” Mo Le Malosi o le Autalavou, Iulai 2024.
Tuusao i le Mataupu
Ae faapefea pe afai e le mafai ona ou fai atu ou te iloa e moni le talalelei?
Afai e te le lagona e mafai ona e fai atu, “Ou te iloa,” e le afaina lena mea. Amata i mea e te talitonui ai. Ma afai e te le o mautinoa lena mea, amata i le mea e te manao e talitonu i ai. Ia “tuu lea manao e galue i totonu ia te oe” (Alema 32:27) ma taitai oe e faatino—e tatalo, suesue, salamo, auauna atu. A o e faatinoina le faatuatua, ia gauai atu i ou mafaufauga ma lagona. I le aluga o taimi, atonu e te faapea atu ma le mautinoa, “Ou te talitonu.”
“O letalitonu o se upu taua, ae o se faatinoga e sili atu ona taua, ma e le tatau ai ona [e] faatoese i le ‘na ona talitonu.’”
Faapelepele i upumoni o le talalelei e te talitonu i ai. Faatino. Ia faamaoni i ai. A o e faia lena mea, o le a faamanuiaina oe i le Agaga Paia. Ma e mafai ona e lagonaina le i ai i le aiga i le Ekalesia e tusa lava po o le a le ituaiga molimau o ia te oe. E pei ona saunoa Peresitene Dieter F. Uchtdorf, a o avea ai ma Fesoasoani Lua i le Au Peresitene Sili, “Ou te le iloa se faailoga i faitotoa o o tatou falelotu o faapea mai, ‘O lau molimau e tatau ona faapenei le maualuga ina ia e ulufale ai.’”