Spurningar og svör

„Enginn í skólanum lifir eftir stöðlunum mínum. Hvernig get ég eignast góða vini þar?“

„Við höfum öll þörf fyrir vini. Við erum öll að leita að sönnun þess að við séum manneskjur sem eru einhvers virði. Við tökum ákvarðanir byggðar á þessum þrám okkar. Sumar ákvarðanir gætu leitt okkur frá því ljósi sem Guð býður okkur til leiðsagnar. Sumar munu skerpa það ljós sem við þurfum til að finna leiðina okkar.“

Henry B. Eyring forseti, í Æðsta forsætisráðinu, „Walk in the Light,” aðalráðstefna, apríl 2008. (Ensign eða LíahónaMaí 2008, 124).

stúlka

„Ræðið um sameiginleg áhugamál. Þið þurfið ekki að deyfa ljósið ykkar. Þið þurfið bara að vera venjulegir unglingar sem tengja við suma skemmtilega hluti sem aðrir unglingar hafa gaman af. Fylgið stöðlum Jesú Krist og gerið skólafélögum ykkar það ljóst hvaða stöðlum þið fylgið.“

Jamie Ann B., 18, Negros Occidental, Filippseyjum

stúlka

„Finnið fólk í sömu námsgreinum, með svipuð áhugamál eða hæfileika. Það er til frábært fólk af öðrum trúarbrögðum og yndislegt fólk sem aðhyllist engin trúarbrögð. Þau eru öll elskuð börn Guðs. Þegar þið haldið áfram að fylgja stöðlunum ykkar, þrátt fyrir að vinir ykkar geri það ekki, gæti fordæmi ykkar hvatt aðra til að taka betri ákvarðanir.“

Lucy B., 15, Líma, Perú

piltur

Verið þolinmóð og hafið opinn huga. Vinátta snýst um gæði en ekki magn og að eiga fáa sanna vini getur gefið meira af sér en að reyna að falla í hópinn hjá fólki sem lifir ekki í samræmi við gildin ykkar.

Adedoyin Alma O., 17, Osun, Nígeríu

stúlka

„Deilið stöðlunum ykkar með þeim. Ef þau vita hverjir staðlar ykkar eru geta þau borið virðingu fyrir þeim. Þið getið líka boðið vinum úr skólanum í kirkju eða á kirkjuviðburði til að hjálpa þeim að læra meira um hverju þið trúið.“

Melody E., 13 ára, Texas, Bandaríkjunum

stúlka

„Ég hef lært að hægt sé að finna góða vini með hvatningu og með því að vera maður sjálfur. Stundum kemur fólk til ykkar og stundum verðið þið að leita, en það mun vera fólk sem vill vera góðir vinir og þurfa góðan vin eins og ykkur.“

Katie R, 18, Nebraska, Bandaríkjunum

Svörin eru til hjálpar og til að fá yfirsýn, en eru ekki opinberar yfirlýsingar um kenningar kirkjunnar.

Hvað finnst ykkur?

„Ég þarf að taka margar stórar ákvarðanir. Hvernig fæ ég persónulega opinberun?“

Sendið svar ykkar og mynd fyrir 15. ágúst 2024.

Sendið okkur netpóst á [e-mail]. Farið á ftsoy.ChurchofJesusChrist.org og smellið á „Submit Your Work“. Skráið ykkur inn með kirkjuaðgangi ykkar og veljið „For the Strength of Youth [Til styrktar ungmennum]“ undir „Choose Magazine [Velja tímarit].“ Smellið á „Add File [Bæta við skjali]“ til að velja skrá og mynd og smellið svo á „Submit [Senda]“ til þess að hlaða þeim upp og senda okkur.

Svartexti kann að verða styttur eða lagaður til.