Naʻe Hoko ʻa Molomona ko ha Ākonga ʻa Kalaisi

pea mo au foki

Teʻeki aʻu ʻo taʻu ʻe 300 hili e ʻaʻahi ʻa e Fakamoʻuí ki he kakai ʻo Nīfaí, ne tupu hake ʻa e taʻu 10 ko Molomoná ʻi ha māmani mātuʻaki faiangahala. Ka naʻe vakai e palōfita ko ʻEmaloní kia Molomona “ko e tamasiʻi … ʻoku anga-fakamotuʻa, pea … mata poto” (Molomona 1:2), ko ia naʻá ne fakahinohinoʻi ʻa Molomona ke ne tokangaʻi e ngaahi lekooti toputapú ʻi heʻene motuʻa angé. ʻI he taʻu 15 ʻa Molomoná naʻe “ʻaʻahi mai kiate [ia] ʻa e ʻEikí, peá [ne] maʻu mo ʻiloʻi ʻa e angalelei ʻa Sīsuú” (Molomona 1:15). ʻI hono taʻu 24, naʻá ne ʻave ʻa e ngaahi lekooti toputapú ʻo tauhi faivelenga ia ʻi he taʻu nai ʻe 50 hono hokó, ʻo tuku ia ki hono foha ko Molonaí. Koeʻuhí ko Molomona, ʻoku tau maʻu he ʻahó ni ʻa e lekooti fakanounou ʻoku tau ui ko e Tohi ʻa Molomoná.

Hangē ko Molomoná, te u lava ʻo ʻiloʻi e lelei ʻa e Fakamoʻuí mo tauhi ʻEne ngaahi fekaú—neongo kapau ʻoku hangē ʻoku tafoki ʻa e māmani ʻoku ou ʻi aí mei he ʻOtuá.