Ngaahi Fehuʻí mo e Talí
“Naʻá ku fakamamahiʻi ha loto ʻo ha taha ʻi he lotú. Te u fakaleleiʻi fēfē nai ia?”
“Fakakaukau ki hoʻo ngaahi tōʻongá, kole fakamolemole fakamātoato, fekumi ki ha fakahinohino ʻo ka fiemaʻu, pea fakataumuʻa ke angaʻofa mo faʻa fakamolemole ʻi he kahaʻú.”
Lincoln B., taʻu 16, Nevata, USA
“ʻI he taimi ʻoku ou fakamamahiʻi ai ha loto ʻo ha taha, ʻoku ou ongoʻi ha loto-mafasia, ʻo hangē ʻoku ʻi ai ha fehalaākí. Ka ʻi heʻeku loto-toʻa ke ngāue ʻo fakatatau ki he ngaahi ueʻi ʻa e Laumālie Māʻoniʻoní mo kole fakamolemole fakamātoato ki he tokotaha kuó u fakamamahiʻí, ʻoku ou ongoʻi nonga pea ʻoku ou ʻiloʻi ʻoku totonu ʻa e meʻa naʻá ku faí.”
Weya G., taʻu 14, ʻIpa, Filipaini
“ʻOku totonu ke hokohoko atu ʻetau fakahaaʻi ʻetau ʻofa kiate kinautolú mo tokoniʻi kinautolú. ʻOku totonu ke tau lotua ha loto-toʻa ke fakalelei mo kinautolu. ʻE lava pē ke faingataʻa mo fiemaʻu ha taimi lahi, ka ʻe foaki mai ʻe he ʻOtuá mo Sīsū Kalaisi ʻa e meʻa ʻoku fiemaʻu ke tau fakaleleiʻí.”
Dean C., 15, Tekisisi, USA
“Ko e ʻuluaki sitepú ke talanoa ki he tokotaha ko ʻení pea ongoʻi ʻofa ke mahino ʻa e ngaahi ongo ʻokú ne maʻú. Te ke lava foki ʻo lotu ki he Tamai Hēvaní ke maʻu ʻa e loto-toʻa mo e ueʻi fakalaumālie ke ngāue ʻi he founga totonú—ʻa e meʻa naʻe mei fai ʻe Sīsū Kalaisí.”
Livia N., 17, Palaipa, Palāsila
“Te u lotua ʻa e tokotaha naʻá ku fakamamahiʻí mo kole ha fakamolemole meiate ia. Te u loto-fakatōkilalo peá u fakakaungāmeʻa kiate ia.”
Aelizadhel L., taʻu 19, Panikui, Filipaini