Pahyuck: Lohacng ac Lotwelah
Sel Elder L. Whitney Clayton
Ke Prestuhnsi luhn Mwet Itngucul
Olwelah luhn Leum ma nuh selos nuh kwewa suc fahsr ke pactuhn luhn moul ma muhsahelah engan, muhtahl inmahsrlon pahyuck se.
Sie ekuh ah ke kuhtuh yac somlah, nga ac muhtwacn kiyuck ah muhtwacta nuh ke lohm sin sie sin mukul nahtuhsr ac muhtwacn kiyacl ac tuhlihk nahtuhlos. Kwacna sikyak nuh in sucu ma oasr tuhlihk srihsrihk we: arlacna wohwohn ac arlacna pwacr pac. Tiac paht tukun mongo in ekuh yac 4 se nuhtin mukul se nahtuhsr ah, Anna, wiyuc srackna muhta ke tepuh ah. Akihlen lah nga arlac lohacng nuh sel, el tuyak suwohs fin sit in muhta se ac siyucwi. Ke el etuh na pwacye lah nga liyacl, el kwacfe yuc in “lohacng ac lotwelah.” Na el tacn ac on nuh sihk.
Mwe luti se lal Anna inge in, “lohacng ac lotwelah” Pa ma lahlmwetmwet se tuhlihk srihsrihk ac tuhlihk fuhsr in etuh in oruh kaksak pwacye nuh sum. Kuht kuh in lotwelah ma puhs ke lohacng ac in nuhnak ke ma kuht liye ac puhla. Nuhnak ke ma sac, lwelah ngan akacsruhi nuh suwos kuhtuh sin ip yohk ma nga konwacack ke nga lohacng ac lotwelah ke pahyuck wolacna, ac pwacye inge. Ip yohk inge muhsahelah pahyuck fokoko, engan suc tuhkweni wi ip yohk inkuhsrao. Nga suli kowos in wiyuc lohacng ac lotwelah.
Ma se met, nga konwacack lah in macruht engan se kwewana mukul tuhma kuh muhtwacn kiyac oruh inmahsrloltahl oacna sie ma sacohk, ma sacohk oacna luhpan mani luhlahp. Elos kwewa fihliyac pahpah ac ninac kiyaclos ac tuhkweni lac in muhsahi sie pahyuck suc fah fokoko ne tok. Elos etuh lah elos fahsr ke inkacnek akmuhsralah muhtahl. Elos etuh lah wacngihn kuhtwena kuhpahsr ke kuhtwena ohiyac kuh in use engan yohk, mokle ma wo puhs, kuh in ahkwoye ohiyaclos sifacna. Kom fin lohacng nuh ke pahyuck kawihl inge: kom fah lotwelah lah toeni luhn pahyuck wowo inge oek pahyuck lalos uh oacna ma wacngihn molo.
Ma se nga lotwelah tohkoh inge pa ke luhlahlfongi. Pahyuck kawihl ma pahtpaht inge muhsah fin pwelucng luhn luhlahlfongi ke Leum Jisus Kraist ac ahkos nuh ke luti Lal.1 Nga tuni pahyuck ma oraclah pahyuck lalos wo ac orekmakihn pactuhn muhtahl luhn luhlahlfongi: elos som nuh ke kuhfa luhn Leum ac kuhtuh pac miting sahyac ke wik nuh kwewa, oruh ekuh in toeni luhn sucu, tuhkweni ac kais sie mwet pruhe ac lutlut ke ma suhmuhslah, moli sie tahfuh singucul. Srihpac yohk lalos pa in wo ac ahkos. Elos tiac oruh ma sap uh oacna sifacna mongo suc elos kuh in sruhkwack ac sulaclah na mwe sang ma elos luhngse emet.
Luhlahlfongi el pwelucng luhn ma nwacsnwacs nuh kwewa ma ahkkweye pahyuck. Ahkfokokoye luhlahlfongi ahkkweye pahyuck. Luhlahlfongi el kap ke kuht liyacacng masap, oacpacna ke insese ac engan ke pahyuck an. Ke ma inge, liyacacng ma sap el yohk srihpac in akiyac pahyuck fokoko ma pahtpaht se. Lohacng ac lotwelah: luhlahlfongi ke Leum Jisus Kraist pa ma yohk srihpac nuh ke pahyuck engan ma pahtpaht.
Ma se ahktolu nga lotwelah pa auliyak. Nga lotwelah pahyuck engan enenuh mwe sang luhn auliyak. Auliyak el ohiyac na enenweyuck se nuh ke inmahsrlon pahyuck wowo nuh kwewa. Mwet pahyuck ma sifacna taran ohiyac suwohs pacl nuh kwewa ac pihrihkyuck in eis step enenweyuck in auliyak ac eklac puhlakihn onweyuck ke pahyuck lalos oacna ke ono sang unwelah mas. Auliyak kahsruh in fohlohkohnma ac ahkwoye insese ac mihslac.
Mongfihsracsr pa ma yohk srihpac emet luhn auliyak. El suc puhsisacl el kuhlwacng, tiac srohwohsr. El tiac elyah ke ma lal sifacna kuh sramsram oacna el wo liki mwet sahyac. Ac tuh, mongfihsracsr top fihsracsr2 ac lihpsre ke kuhlwacng in etuh, ac tiac ahksuwohs. Mongfihsracsr akihlen lah wacngihn mwet kuh in ekuhllah sie mwet, tuhsruhk ke luhlahlfongi, insacnweacng, ac ke kahsruh luhn God, kuht kuh in puhla eklac yohk luhn insiyacsr sifacna.3 Ma sikyak ke eklac yohk luhn insiyac oruh kuht in oruh wo nuh sin mwet sahyac, yohkna mwet kuht pahyuck nuh se, ke pahkomuhta.4 Mongfihsracsr kalmac pa kwewana mukul tuhma ac muhtwacn kiyac suk in ahkinsewowoye, kahsruh, ac tahpuhk sie sin sie, oruh mwet se sahyac muh yohk srihpac emet ke sulaclah nuh kwewa. Lohacng ac lotwelah: auliyak ac mongfihsracsr muhsahi pahyuck engan.
Ma ahkahkosr nga lotwelah pa ahkfuhlwact. Nga akihlen lah in pahyuck wolacna, engan, mukul tuhma ac muhtwacn kiyac tuhkweni in ma nuh kwewa. Ohiyac orek ke kuhtwena acn kuh pacl ma mukul tuhma leum fin muhtwacn kiyaclos kuh oruh nuh selos kuhtwena ohiyac oacna patnihr pihlesreyuck ke pahyuck tiacna liyacng masap muhtahl ac enenuh in ayaollac ke ma yohk pwacye ac pactuhn ke mukwikwi.
Mukul ac muhtwacn ke pahyuck la inge orek sulaclah fokoko, ke eltahl kwewa tuhkweni na ahkkahlwemye puhsrwaclos ac nuhnak lalos in oraclah sulaclah se.5 Elos ngwetngwet met nuh ke lohm ac in kahsruh sie sin sie ke ma kunaclos.6 Pahyuck lalos konweyuckyak ke akacsruhi lalos, tiac olwelah. Ao luhn mongo in ekuh ac pacl luhn sucu suc fahsr tohkoh eklac pa yohk srihpac emet ke lwen lalos ac ma se kahsruh orekma upac lalos. Elos konwelah electronics ac fihliyac mwe ahkengan elos in muh kahsruh orekma in lohm. Fin kuh in tahfwelah, elos rit nuh sin tuhlihk nahtuhlos ke fong nuh kwewa ac elos kwewa eis pacl la in fihliyac tuhlihk srihsrihk ingoh in mutullac. Elos tuhkweni som mutullac ke pet lalos. Ke ma kunaclos ac ohiyac lwelah, mukul tuhma ac muhtwacn kiyac tuhkweni orekma in oruh orekma yohk srihpac emet ma oasr–orekma kuht oruh in lohm sesr sifacna.
Fin oasr ahkfuhlwact, ac oasr pac lwemtuhlwacack nuh sin mukul tomom, suc pa ki nuh ke pahyuck engan se. Wacngihn lukmac ke ma yohk srihpac ke pahyuck akwucki ke tuhkweni ahkfuhlwactye ac lwemtuhlwacack. Mukul tuhma ac muhtwacn kiyac oraclah sulaclah nuh kwewa nuh ke toeni ke mani, ac kwewana in oasr inkacnek la nuh ke ma in etweyuck nuh kwewa.
Suwohs el ohiyac luhn ahkfuhlwact. Mwet pahluh luti lah pahyuck kawihl toeni pa “suwohs na pwacye” nuh sin sie sin sie.7 Elos liyacacng in muhta na in nwacsnwacs in ohiyac nuh kwewa ke elos orekmakihn social media. Elos lwelah nuh selos sifacna in wacngihn lukmac ke ma sikyak ke Internet. Elos sukohsohk in aetuhi ke pahs word lalos ke social network. Elos tiac ngwet nuh ke online profile luhn oacna sie ke kuhtwena inkacnek ma ac kuh in kuhnahoslah luhlahlfongi muhtahl luhn ma kiyaclos. Elos soenna wi oruh kuh fahk kuhtwena ma pwacnwack muhtwacwacyacn elah tiac suwohs, fin te apkuhran kuh mahno. Lohacng ac lotwelah: pahyuck wowo se eltahl etuh na pwacye ahkfuhlwact, kahlwem ac suwohs.
Ma se ahklimekohsr nga lotwelah pa luhngse. Pahyuck engan emet nga liye fahkwack ahkos nuh ke sie sin masap engan emet—tuh kuht fah tuhkweni muhta in luhngse.8 Sramsram nuh sin mukul tuhma, Leum el sapkihn tuh mukul tuhma in luhngse muhtwacn kiyom ke insiyom nohfohn ac fulyang nuh sel ac wacngihn sie sahyac.9 Sie handbook nuhtin Alu uh luti: “Kalmacn kahs se fulyang pa in arlacna kihsackuhnlah ac pwacye nuh sin sie mwet. Mwet pahyuck fulyang nuh sin God ac sie sin sie in kuhlwacnsap ac luhngse sie sin sie pa ke liyacacng olwelah pwacye nuh sin sie sin sie ac God.” Kwewana mukul tuhma ac muhtwacn kiyac “likiyac moul fuhsr lalos ac akiyac pahyuck lalos oacna ma yohk srihpac se met [lalos]. … Elos tiac lwelah kuhtwena mwet kuh nuhnak in yohk srihpac liki … Na liyacacng olwelah elos oraclah yurin God ac sie sin sie.”10 Lohacng ac lotwelah: pahyuck kawihl elos arlacna kihsackuhnuhloslac nuh sin sie sin sie.
Oasr kuhtuh mwet ma pahyuck lalos tiac arlac engan oacna elos luhngse, oacyac mwet suc soenna pahyuck, tifohrs, ninac kuh pahpah lolacp, kuh ke kain srihpac puhs tiac oasr ke ip luhn pahyuck. Ohiyac inge kwewa ac kuh in sesseslah ke ma upac ac inse muhsahllah, tuhsruhk tiac enenuh in ma ne tok. Nuh suwos ma oasr ke kain ohiyac inge ma finne ohinge engan in oruh ma nuh kwewa ke kuhiyom11 in karihngihn, lwelah kuhsrao in ahkinsewowoye kom in yohk. Suk tukun akiyac wo emet luhn pahyuck ma pahtpaht, wi insacnweacng kuh ahkwoye kom in oacna sie mukul tuhma nwacsnwacs. Karihngihn masap, ac luhlahlfongi tuh Leum ac luhngse suwohswohs Lal nuh suwos. Sie lwen mwe insewowo nuh kwewa ma olweyucklac ac ma suwos.12
Sie sin fuhs sacohklacna ke Puk luhn Mormon fahk arlac kahlwem lah elos macruht ac ituckyang in pahyuck, ac elos insewowo fal nuh ke olwelah pucspucs ma Leum el oraclah nuh selos.13 Olwelah luhn Leum ma nuh selos nuh kwewa suc fahsr ke pactuhn luhn moul ma muhsahelah engan, muhtahl inmahsrlon pahyuck se. Mwe insewowo inge tuhkuh oacna wolacna, fahkwack ke ma fah sikyak ke oaru in moulkihn wosasuc luhn Jisus Kraist.
Nga tarilac sin muhtwacn wolacna kiyuck, Kathy, suc mwet se nga luhngse emet in moul luhk nohfohn.
Macruht el mwe sang se luhn God nuh sesr; woiyacn pahyuck lasr uh mwe sang se lasr nuh Sel. Nga fahkwack luhlahlfongi ke plwacn wolacna luhn Pahpah tuhmasr Inkuhsrao suc luhngse kuht, suc oraclah pahyuck wolacna, ma pahtpaht. Ke inen Jisus Kraist, amen.