Paoaful Witnes blong God: Buk blong Momon
Buk blong Momon i stamba witnes blong God se Jisas Kraes i hae, se Josef Smit i wan profet we Hem i singaotem, mo tru trutok abaot Jos ia.
Buk blong Momon i no nomo ki ston blong relijin blong yumi, be i save kam ki ston blong testemoni blong yumi tu blong mekem se taem ol hadtaem o ol kwestin we oli nogat ansa oli kam agensem yumi, i save holem testemoni blong yumi i stap long wan sef ples. Buk ia i wan weit blong trutok we i moa hae long ol nogud toktok. ?From wanem? From sapos i tru, ale Josef Smit i wan profet mo hemia i Jos blong Jisas Kraes we i kambak, nomata long ol histri o toktok we o kam agens. From risen ia, Ol toktok blong agens oli gat tingting ia blong no agri long Buk blong Momon i kam long hem, be ol samting we oli fesem oli bigwan tumas from Buk ia i tru.
Faswan, ol nogud toktok oli mas eksplenem olsem Josef Smit, wan 23 yia boe blong fam wetem smol edukesen, i mekem wan buk wetem plante handred blong wanwan nem mo ol ples, mo tu wetem ol ditel stori mo ol aksen. Blong eksplenem hemia, plante toktok blong agens oli talem se hem i wan waes man, we i dipen long plante buk mo ol narafala risos blong krietem insaed histri blong Buk blong Momon. Be long narasaed long ol toktok blong agens ia, i no gat wan witnes we i talem se i luk Josef wetem eniwan long ol giaman risos ia bifo translesen i stat.
Nomata sapos ol toktok ia oli tru, i no inaf nating blong eksplenem olsem wanem Buk blong Momon i stap. Wan i mas oltaem ansa long kwestin ia: ?Olsem wanem Josef i ridim evri giaman risos ia, i karemaot hemia we i no stret mo holemtaet ol stret aksen long huia i stap long wanem ples mo wetaem, mo afta i talemaot wetem wan stret fasin blong tingbaot gud? From taem Josef i stap transletem Buk, hem i no gat eni pepa blong luk. Be, waef blong hem Emma i tingbaot: “Hem i nogat eni pepa o buk blong rid aot long hem. Sapos hem i gat eni kaen long ol samting olsem, bae hem i no save haedem olgeta long mi.”
So, ?olsem wanem Josef i save mekem wan gudfala wok olsem blong talemaot wan 500 plas pej be i nogat buk blong rid aot long hem? Blong mekem olsem, hem i no nomo stap olsem wan waes man be hem i gat tu wan stret memori blong evri pat. Be sapos hemia i tru, ?from wanem ol toktok blong agens blong hem i no singaotem wan lukluk i go long naesfala talen blong hem?
Be i gat moa. Ol toktok ia oli kam nomo from histri insaed long buk. ?Wanem we i tru i stil stap. ?Olsem wanem Josef i prodiusum wan buk we fulap wetem spirit, mo wea nao hem i tekem wan dip doktrin olsem, plante long olgeta oli mekem i klia mo go agens ol kristian biliv blong dei blong hem?
Eksampol, Buk blong Momon i tijim, we i defren long plante long ol kristian biliv, se foldaon blong Adam i wan gud step blong muv fored. I talemaot ol kavenan we yumi mekem taem yumi baptaes mo ol toktok blong prea blong sakramen, we tufala evriwan Baebol i no tokbaot.
Antap long hemia, wan i save askem: ?Wea nao Josef i karem paoaful tingting ia se from Atonmen blong Kraes, hem i no klinim yumi be i mekem yumi kam stret gus evriwan? ?Wea nao hem i karem naesfala toktok long saed blong fet longAlma 32? ?O toktok blong King Benjamin long saed blong Atonmen blong Sevya, ating wan long ol naesfala toktok long topik ia long ful skripja? ?O parabol blong ol olif tri wetem evri had mo rij doktrin blong hem? Taem mi ridim parabol ia, mi mas dro wan map blong folem ol ditel blong hem. ?Bae yumi maet bilif se Josef Smit i jes talemaot ol toktok ia nomo long hed, we i nogat eni kaen not?
Long narasaed blong ol kaen tingting ia, ol help blong God i stap long ful Buk blong Momon, olsem ol bigfala pruf blong trutok, speseli naesfala toktok long saed blong Atonmen blong Jisas Kraes.
Sapos Josef i no bin wan profet, afta blong mekem se hem i ansa from ol samting ia mo plante nara impoten toktok blong doktrin, ol toktok blong agens i mas mekem toktok se hem i waes man long saed blong relijin. Be sapos hem ia i tru, wan bae i askem, ?From wanem Josef i wan man ia nomo long ol yia 1800 i stap folem ministri blong Kraes blong mekem wan bigfala koleksen blong ol singgel mo doktrin we i klia? From we, i bin revelesen, be i no waes, revelesen nao i sos blong buk ia.
Be tu, sapos yumi tingting se Josef i wan smat mo waes man blong relijin, wetem wan stret memori—ol talen ia nomo i no save mekem hem i kam gud man blong raet. So blong eksplenem Buk blong Momon we i stap, ol toktok blong agens i mas mekem i klia tu se Josef i wan man we i gat presen blong raet taem hem i gat 23 yia. Sapos no, ?Olsem hem i putum tugeta plante nem, ol ples, mo ol aksen insaed long wan we oli raetem we i stret gud? ?Olsem wanem hem i raetem ol ditel blong teknik blong wo, i mekem ol naesfala toktok, mo krietem ol toktok we oli haelaetem mo lanem bae hat, ol kwot mo ol milian pipol oli putum long ol doa blong aesbokis, olsem, “Taem yufala i stap wok blong ol narafala man, yufala i stap mekem wok blong God blong yufala nomo” (Mosaea 2:17) O ol Man i stap, blong oli save gat glad” (2 Nifae 2:25) Ol mesej ia oli gat paoa—ol mesej we oli laef mo i pulum win mo i givim insperesen. Blong talem se, Josef Smit, we i gat 23 yia, i gat ol skil we i inaf blong raetem wan impoten wok olsem long wan kopi nomo long kolosap 65 dei blong wok bae i go agens wanem we i tru long laef.
Presiden Russell M. Nelson, wan eksperiens man blong raet we i gat skil, i serem se hem i bin raetem 40 taem wan toktok blong Jeneral Konfrens we i pas i no longtaem. ?Bae yumi naoia biliv se Josef Smit, hemwan, i talemaot ful Buk blong Momon long wan singgel kopi nomo wetem smol teks mistek nomo long hem afta long stret kopi?
Waef blong Josef, Ema, i konfemem hamas wan wok olsem i had: “Josef Smit [olsem wan yang man] hem i no save rid mo raet mo no save ridim wan naes leta we oli raetem gud; mo bae hem i no save ridim wan buk olsem Buk blong Momon.”
Mo afta, sapos wan i akseptem ol toktok blong agens ia oli toti olsem we oli stap, ol toktok blong agens ia oli stil fesem wan had samting. Josef i talem se Buk blong Momon oli raetem long ol plet blong bras. Toktok blong hem ia i kasem plante toktok blong agens long ol dei blong hem—from “evriwan” oli save se ol olfala histri ia oli raetem long ol olfala pepa kasem ol yia afta taem oli faenem ol plet blong aean wetem ol olfala raeting long hem. Antap long hemia, ol toktok blong agens ia oli talem se ol yus blong simen olsem we oli talem long Buk blong Momon, ol man Amerika blong bifo oli no save yusum—kasem taem oli faenem ol strakja blong simen long Amerika. ?Olsem ol toktok blong agens oli tokbaot hemia mo ol narafala samting? Josef, yu luk i mas stap olsem wan laki man tru. Be, long medel blong plante toktok agensem hem, agensem evri save blong saens mo teknoloji, hem i talem stret taem evri narawan i rong.
Taem evri samting oli talem mo i happen, wan bae i tingting, olsem wanem wan man bae i biliv se evri giaman samting ia mo ol fos olsem we ol toktok blong agens i putum tugeta long wan wei i letem Josef blong raetem Buk blong Momon mo afta mekem wan wok blong devel. ?Be olsem wanem hemia bae i kam klia gud? Long wan stret fasin blong agens long wan kaen dikleresen, buk ia i givim insperesen long plante milian blong sakemaot Setan mo laef moa olsem hemia blong Kraes.
Nomata se wan man i save jusum blong biliv long ol eksplenesen blong ol toktok blong agens, hemia, blong mi, mekem olsem bae i no karem i karem i kam eni progres long saed blong save mo spirit. Blong bilivim hemia, Bae mi nid blong akseptem wan tingting we i no gat pruf wan afta long narawan. Antap long hemia, Bae mi nidim blong sakemaot testemoni blong ol eleven witnes, iven sapos wanwan i stap tru long ol testemoni blong olgeta go kasem en; Bae mi nidim blong sakemaot tabu doktrin we i fulumap ol pej afta pej blong tabu buk ia wetem bigfala trutok; bae mi mas tanem mi long tingting ia se plante man oli bin kam kolosap long God taem oli ridim buk ia bitim eni nara buk, mo antap long evri samting, bae mi mas tanem mi long voes blong Tabu Spirit. Hemia i go agens evri samting we mi save we oli tru.
Wan long ol gudfala fren blong mi i bin aot long Jos blong sam taem. Hem i bin raet long mi long saed blong kambak blong hem: “Faswan mi wantem oli pruvum long mi abaot Buk blong Momon long saed blong histri, long saed blong kantri blong hem, lanwis mo long saed blong kalja. Be taem mi jenisim lukluk blong mi long wanem i tijim long saed blong gospel blong Jisas Kraes mo misin blong Hem blong sevem man, mi stat blong kasem wan testemoni long saed blong trutok blong hem. Wan dei taem mi stap ridim Buk blong Momon long rum blong mi, mi stop, mi nildaon mo mekem wan prea blong hat mo filim raon long mi se Papa long Heven i toktok long Spirit blong mi se Jos mo Buk blong Momon tufala i tru evriwan. Ol tri yia haf taem blong lukaotem ol kwestin long saed blong Jos i lidim mi i kambak fulwan long trutok blong hem.”
Sapos wan i tekem taem blong ridim wetem tingting we i stap daon mo tingting hevi long Buk blong Momon, olsem fren blong mi i mekem, mo givim ol sora long ol swit frut blong Spirit, afta bae hem i kam blong kasem witnes we hem i wantem.
Buk blong Momon i wan long ol presen blong God we i no gat praes long yumi. Hem i naef tugeta wetem sil—hem i sendem ol toktok blong God i go long faet from hat blong olgeta we oli stret mo oli stap olsem wan jif man blong difendem trutok. Olsem ol Sent, yumi nogat nomo janis blong difendem Buk blong Momon be janis blong tekem ol harem nogud— blong prijim wetem paoa tabu doktrin blong hem mo serem testemoni long witnes blong herm long saed blong Jisas Kraes.
Mi serem tru testemoni se Buk blong Momon oli bin transletem tru long presen mo paoa blong God. Hem i wan paoaful witnes blong God long tabu wok blong Jisas Kraes, koling blong Josef Smit olsem wan profet, mo stret trutok blong Jos ia. Bae i kam ki ston blong testemoni blong yumi, blong oli save talem abaot yumi, olsem Ol Man blong Leman we oli bin biliv, oli neva bin foldaon i gowe” (Alma 23:6). Long nem blong Jisas Kraes, amen.