Nunak Muhnahs nu Sin Sie Sin Sie, oana ke Leum El Nuhnak Munas nu Suwos
Kuht kwewa kuh in eis mihs askuhlacna ac kuhpahsryang wi Mwet Lahngo lasr ke kuht etwaclah in sukohsohk ke nuhnak muhnahs nuh selos suc oruh ma koluk lain kuht.
“Ke lwen se emet ke wik sac, toang na ke lututacng sac, mutan inge som nu ke kuclyuck uh ac us mwe keng ma elos akolah ah.
“Elos liyacack lah eot sac ipisyukla liki mutun kulyuk sac.
“Na elos utyak nu loac; tusruktu elos Tiana konauk monin Leum Jesus.
“Elos arulana fohsak ke ma inge, na in kitin pacl ah na mwet luo tu me siskalos su nukum nuknuk na saromrom.
“Mutan uh arulana sangeng ac faksufi ke mwet luo ah fahk nu selos, “Efu kowos ku suk el su moul inmasrlon mwet misa?
“El tia oasr inge; el akmoulyeyukyak tari.”1
Lutu, lwen Sabbath in Easter, kuht ac esam ke ohiyac wolacna se ma Jisus Kraist El tuh oruh kacsr: “Tuh God El lungse faclu ouinge: El ase Wen sefanna natul, tuh elos nukewa su lulalfongi in el fah tia misa, a elos fah eis moul ma pahtpast.”2 Sie pacl, kuht ac moulyak oacna El, in moul ma pahtpaht.
Ke ma usrnguck luhn Iwaclah muhtahl luhn Jisus Kraist, kuht kuh pac in eis mwe sang luhn nuhnak muhnahs ke ma koluk ac tahfonglac lasr, kuht fin eis pacl wowo ac ma kunac luhn auliyak. Ac ke kuht eis awkuck enenweyuck, liacacng wuhleacng, ac ahkos masap uh, kuht kuh in eis moul ma pahtpaht ac moul ma pahtpaht yurin God.
Mihsenge, nga ke sramsram yohk ke nuhnak muhnahs, mwe sang sacohk enenweyuck utuckuh nuh sesr sin Mwet Lahngo ac Mwet in Molwelah lasr, Jisus Kraist.
Sie fong ke December 1982 ah, muhtwacn kiyuck, Terry, ac nga tuh muhtwaclihk ke pahng se ke telephone ah nuh lohm sesr e Pocatello, Idaho ah. Ke nga sruhkwack telephone ah, nga lohng muhkwena tuhng. Sahflahiyac, puhsrwen muhtwacn wiyuck upac in fahk, “Tommy el misac.”
Sie mwet utuck stosah sruhi yac lohngoul, kahsruhsr muhi likina mael 85 (135 km) ke ao, tiac nuhnak kahsruhsr ahluhkwelah lahm sruhsrah se fin acn Denver, Colorado. El fakihsyac stosah soko wucnyuck sin tamuhlwel fuhsr se wiyuck, Tommy, unilyac ac muhtwacn kiacl ah, Joan. Elos kahsruhsr in fohlohk nuh lohm selos ah nuh yurin tuhlihk muhtwacn se nahtuhlos tukun sie ahkfuhlwact ke Christmas.
Muhtwacn kiyuck ac nga sa na som nuh Denver ac kahsruhsr nuh ke acn in fihl mwet misac ah Kuht tuhkweni yurin ninac pahpah tuhmuhk ac mwet wiyuck ac ahsor ke misac lal Tommy ac Joan mwet sacohk wiyacsr. Elos misac ke ohiyac luhn mwet wacngihn nuhnak la .Insiacsr muhsahlah, ac nga muhtwacwacack in toasr sin mwet suc lain masap uh.
Tommy el tuh kuhlwacnsap oacna sie mwet orekma ke masap ke United States Department of Justice ac apkuhran in ekihn mwet luhlahp se in karihngihn acn ac kuhfa luhn mwet Native American ke yac puhs fahsruh uh.
Tukun pacl uh somlah, toeni in nuhnuhnkuh uh oreklac ke mukul fuhsr se suc lainyuck ke misac luhn mwet luo ah. Ke ahsor yohk lalos, ninac pahpah tuhmuhk ac muhtwacn mahtuh se wiyuck, Katy, elos wi toeni se ngwacn. Ninac pahpah tuhmacn mwet kahsrohsr sruhi sac elos wi pac, ac tukun toeni sac, elos muhta na tuhng. Ninac pahpah tuhmuhk ac muhtwacn wiyuck ah muhta fototo nuh yohrohlos ke elos srihke in ahkmihsye puhla lalos. Ke kihtin pacl ah, elos tuyak ac fashr nuh yurun ninac pahpah tuhmwacn mwet traif sruhi sac ac sang kuhtuh kahs in nuhnak muhnahs ac ahkwoye. Mukul uh usrusr po; muhtwacn usrusr po; oasr ahsor na luhlahp ac sronin muhta ke mwet nuhkwewa ac mwe ahkihlen se lah sucu ah kwewa elos kweok ke ma yohk. Ninac, Pahpah, ac Katy elos fahsr nuh met ke kuh muhlahlah ac puhlaik lalos ac ahkkahlwemye nuh sin sucu lasr ohiacn nuhnak muhnahs uh.
Ohiacn nuhnak muhnahs ke pacl ingwacn oruh insiuck sifacna in fihsrwacsrlah ac ikacslah inkacnek soko in unweyuck. Tohkohyang nga lotwelah in oasr inse nuhnak muhnahs luhk. Muhkwena ke kahsruh luhn Fihsrack luhn Mihslac ma toasr luhk itucklac. Insiyuck ac fah ahsrwellah Tommy ac Joan pacl nuh kwewa, tuh nuhnak muhnahs oruh nga in esamuhlos ke engan yohk. Ac nga etuh kuht ac fah sifil tuhkweni ekihn sucu se.
Nga tiac fahk muh kuht insese ke lainyacn masap uh. Kuht etuh suhwos lah kais sie mwet ac nuhnuhnkweyuck ke orekma lain masap lalos uh. Tuhsruhktuh, kuht oacyacpac etuh lah, oacna wen ac acn nuhtin God suc ukwe mwe luti luhn Jisus Kraist, kuht enenuh in nuhnak muhnahs finne kuht nuhnkuh mwet sahyac uh muh tiacna puhla wo in eis nuhnak muhnahs lasr uh.
Mwet Lahngo El luti:
“Kowos fin nunak munas nu sin mwet su orekma koluk nu suwos, Papa tomowos su inkusrao El ac fah oayapa nunak munas nu suwos.
“A kowos fin tia Nunak munas nu sin mwet uh, na Papa tomowos El ac fah tiac pac nunak munas ke ma koluk ma kowos orala uh.”3
Kuht nuh kwewa kuh in eis mihs askuhlacna ac tuhkweni wi Mwet Lahngo lasr ke kuht lotwelah in sa nuhnak muhnahs nuh selos suc tuh “orek ma koluk” nuh sesr. Tuhkweni inge use kuh luhn Mwet Lahngo nuh in moul lasr ke ohiyac suwos, tiac kuh in muhlkihnyucklac.
Mwet Sap Paul el luti:
“Kowos mwet lun God. … kowos enenu in moulkin pakoten, kulang, inse pusisel, mongfisrasr, ac muteng.
“Kowos in muteng ac nunak munas nu sin sie sin sie, … : oana ke Leum El nunak munas nu suwos.”4
Leum El sifacna fahk:
Kuht fin tiac nuhnak muhnahs nuh sin mwet sahyac, kuht tu nuhnuhnkweyuck sin Leum ac ma koluk yohk sac ma lasr.
Leum El fahk lah El ac fah nuhnak muhnahs nuh selos El kena nuhnak muhnahs tuh El sap Kuht in nuhnak muhnahs nuh sin mwet nuh kwewa.5
Mwe luti luhn Mwet Lahngo ac Mwet in Molwelah arulacna kahlwem; mwet orek koluk sac enenuh in nuhnak muhnahs nuh sin mwet sahyac finne el finsrak in eis nuhnak muhnahs. 6
Tamuhlwel ac tahmtahel, yac oasr mwet in moul lasr suc ahkngalye kuht? Yac kuht sruok na puhla koluk ac muhlat lasr kaclos? Yac kuht lwelah inse fuhlwact uh in tiac lwelah kuht in nuhnak muhnahs ac fuhlwelah puhla inge? Nga suli kuht nuh kwewa in pwacyena nuhnak muhnahs ac lwelah onwelah uh in sikyak insiacsr. Ac finne nuhnak muhnahs uh tiac sikyak mihsenge, etuh lah kuht fin kena ac orekma kkac, ac fah tuhkuh—oacna ke sikyak nuh sihk tukun misac luhn mukul se wiyuck ah.
Nuhnak muhnahs esam pac lah sie ip yohk srihpac ke nuhnak muhnahs pa in nuhnak muhnahs nuh sesr sifacna.
El suc auliyak ke ma koluk lal,” eis nuhnak muhnahs, ac Leum El fah tiac esam ma koluk ngacn. 7
Nga ngihsrwe kuht kwewa lwen se inge uh in esam ac ukwe srihkasrak luhn Jisus Kraist. Ke sahksin soko acn Golgotha, ke kweok Lal, El fahkack kahs inge: “Papa, nuhnak munas nu selos, tuh elos tia etu ma elos oru uh.”8
Ke oasr nguhn1 in nuhnak muhnahs lasr ac mukwikwi kac, oacna ninac pahpah tuhmuhk ac muhtwacn mahtuh se wiyuck, kuht kuh in akihlwen olwelah se luhn Mwet Lahngo: “Nga filiya misla yuruwos. Misla luk sifacna pa Nga asot nu suwos. Nga tia asot oana ke faclu asot. Nikmet fosrnga ku toasr, oayapa nikmet sangeng.”9
Nga lohoh lah mihs se inge fah tuhkuh nuh in moul lasr ke kuht ukwe mwe luti luhn Jisus Kraist ac ukwe srihkasrak Lal in nuhnak muhnahs nuh sin mwet sahyac. Ke kuht nuhnak muhnahs, nga olwelah Mwet Lahngo El fah ahkkweye kuht, ac kuh ac engan Lal fah fahsr nuh in moul lasr.
Kulyuck sac wacngihn mahno. Kraist El moul. Nga Etwacl. Nga luhngse El. Nga tarilacna ke luhngse kuhlwacn Lal, suc pa kuh in ahkkweye fal in ahkwoye ma nuh kwewa. Ke ine muhtahl luhn Jisus Kraist, amen.