Riboot eo an Raan Jikin Bōnbōn eo an Kabun̄ in, 2018
N̄an Būreejtōnji eo Kein Kajuon an Kabun̄ eo an Jisōs Kraist im Armej Ro Rekwojarjar ilo Raan-ko Āliktata
Iakwe Em̧m̧aan ro Rejitōn Bōro: āinwōt an kar Tōl jān revelesōn eo ilo jekjen 120 in Katak im Bujen ko, Ko̧o̧njeļ eo ej lale wāween kōjerbal Juon M̧ōttan Jon̄oul ko—ekitbuuj Būreejtōnji eo Kein Kajuon, Doulul eo an Jon̄oulruo Rijilōk ro, Bisoprik eo ej Tōl, rej kōmālim kōjerbal jāān ko an Kabun̄ in. Ra ko an Kabun̄ in rej leto letak jāān ko ekkar n̄an bajet ko em̧ōj kōmālimi, kien ko, im jekjek in jerbal ko aer.
Bōnbōn eo an Kabun̄ in, eo ekitbuuj ro retijem̧ļo̧k im ra in ej makeļo̧k iaan jān aolep ra ko jet an Kabun̄ in, eo ewōr an eddo n̄an kōm̧m̧ani etale bōnbōn ko n̄an letok wāween ko rejejet ilo wāween leto letak jipan̄ ko, wiakake ko kar kōm̧m̧ani, im kōjparok m̧weiūk ko an Kabun̄ in.
Pedped wōt ioon jerbal in etale bōnbōn in jāān ko emōj kōm̧m̧ani, Bōnbōn eo an Kabun̄ in ej kwaļo̧k kōn meļeļein bwe, ilo aolep m̧weiūk ko, jipan̄ ko kar būki, wiakake ko kar kōm̧m̧ani, im m̧weiūk ko an Kabun̄ in ilo iiō 2018 kar reko̧o̧ti im kōjerbali ekkar n̄an bajet ko remālim an Kabun̄ in, kien ko, im jerbal in bōnbōn ko an jāān. Kabun̄ in ej ļoor imminene ko me emōj katakin membōr ro n̄an mour ilowaan juon bajet, jab kōm̧m̧an m̧uri, im kōjparok jāān ņae juon iien emenin aikuj.
Ilo kautiej kar lewaj,
Raan Jikin Bōnbōn eo an Kabun̄ in
Kevin R. Jergensen
Mānija Tōreektōr eo