2:3

Mga Saksi, Mga Korum sang Aaronic Priesthood, kag Mga Klase sa Young Women

Ni Pangulong Russell M. Nelson

Ang mga pagbag-o nga amon karon ipahibalo gintuyo sa pagbulig sang lamharon nga mga lalaki kag lamharon nga mga babayi nga pauswagon ang ila sagrado nga personal nga ikasarang.

Mga pinalangga kong kauturan, kanami nga makaupod kamo liwat sa pangkabilugan nga komperensya. Sang damlag pa sining semana, gin-anunsyo sa mga miyembro sang Simbahan ang mga pagliwat sang polisiya nahahungod sa mga magaserbe nga saksi sa mga ordinansa sang bunyag kag pagselyo. Luyag ko suliton inang tatlo ka mga punto.

Ang tal-os nga bunyag para sa patay mahimo nga saksihan sang bisan sin-o nga nagakapot sang current nga temple recommend, lakip na sang limited-use nga recommend.
Ang bisan sin-o nga endowed nga miyembro nga may current nga temple recommend mahimo nga magserbe saksi sa mga ordinansa sang pagselyo, sa buhi kag sa minatay.
Ang bisan sin-o nga nabunyagan nga miyembro sang Simbahan mahimo nga magserbe saksi sa bunyag sang buhi nga tawo. Ining pagbag-o nagatumod sa tanan nga bunyag sa gwa sang templo.

Ining mga pagbag-o sa polisiya may kaangtanan sa proseso. Ang tig-unga nga doktrina kag mga kasugtanan wala nagbag-o. Palareho ini nga epektibo sa tanan nga mga ordinansa. Ining mga pagbag-o dapat magpauswag sing dako sang partisipasyon sang pamilya sa sining mga ordinansa.

Luyag ko man maghambal sa inyo karon agud ipresentar ang mga pagbag-o nahanungod sa aton mga lamharon kag sa ila mga lider.

Matandaan ninyo nga gin-agda ko ang mga lamharon sang Ang Simbahan ni Jesucristo sang mga Santos sa Ulihing mga Adlaw nga mag-entra sa batalya sang mga lamharon sang Ginuo sa pagpartisipar sa pinakadako nga kawsa sa duta sa karon nga panahon—ang pagtipon sang Israel. Ginhatag ko ining imbitasyon sa aton mga lamharon bangud kay pinasahi ang ila abilidad sa pagkonekta sa iban kag sa pagpaambit sang ila ginapatihan sa makakumbinsi nga paagi. Ang kawsa sang pagtipon isa ka importante nga bahin sang pagbulig handa sang kalibutan kag sang iya katawhan para sa Ika-duha nga Pagkari sang Ginuo.

Sa tagsa ka ward, ang batalya sang mga lamharon sang Ginuo ginapangunahan sang bishop, isa ka mapisan nga alagad sang Dios. Ang iya una kag pinakaimportante nga responsibilidad amo ang atipanon ang mga young men kag young women sa iya ward. Ang bishop kag ang iya mga manuglaygay nagagiya sang buluhaton sa mga korum sang Aaronic Priesthood kag sang mga klase sa Young Women sa ward.

Ang mga pagbag-o nga amon karon ipahibalo gintuyo sa pagbulig sang lamharon nga mga lalaki kag lamharon nga mga babayi nga pauswagon ang ila sagrado nga personal nga ikasarang. Luyag man namon nga pabakuron ang mga korum sang Aaronic Priesthood kag mga klase sa Young Women kag suportahan ang mga bishop kag iban pa nga hamtong nga mga lider samtang nagaserbisyo sila sa sining mga ulihing-tubo.

Si Elder Quentin L. Cook magahambal karon parte sa mga pagbag-o nahanungod sa young men. Kag karon sa gab-i, sa pangkabilugan nga sesyon sang kababayin-an, si Sister Bonnie H. Cordon, Pangkabilugan nga Pangulo sang Young Women, magahambal parte sa mga pagbag-o nahanungod sa young women.

Ang Unang Panguluhan kag ang Dose nagaisa sa pag-endorso sining mga programa sa pagpabakod sang aton mga lamharon. O, palangga gid namon sila kag ginapangamuyo sila! Sila ang “paglaum sang Israel, soldado sang Sion, kabataan sang ginpangako nga adlaw.” Ginapahayag namon ang amon bug-os nga pagsalig sa aton mga lamharon kag ang amon pagpasalamat para sa ila. Sa sagrado nga ngalan ni Jesucristo, amen.