Report sa Church Auditing Department, 2020
Ngadto sa Unang Kapangulohan sa Ang Simbahan ni Jesukristo sa mga Santos Ulahing mga Adlaw
Minahal nga Kaigsoonan: Sumala sa gisulti sa pagpadayag diha sa seksyon 120 sa Doktrina ug mga Pakigsaad, ang Konseho sa Paggasto sa Ikapulo—gilangkoban sa Unang Kapangulohan, sa Korum sa Napulog Duha ka mga Apostoles, ug sa Presiding Bishopric—nagtugot sa paggasto sa mga pundo sa Simbahan. Ang mga departamento sa Simbahan moapud-apud sa mga pundo nga pinasubay sa giaprobahan nga mga badyet, mga polisiya ug mga pamaagi.
Ang Church Auditing, nga gilangkoban sa mga propesyonal nga dunay mga kredensyal ug independente sa tanang ubang mga departamento sa Simbahan, adunay responsibilidad sa pagpahigayon og mga audit aron sa paghatag og resonable nga kasiguroan kabahin sa mga amot nga nadawat, mga galastohan nga nahimo, ug sa pagbantay sa mga kabtangan sa Simbahan.
Base sa mga pag-audit nga gihimo, ang Church Auditing nagtuo nga, sa tanang importanting detalye, ang mga amot nga nadawat, mga paggasto nga gihimo, ug mga kabtangan sa Simbahan alang sa tuig 2020 narekord ug nadumala sumala sa giaprobahan nga mga badyet, mga polisiya, ug mga pamaagi sa accounting sa Simbahan. Ang Simbahan nagsunod sa mga pagtulun-an nga gitudlo ngadto sa mga miyembro niini nga magpuyo sumala sa badyet, molikay sa utang, ug magtigom alang sa panahon sa panginahanglan.
Matinahurong gisumiter,
Church Auditing Department
Jared B. Larson
Tigdumalang Direktor