COVID-19 me Ekkewe Tempel
Kopwe anomwu omw kewe pwonen non tempel me feioch repwe cheche napanap non omw ekiek me manaomw. Nomw non pwungun kewe pwon ka fen fori.
Atongei pwii me fefenei kana, afen enetin wor ach kametipen ngunupin. Ifa ukukun ai kinisow ren kewe iotek, afanafan, me konun unsen ewe mwichenap. Kinisou ngeni emon me emon ami ren ami fitikich, ese nifinifin ia ka nomw ia.
Nepoputan ewe ier a no, pwokiten COVID-19 me ach mwochen sipwe aramasen muu meinisin mi och, sia fini inamo a kan aweires ach sipwe esipa meinisin tempel fan ekkis fansoun me keuk. Non ekkewe maram, sia mefi ach sipwe suki safan ekkewe tempel ekis me ekis non ach tumunoch. Kewe tempel ra suk iei me ra angang non ruanu kinikin, fori anukun muu me pekin tumunoch mi kawor.
Ren kewe tempel non kinikin 1, kewe pwupwunu kewe rafen angei ar epinipin ra tongeni riri fengen ren iir pwupwunu.
Ren kewe tempel non kinikin 2, meinisin ekewe angang fan iten kewe mi manaw ra anganga, fiti an emon pwisin epinipin, ewe riri an pwupwunu, me semirit ngeni iner me semer. Kich sia fen fori ekoch ekesiwin ren ewe kinikin 2 me mut ngeni kewe sarafo, minafon memper, me ekoch kewe mi wor neur rekomen mi chok keuk ar repwe fiti angangen papataisen aramaser kewe.
Ren kewe tempel non kinikin 3, kewe mi wor ar apointmen ra tongeni fiti angang sapw fan iten chok kewe mi manau nge pwan fan iten aramaser rafen mano.
Kinikin 4 ren niwin ngeni unusan, foforun tempel iteitan.
Sia unusen kinisou ren ami mosonoson me angang non ei fansoun mi osukosuk me ekesiwin. Ngang uwa iotek pwe omw mwochen kopwe pinngeni me angang non ewe tempel epwe pwichipwich saramaram seni nomw.
Kopwene ekieki ika inet kopwe tongeni niwin ngeni ewe tempel. Penuwan: Omw tempel epwe suk nupwen anukun mwuu epwe mwut ngeni. Nupwen ewe COVID-19 non neniomw epwe nomw non an tumun, omw tempel epwe suk sefan. Fori meinisin kopwe tongeni ren omw kopwe ekukunatiw COVID non neniemi pwe an omw tempel tongeni an epwe suk epwe watteno.
Nge ina, kopwe anomwu omw kewe pwonen non tempel me feioch repwe cheche napanap non omw ekiek me manaomw. Nomw non pwungun kewe pwon ka fen fori.
Sia fori iei ren non mwach kan. Faik-ew tempel ra keuta ika fer sefan iei. Non ewe chok ier a no, inamwo ewe pantemik, pwun mi kata ren 21 tempel minafo.
Sia mwochen wato ewe imwen ach Samol epwe akarap ngeni kewe memper, pwe repwe tongeni nomw rer ewe mwokutukut mi pin ren ar repwe fiti tempel iteitan ren nonomwur mi mwut ngenir.
Ren ai uwa esinei usun ach ei ekiek ren keutan 20 minafon tempel, uwa ekieki me ingeiti kewe aramasen akkom—nomw me ikanai—ekewe ra epini manaw me aninis me fori ei uruwo ikanai. Ew minafon tempel epwe keuta non ekkei neni: Oslo, Norway; Brussels, Belgium; Vienna, Austria; Kumasi, Ghana; Beira, Mozambique; Cape Town, South Africa; Singapore, Republic of Singapore; Belo Horizonte, Brazil; Cali, Colombia; Querétaro, Mexico; Torreón, Mexico; Helena, Montana; Casper, Wyoming; Grand Junction, Colorado; Farmington, New Mexico; Burley, Idaho; Eugene, Oregon; Elko, Nevada; Yorba Linda, California; and Smithfield, Utah.
Tempel ese wor tapin me a auchea ngeni ewe Kaworen sefanin ewe kapas allimen Jises Kraist non unusochun. Ekewe angangen pwon mi pin non tempel ra ounusa manauach ngeni pechekun me nikitu ese pwan wor ew sokun. Sia kinisow ngeni Kot ren ekena feiech.
Ren ach sia esipano ei mwichenap, sipwe pwan pwari safan ach tong fan itemi. Sia iotek pwe Kot epwe etutu an feioch me tumun won emon me emon ami. Kich fengen sia nomw non an angang mi pin. Fiti tongeni, kich meinisin sipwe achocho non ewe angang mi echiper fan iten ewe Samon. Ren ei ua iotek non ewe it mi pin iten Jises Kraist, amen.