Mo Awosuo Kronkron ne Hyɛberɛ a Ɛnni awieɛ
Meto nsa frɛ mo sɛ momma Yesu Kristo mmra mo abrabɔ mfimfini na monkae nokorɛ fapem a ɛwɔ Mmaayewa asɛntire no mu.
Anuanom mmaa pa, yɛda mo ase sɛ mowɔ ha. Ɛyɛ animuonyamhyɛ ma me sɛ saa ɔfa ma mmaa wɔ amansan nhyiamu yi ase, meka ho bi. Wɔ berɛ mu no, manya akwanya akɔ Mmaayewa no nso suakuo mu. Mmom ma menyi deɛ ɛyɛ petee nkyerɛ mo—menyɛ akwadaa na menyɛ ɔbaa bi! Mmom, mesuaa sɛ, sɛ metumi ne mmaayewa no ka wɔn Mmaayewa asɛntire no a, mɛfata kakra. Nkyerɛkyerɛ a ɛmu dɔ a wɔkyerɛ wɔ Mmaayewa asɛntire no mu no1 ɛho hia ma mmaayewa, nanso ɛdi dwuma ma obiara, yɛn mu binom a yɛnyɛ mmaayewa no ka ho.
Mmaayewa asɛntire no hyɛ aseɛ sɛ, “Meyɛ ɔsoro awofoɔ dɔ ba baa, a mewɔ awosuo kronkron ne hyɛbrɛ a ɛnni awieɛ.”2 Saa asɛm yi kura nokorɛ a ɛho hia nan. Ɛdi kan, woyɛ dɔ ba baa bi. Biribiara a woyɛ—anaa wonnyɛ—rentumi nsesa no. Onyankopɔn dɔ wo ɛfiri sɛ woyɛ Ne honhom babaa. Ɛtɔ da a yɛntumi nte Ne dɔ no nka, nanso ɛwɔ hɔ berɛbiara. Onyankopɔn dɔ yɛ mapa.3 Yɛn nimdeɛ sɛ yɛbɛte saa ɔdɔ no nka nni hɔ.
Honhom no di nnyinasoɔ a ɛho hia ho dwuma wɔ sɛ yɛbɛte Onyankopɔn dɔ no nka.4 Nanso, atenka denden tumi hinta Sunsum Kronkron no nkɛntɛnsoɔ so, sɛ ebia abufuo, ɔtan, [anaa] ehu, te sɛ worebɔ mmɔden ama bobe hwa ayɛ akɔnnɔ berɛ a woredi jalapeño mmako. [Huam baako] bu fa ɔfoforɔ no so korakora.”5 Enti bio, nneyɛɛ a ɛtwe yɛn firi Sunsum Kronkron no ho a bɔne ka ho no,6 ma no yɛ den ma yɛn sɛ yɛbɛhunu Onyankopɔn dɔ a ɔwɔ ma yɛn no.
Saa ara, nneɛma foforɔ ntam no, nsɛm denden tebea ne honam ne adwene mu yareɛ, bɛtumi akum yɛn atenka ma Onyankopɔn dɔ no ano. Wɔ saa nsɛm yi nyinaa mu no, awerɛhyɛmu akannifoɔ ne adwuma mu nimdefoɔ ho bɛtumi ataa aba mfasoɔ. Yɛbɛtumi nso abɔ mmɔden ayɛ biribi afa sɛ yɛgye Onyankopɔn dɔ no berɛ a yɛrebisa yɛn ho sɛ, “Me dɔ ma Onyankopɔn yɛ daa daa anaa medɔ No berɛ a mewɔ nna papa mu, nso ɛnnɔɔso berɛ a mewɔ nna bɔne mu?”
Nokorɛ a ɛtɔ so mmienu ne sɛ yɛwɔ ɔsoro awofoɔ, agya bi ne ɛna bi.7 Nkyerɛkyerɛ fa Ɔsoro Ɛna ho nam adiyie so na ɛba, na ɛyɛ gyedie a ɛda nso wɔ Nna a ɛdi Akyire Ahotefoɔ ntam. Titenani Dallin H. Oaks kyerɛ saa nokorɛ titiriw yi mu: “Yɛn nyamesɛm ho nimdeɛ hyɛ aseɛ firi ɔsoro awofoɔ so. Yɛn anidasoɔ kɛseɛ ne sɛ yɛbɛyɛ te sɛ wɔn.”8
Kakra bi na wɔada no adi afa Ɛna a ɔwɔ Soro ho, nanso wɔabɔ deɛ yɛnim no tɔfa wɔ asɛmpa atifiasɛm bi mu a yɛhunu wɔ yɛn Asɛmpa Korabea afidie no so.9 Sɛ wokenkan deɛ ɛwɔ hɔ a, wobɛhunu biribiara a menim fa saa suahudeɛ yi ho. M’apɛdeɛ ne sɛ anka menim bebree. Mo nso mobɛtumi akɔ so anya nsɛmmisa a mopɛsɛ mohunu ho mmuaeɛ bebree. Morehwehwɛ nteaseɛ kɛseɛ yɛ yɛn honhom mu nyini no fa a ɛho hia, nanso mesrɛ mo monyɛ ahwɛyie Deɛ enti, rentumi nhyɛ adiyisɛm ananmu
Adwenebuo nsusuho renni yɛn anim nkɔ honhom mu nimdeɛ kɛseɛ mu, mmom ɛbɛtumi adi yɛn anim akɔ nnaadaasɛm mu anaa atwe yɛn adwene afiri deɛ wɔayi akyerɛ no so.10 Nhwɛsoɔ, Agyenkwa no kyerɛkyerɛɛ N’asuafoɔ no sɛ, “Mommɔ mpaeɛ nkyerɛ Agya no berɛbiara wɔ me din mu.”11 Yɛdi saa nhwɛsodeɛ yi akyiri, dane yɛn som kɔ yɛn Soro Agya hɔ wɔ Yesu Kristo din mu a yɛmmɔ mpaeɛ nkyerɛ Ɔsoro Ɛna.12
Ɛfiri berɛ a Onyankopɔn yii nkɔmhyɛfoɔ no, wɔama wɔn tumi sɛ wɔnkasa wɔ n’ananmu. Mmom wɔnnka nkyerɛkyerɛ a wɔanwono “afiri [wɔn] ankasa adwene mu”13 anaa kyerɛkyerɛ deɛ wɔanyi adi ankyerɛ. Susu Apam Dada mu nkɔmhyɛni Balaam nsɛm ho, ɔno a wɔmaa no adanmudeɛ sɛ ɔnnome Israelfoɔ na ɛnyɛ mfasoɔ mma Moab. Balaam kaa sɛ, “Sɛ [Moab hene] bɛma me ne fie a dwetɛ ne sika kɔkɔɔ ahyɛ ma mpo a, merentumi nkɔ ntra Awurade me Nyankopɔn asɛm, sɛ mɛyɛ kakra bi anaa dodoɔ.”14 Saa ara na ayɛ ɔhyɛ ama Nna a ɛdi Akyire nkɔmhyɛfoɔ nso. Worebisa adiyie afiri Onyankopɔn hɔ yɛ deɛ ɛnnso aba pa ne ahantan. Mmom, yɛtwɛn wɔ Awurade ne Ne berɛ nhyehyɛeɛ mu, sɛ ɔnam Ne kwan a wayi so bɛyi Ne nokorɛ adi akyerɛ.15
Nokorɛ a ɛtɔ so mmiɛnsa wɔ kratafa a ɛbue Mmaayewa asɛntire no ne sɛ yɛwɔ “awosuo kronkron.” Yei yɛ adehia ma oniiko a yɛyɛ. Ɛyɛ honhom mu “awosuo,” a yɛnya firi yɛn soro awofoɔ hɔ,16 a ɛnhia mmɔdemmɔ wɔ yɛn afa mu. Yei ne yɛn su a ɛhia kɛse pa ara, ɛmfa ho ne sɛdeɛ yɛbɛyɛ ayi yɛn su adi akyerɛ. Nteaseɛ ma saa nokorɛ a ɛmu dɔ yi ho hia ma obiara, nanso ne titiriw ma ankorankorɛ a wɔka akuo ho a abakɔsɛm mu wɔabu wɔn animtia, akɔ nhyɛsoɔ mu, anaa ateetee mu. Kae sɛ mo su a ɛhia kɛse pa ara ne mo awosuo kronkron sɛ moyɛ Onyankopɔn ba no bɔ abusua.
Nokorɛ a ɛtɔ so nan ne sɛ yɛwɔ “hyɛberɛ a ɛnni awieɛ bi.” Wɔremfa hyɛberɛ bi sei ɛnhyɛ yɛn so. Owuo akyiri no, yɛbɛnya deɛ yɛfata ne “anigyeɛ [ara] deɛ [yɛ] pɛ sɛ yɛnya,”17 Yɛrehunu yɛn hyɛberɛ a ɛnni awieɛ no gyina deɛ yɛahwɛ mu ayi so. Ɛhia sɛ yɛyɛ na yɛkora apam kronkron. Saa apam kwan yi ne ɔkwan a yɛfa so ba Kristo nkyɛn, na ɛgyina nokorɛ a ewie pɛyɛ ne ɛnni awieɛ mmara a ɛnsesa so. Yɛrentumi mmɔ yɛn ankasa kwan na yɛmmfa yɛn ani nto deɛ ɛfiri Onyankopɔn bɔhyɛ mu no so. Sɛ yɛde yɛn ani bɛto Ne nhyira no so berɛ a yɛrenni mmara a ɛnni awieɛ no a nhyira nyinaa gyina soɔ no so a18 ɛyɛ nnaadaa, te sɛ deɛ yɛdwene sɛ yɛbɛtumi asɔ bukyia hyeehye mu na “yɛsusu” sɛ ɛrenhye yɛn.
Mobɛtumi ahunu sɛ na mehwɛ ayarefoɔ a na wɔwɔ akoma yareɛ. Wɔnya deɛ ɛfiri mu papapaa no berɛ a wɔdi adanseɛ nnyinasoɔ ayaresa nhyehyɛeɛ a wɔahyehyɛ ato hɔ so. Ɛmfa ho sɛ wɔnim yei, ayarefoɔ binom bɔ mmɔden sɛ wɔbɛyɛ ayaresa nhyehyɛeɛ foforɔ. Wɔka sɛ, “Mempɛ sɛ mefa ayaresa kwan bebree mu” anaa “Mempɛ sɛ mewura nhwehwɛmu bebree mu.” Ɛwom, ayarefoɔ wɔ ho kwan sɛ wɔsi wɔn ankasa gyinaeɛ, mmom sɛ wɔmane firi ayaresa nhyehyɛeɛ mapa no ho a, wɔhunu amane awieɛ no. Akoma yareɛ ayarefoɔ rentumi nyi ayaresa kwan a ɛtɔ sini na afei wɔmfa ɛho afɛresɛm mmɔ akoma yaresafoɔ sɛ ayaresa no atɔ sini.
Ɛno korɔ no ara yɛ nokorɛ ma yɛn. Ɔkwan a Ɔsoro Agya akyerɛ no di yɛn anim kɔ ɛnni awieɛ papapaa awieɛ. Yɛwɔ fahodie sɛ yɛyi, mmom yɛrentumi nyi ɛso akatua berɛ a yɛnni ɔkwan a wɔada no adi no so.19 Awurade kaa sɛ, “Deɛ ɛbu mmara bi so, na ɛntena mmara mu, mmom ɛhwehwɛ sɛ ɛbɛyɛ mmara ama ne ho no, … wɔrentumi mmfa mmara so nnwira ho, anaa mmɔborɔhunu, atɛntenenee, anaa atemmuo.”20 Yɛrentumi mmane mfiri Ɔsoro Agya kwan no so, na afei yɛmmfa ɛho afɛresɛm mma no wɔ awieɛ a ɛtɔ sini mu.
Kasapɛn a ɛtɔ so mmienu wɔ Mmaayewa asɛntire no mu ka sɛ: “Sɛ Yesu Kristo suani yi, mepere sɛ mɛba abɛyɛ te sɛ Ɔno. Mehwehwɛ na meyɛ deɛ mankasa m’adiyisɛm kyerɛ na mesom afoforɔ wɔ Ne din kronkron mu.” Yɛbɛtumi de gyedie adi dwuma ama yɛanyini wɔ Yesu Kristo ho adansedie mu.21 Yɛbɛtumi agye honhom mu akyɛdeɛ no “sɛ yɛbɛhunu sɛ Yesu Kristo yɛ Onyankopɔn Ba, na wɔbɔɔ no asɛnnua mu maa wiase bɔne.” Anaa yɛbɛtumi anya akyɛdeɛ agye wɔn a wɔnim no nsɛm adi,22 kɔsi sɛ yɛbɛhunu ama yɛn ankasa ho. Yɛbɛtumi adi Agyenkwa no nkyerɛkyerɛ so, aboa afoforɔ ma wɔaba Ne nkyɛn. Wɔ kwan yei so, yɛka Ne ho wɔ N’adwuma mu.23
Mmaayewa asɛntire no toa so sɛ, “Mɛgyina sɛ Onyankopɔn danseni wɔ mmerɛ nyinaa ne adeɛ nyinaa mu ne baabiara.” Wɔhia Asɔre yi asafomma nyinaa sɛ Onyankopɔn ho adansefoɔ,24 ɛmfa ho sɛ wɔahyɛ Asomafoɔ ne Aduɔsonfoɔ no sɛ adansefoɔ soronko ma Kristo din no.25 Susu bɔɔlbɔ akansie bi a ɔhwɛsofoɔ no nko ara na ɔbɔ atena no ho ban. Sɛ ekuo no mu agorɔmma afoforɔ ammoa a, atena hwɛsofoɔ no rentumi mmɔ atena no ho ban na ekuo no bɛhwere nkonim berɛ biara. Saa ara na ɛteɛ, wɔhia obiara wɔ Awurade kuo no mu.26
Kasapɛn a ewie Mmaayewa asɛntire no hyɛ aseɛ sei, “Berɛ a merepere afata mmasoɔ no, me kamfo nsakyeraeɛ akyɛdeɛ no na mehwehwɛ sɛ mɛtu mpɔn dabiara.” Ɛnam Agyenkwa no mpata afɔrebɔ nti, yɛbɛtumi asakyera, asua afiri yɛn mfomsoɔ mu, sɛ wɔremmu yɛn fɔ. Titenani Russell M. Nelson kyerɛkyerɛɛ sɛ: “Nnipa dodoɔ no ara susu nsakyeraeɛ sɛ ɛyɛ asotwe. … Nanso saa atenka a ayɛ sɛ asotwe no yɛ ɔbonsam na ɔde ba. Ɔbɔ mmɔden sɛ ɔbɛsi yɛn kwan sɛ yɛbɛhunu Yesu Kristo, Ɔno a ɔgyina hɔ abue ne nsam, wɔ anidasoɔ ne ɔpɛ sɛ ɔsa yareɛ, de kyɛ, hohoro, hyɛ den, dwira na ɔte yɛn ho.”27
Sɛ yɛsakyera nokorɛ mu, na honhom mu twa biara annka a, ɛmfa ho ne deɛ yɛayɛ, sɛdeɛ na ne den teɛ, anaa ne mprɛ dodoɔ a yɛayɛ.28 Mprɛ dodoɔ biara a yɛbɛsakyera na yɛde akoma pa hwehwɛ bɔnefakyɛ no, wɔbɛtumi de akyɛ yɛn.29 Akyɛdeɛ nwanwasoɔ bɛn nie a ɛfiri Yɛn Agyenkwa, Yesu Kristo hɔ!30 Sunsum Kronkron no bɛtumi ama yɛn nsɛmmoa sɛ wɔde akyɛ yɛn. Berɛ a yɛte anigyeɛ ne asomdwoeɛ nka no,31 wɔtwe ɛfɔdie firi hɔ,32 na yɛn bɔne nkɔ so nteetee yɛn bio.33
Mmom, nokorɛ mu nsakyeraeɛ mu no mpo, yɛbɛtumi asunti. Resunti nkyerɛ sɛ na nsakyeraeɛ no nnɔɔso, mmom ɛbɛtumi akyerɛ honam mmerɛyɛ. N’awerɛkyekyerɛ a ɛyɛ sɛ yɛhunu sɛ, “Awurade hunu mmerɛyɛ kwan sononko so kyɛn sɛdeɛ [ɔhunu] atuateɛ.” Sɛdeɛ Agyenkwa no bɛtumi aboa yɛn wɔ yɛn mmerɛyɛ mu no, mma yɛnnye ho akyinnyeɛ, ɛfiri sɛ “sɛ Awurade kasa fa mmerɛyɛ ho a, berɛ nyinaa ɛde ahummɔborɔ.”34
Mmaayewa asɛntire no wie sɛ, “wɔ gyedie mu, mɛhyɛ me fie ne abusua den, mɛyɛ na madi apam kronkron so, na magye ayɛyɛdeɛ ne tɛmpol kronkron mu nhyira.” Rehyɛ fie ne abusua den bɛtumi akyerɛ abusuabɔ a ɛdi kan wɔ nokorɛdie nkɔnsɔnkɔnsɔn mu, retoa gyedie agyapadeɛ so, anaa ɛresan aba bio.35 Ɛmmfa ho, ahoɔden nam Yesu Kristo mu gyedie so na ɛba, ne sɛ mobɛyɛ apam kronkron.
Tɛmpol mu no, yɛsua nnipasu a yɛyɛ ne baabi a yɛakɔ. Romanni nyansafoɔ Cicero kaa sɛ, “Wonnim biribi fa deɛ ɛsiiɛ ansa na wɔrewo wo no kyerɛ sɛ wobɛtena ase dabiara sɛ akwadaa.”36 Ampa ara, na ɔrekyerɛ wiase abakɔsɛm, nanso deɛ ɔde aniteɛ hwɛɛe no mu bɛtumi atrɛ Sɛ yɛnnim ɛnni awieɛ nhumu a yɛnya wɔ tɛmpol mu no a, yɛte ase sɛ nkwadaa daa. Ɛhɔ no yɛnyini wɔ Awurade mu, “nya Sunsum Kronkron no mahyɛ,”37 na yɛba bɛyɛ ahofama mapa sɛ Agyenkwa no asuafoɔ.38 Sɛ yɛdi yɛn apam so a, yɛnya Onyankopɔn tumi wɔ yɛn asetena mu.39
Meto nsa frɛ mo sɛ momma Yesu Kristo mmra mo abrabɔ mfimfini na monkae nokorɛ fapem a ɛwɔ Mmaayewa asɛntire no mu. Sɛ mopɛ a, Sunsum Kronkron no bɛma mo akwankyerɛ. Yɛn Soro Agya pɛ sɛ mobɛba abɛyɛ N’adedifoɔ na monya deɛ ɔwɔ nyinaa.40 Ɔrentumi mma mo mmoro so. Ɔrentumi nhyɛ mo bɔ mmoro so. Ɔdɔ mo bebree kyɛn sɛdeɛ monim na ɔpɛ sɛ mo ani gye wɔ saa asetena yi ne asetena a ɛbɛba no mu. Wɔ Yesu Kristo din mu, amen.