Mwet Mislac Ma Fahsr Tukun Kraist
Nga fahkwack loh luhk lah “mwet mihs fahsr tukun Kraist” e fah sokwack mihs selos sifacna ke moul se inge ac ke sifwil tuhkweni se inkuhsrao.
Kuht oasr ke pacl se ma “mwet mihslac fahsr tukun Kraist”1 puhla ma upac puhs. Elos suc ma luhlahlfongi, puhsisacl in ahkfuhlwactye, ac fahkwack kacl Jisus Kraist kwacna sun lokoalok, ongaiyac, ac ma upac.2 Muhtwacn kiyuck, Mary, ac nga tiacna eklac nuh kac. Ke yac puhs tari ah, kuht liye puhs kawuck lasr ke high skul, misineri kampacniacn, kuhtuh sin muhtwacn sacohk kiyaclos, ac mwet wi kuht orekma misac, kuh, oacna ke Prestuhn Russell M. Nelson el fahk ah, kractlac som nuh ke acn lihsrlihsr se sahyac ah. Kuht liye kuhtuh selos tuhfweyucklac ke luhlahlfongi ac forlah liki inkacnek in olwelah.
Mwe ahsor, tuhlihk mukul se nuhtin nuhtihk yac 23 acksitacn misac ke stosah soko. Kuhtuh kawuck sacohk, sucu, mempucrs, ac mwet kuht tuhkweni orekma wi elos oacyacpac kuhtanglah mas upac.
Pacl nuh kwewa ma upac uh sikyak, kuht ahsor ac kampare in tahpuhk ahsor luhn kais sie.3 Kuht welac ke ma tiac kuh in oreklac ac on ma tiac kuh in onkihnyuck.4 Ma koluk uh sikyak nuh sin mwet wo ke moul suhkawihl se inge. E fihrihr upac sikyak nuh fin acn Maui Hawaii, southern Chile, ac Canada pa kuhtuh ma upac sikyak mwet wowo puhlakihn uh.
Kuht riti ke Pearl of Great Price lah Leum El ahkkahlwemye nuh sel Abraham atac pwacye ne tok ke nguhn uh. Abraham el eis etwacack ke moul se meet liki facluh lasr ah, srihsrsrihsr lasr meet liki moul se, Oreklac luhn facluh, sollac luhn Mwet in Molwelah, ac moul suhkawihl se inge, suc pa facl ahkluo luhn mwet uh.5 Mwet in Molwelah El fahkwack:
Lah elos ac oraclah facl se suc ma ma inge ac an loacl
Ac elos ac srihkaclos lah elos ac oruh ma inge, in liye lah elos ac oruh ma nuh kwewa ma Leum God lalos El sapkihn nuh selos.6
Ingena kuht nohfohnna inse inge ke fuhfahsryucsr lasr ke moul ahkluo se inge kampare nuh ke tohkohsrah wolacna suc sie ip ke plwacn in molwelah ac moul ma pahtpaht. Kuht ahkinsewowoyeyuck ke sukohsohk in sulaclah ac eis mwacta kac ke ma upac ke moul suhkawihl se inge. Pa inge pacl utuckuh in ahkolah in ohsun nuh sin God.7 Kuht ahkinsewowoyeyuck in etuh kacl Jisus Kraist ac ma Kunacl ke plwacn se. Kuht kulohkihn in welah mempucr ke Alu fohlohkihnyuckyak Lal—Alu luhn Jisus Kraist luhn Mwet Luhlahlfongi ke Lwen-sahflah. Ekihn mwet mihslac ma fahsr tukun Kraist, kuht kampare in moulkihn masap Lal. Tiac na fihsrwacsr nuh sin mwet fahsr Tohkohl. Tiac pac fihsrwacsr nuh sin Mwet Lahngo in kampare ahksahfyelah kunohkohn Lal ke moul se inge.
Ma suhmuhslah kahlwem: puhs mwet suc fah fahk in “mongo, nihm, ac engan, tuh litu kuht ac misac” atac se inge.8 Kuhtuh mwet suhlahlahlfongi sahyac kain nuh ke mwet srenglah kuh sifacna yuckihn ke lahlmwetmwet suc luti ke “ma sasuc”9ac sikyak ac lahlmwetmwet luhn mwet uh.10 Elos nihkihn lah elos e sokwack fuhkah ma pwacye.11
Mwet mislac ma fahsr tukun Kraist tiac ukwe kwewana inkacnek ingacn. Kuht engankihn ma kuht oasr kac, wi na oruh ma ke mura kuht muhta kac uh. Kuht luhngse, akacsruhi, ac suli nuh kwewa tuhlihk nuhtin God in ukwe luti luhn Kraist.12 Kuht ukwe kahs in kahsruh luhn mwet pahluh sacohklacna lasr: Prestuhn Nelson; kuht sulaclah kunohkohn luhn sie mwet ahkmihs se, ingena ac nuh tok”.13 Ohiyac wowo se inge orek na fahfahsruh na ke kwewana ma suhmuhslah ac ke kolyuck luhn mwet pahluh.
Ke 1829 Alu fohlohkihnyuckyak se inge soenna akwucki, oacpacna Puk luhn Mormon soenna oreklac nuh ke puk. U srihsrihk se suc oasr elyah lalos, mokleyuckyak sin Nguhn luhn God, ukwe mwet Pahluh Joseph Smith. Leum El fahkwacng nuh sel Joseph kahs in kahsruh nuh ke pacl upac: lah sip srihsrihk inge tiac enenuh in sahngweng; elos enenuh in oruh ma wo; in lwelah ma facluh ac ma hell in fohngohlohlos; fin elos muhsahyak ke yot Lal, ma inge tiac kuh in kuhtanglah.14 El oacyacpac lotwelos:
“Ngwet nuh Sihk ke nuhnak nuhkwewa; tiac ahlohloh, tiac sahngweng.
“… Tu kuh ke luhlahlfongi, ahkos masap Luhk, ac kowos ac usrui tohkohsrah inkuhsrao.15
Oreklac kahlwem, lah sahflahiyacn moul lasr tiacna tuhkuh muhkwena ke ma kweok kuht puhlakihn. Ke Hebrew kuht lutiyuck in “pulaik in utyak nu ye mutun tron lun God, yen lungkulacng oasr we, ac kut a fa eis pakoten ac konauk lungkulang in kasrekut ke pacl kut enenu.”16 Jisus Kraist El pa “ku in sang molela ma pahtpaht.”17
Nga luhngse kahs lal Mormon, suc sihmlac sin wen se nahtuhl Moroni, sapkihn “mwet mislac ma fahsr tukun Kraist ke srihpen moul mislac yuruwos yurin tuhlihk nuhtin mwet.”18
Nuh sesr mwet ke Alu uh ma kampare in “mwet mislac ma fahsr tukun Kraist, sie lwen wolacna sane kuht ke kuht siiac na Leum ac Mwet Lahngo lasr, Jisus Kraist. Mwe upac uh el ipin moul suhkawihl se inge ac sikyak nuh sin mwet nuh kwewa fin facluh nohfohn. Ma inge som pac na nuh ke ma upac inmahsrlon acn luhlahp ac nuh sin kais sie.
Mwet kol uh kwacna siyuck, “Efuh God wowo se lwelah ma koluk uh in sikyak, yohk na nuh sin mwet wo?” ac “Efuh mwet suwohs ac kuhlwacnsuhpuh Leum uh tiac kohsrkohsrlah ke ma upac sikyak inge?”
Kuht tiac etuh top nuh kac an kwewa; tuhsruhktuh, kuht etuh na pwacye akwuck yohk srihpac ma lwelah kuht in sun lokoalok, ongaiyac ac ma upac ke luhlahlfongi ac nuhnak pwacye lasr ke acn wolacna se ahkoeyucklac sano kais sie sesr. Wacngihn srihkasrak wowo se sikyak ke ma suhmuhslah sruhmuhn suhnak ma sun ma upac sahyacn kahs luhn Leum nuh sel Joseph Smith, Mwet Pahluh, ke el muhta in sruh Nien Kaclpous Liberty.
Leum El topuk ohinge:
Lah fin ingasron hell ikacklah yohk nuh sel, Joseph, el wen nuhtin God, ac etuh lah ma inge nuh kwewa ac sang etwacack nuh sel ac ma na wo nuh sel.
Leum El fahk nuh sel lah Wen nuhtin Mwet El puhtati nuh ten yurin mwet nuh kwewa. Na Leum El siyuck lah Joseph Smith el kuh Luhkwel?
Leum El fahk lah Joseph el tiac enenuh in sahngweng ke ma mwet uh oruh, tuh God elac fah weluhl nuh tok ac ma pahtpaht.19
Pwacye na lah oasr Pahpah Inkuhsrao se tuhmwacsr suc etuh ac luhngse kais sie sesr ac arulacna etuh muhnahs lasr uh. Wen Nahtuhl, Jisus Kraist, El pa Mwet Lahngo ac Mwet in Molwelah lasr.
Prestuhn Russell M. Nelson ac Prestuhn M. Russell Ballard tuhkweni na ahkuhtweyac kahlwem ma yohk srihpac ke ahksasucyeyacn Preach My Gospel.20 Nga akacsruhi ke rahrahlac lalos. Puk sasuc se inge ahkkweye ma suhmuhslah muhtahl, ke kuh ahkkahlwemye:
“Ke iwaclah muhtahl Lal, Jisus Kraist El eis nuh Facl waek, ongaiyac,ac mas lasr. Ke srihpac se inge, El puhla ma kuht puhla ac etuh ‘in kahsruh fuhkah mwet lal fal nuh ke mas lalos.‘(Alma 7:12; liye pac verse 11). El suli kuht, ‘Fahsruh nuh Yuruk‘, ac ke kuht oruh, El use monglac, finsrak, kuh, etuh, ac onweyac.(Matthew 11:28; liye pac verses 29–30).
“Ke kuht fungyang nuh sel Jisus Kraist ac Iwaclah Lal, El kuh in kahsre kuht kuhtanglah mwe lokoalok, mas, ac kweok lasr. Kuht kuh in sesseslah ke engan, mislac ac puhla in kuhtanglah ahsor. Ma nuh kwewa ma suhfal nuh ke moul uh kuh in ahkpwacyeyucklac ke Iwaclah luhn Jisus Kraist.”21
Kuht kuh in mwet mihs engan fahsr tukun Kraist
Plwacn in engan luhn Pahpah Inkuhsrao nuh sin tuhlihk Nahtuhl tiac nwacnwack muhkwena moul se meet ah ac moul se ingena inge tuhsruhktuh nuh ke moul ma pahtpaht pac, suc oracni pacna fahsreni engan se nuh sin mwet lasr ma tuhlac. Ma sesuwohs nuh kwewa ac suwohslah, ac ma nuh kwewa kuht liye uh nwacsnwacs ac kahlwem ac suwohs.
Mwet kol ke Alu uh kapsra ma se inge oacna nuh ke sie mwet fahsr tuh sun infulwen sritacl se suc suc oasr ip tolu oasr kac.22 Elos suc ma tiac etuh plwacn luhn Pahpah tiac etuh lah mac sikyak ke ip se meet ah (kuh ke moul lasr meet), ac srihpac ma akwucki we ah; elos tiac pac kahlwem ke ma na pwacye ac ma sikyak ke ip ahk tolu, suc pa fohnlahiyacn wolacna ke plwacn luhn Pahpah.
Puhs mwet tiacna kulohkihn lah ke luhngse ac plwacn wolacna Lal, elos suc ma oasr ma koluk sikyak nuh se, tiac oraclah ma koluk ingacn, elos tiac eis mwacta.23
Ma suhmuhslah fahk kahlwem: mwet mihs ma fahsr tukun Kraist suc suwohs, ukwe Mwet Lahngo, ac ahkos masap Lal fah ahkinsewowoyeyuck. Sie ma suhmuhslah yohk srihpac nuh selos suc suwohs, tiac elyah ke ma elos puhlakihn facluh, pa sie kahs in kahsruh lal Tohkohsrah Benjamin nuh sin mwet lal. El olwelah lah elos nuh kwewa suc sruokyacna fokoko ahkos masap elos ahkinsewowoyeyuck ke ma nuh kwewa ke moul se inge ac “eisyuck nuh inkuhsrao … [ac] muhta yurin God ke sie ohiyac engan wacngihn sahflahiyac.”24
Kuht akihlen lah inkaiyacsr puhlakihn eng upac ke kwewana mahnosr ac nguhnasr in moul lasr, kuhtuh upac na pwacye. Pahpah luhngse se Inkuhsrao ac Wen Nahtuhl, Jisus Kraist, suc pa sifac ke Alu fohlohkihnyuckyak Lal, elos use nuh sesr ma suhmuhslah ac mwet pahluh in ahkoe kuht, kai kuht ke mwe sensen, ac use kolyuck in ahkoekuhtlac ac karihngihn kuht. Kuhtuh kolyuck inge enenuh in oreklac ingena, ac kuhtuh enenuh in ahksahfyeyucklac tukun yac puhkantwen fahsruh uh. Sramsram fototo in ikacslah luhn Leum ke Doctrine and Covenants, ssctin 1, kahsre kuht in lihpsre kahs luhn mwet pahluh.25
Sactin 1 sensenkackihn kuht pac kuht in ahkoekuhtlac, ahkoekuhtlac nuh ke ma ac fah tuhkuh.26 Leum El ahkolah inkacnek luhn mwet Lal nuh ke ma upac elos ac sun.
Leum El sang fwackyuck na fokoko se nuh sel Prestuhn Brigham Young ke Jacnweri 14, 1847, fin acn Winter Quarters.27 Fwackyuck se inge el srihkasrak yohk srihpac se luhn Leum in ahkolah mwet nuh ke ma ac sikyak. Mwet luhlahlfongi ke Lwen-sahflah oruh fuhfahsryucsr lalos nuh ke muhtahliyacn finohl Salt Lake Valley. Elos tuhfahna in muhsahelah Tempuhl Nauvoo ac eis olwelah muhtahl loac. Elos lihlihlyak liki acn Missouri, ac mwet sruhngwaclos elos luhsuhltahlwack pac liki acn Nauvoo ke pacl na upac ohu se. Fwackyuck ituckyang nuh sel Brigham inge kahsreltahl in ahkoeltahlah nuh ke fuhfahsryucsr se inge. Leum El lihklihkiyac kahlwem lah ac kahsruh fuhkah mwet suhkahsruhp, katinmas, tuhmuhnmas, ac sucu luhn mwet suc kuhlwacnsap ke u in mweun se Mormon Battalion ke u in mwet Luhlahlfongi se inge muhtwacwacack in oruh fuhfahsryucsr lalos ah.
Sahyacn pacna in sang kahs in kahsruh in moul suwohs, Leum El ahkkahlwemye kahlwem akwuck luo ma srackna orekmakihnyuck ne misenge.
Ma se meet an, El ahkkweyaclos in kaksakihn Leum ke puhsren on, on, tacn, ac in pruhe sang kuloh ac kaksak.28
Ahkluo, Leum El sang kahs in kahsruh fin elos ahsor, elos in pahng nuh sin Leum God ke kahsruh, tuh nguhnalos fah engan.29
Kahs in kahsruh luo inge yohk srihpac nuh sesr misenge. Moul ma sesseslah ke kaksak, on, ac sang kuloh uh arulacna ahkinsewowoyeyuck. In engan ac fungyang ke kahsruh inkuhsrao ma tuhkuh ke pruhe uh oasr kuh na fokoko se kac in mwet mihs ma fahsr tukun Kraist Insacnweacng na in oasr engan yohroh kahsruh in kuhtanglah pacl muhnahs.
Lain sahflah soko ke sie on in alu fahkwack top nuh ke atacn ma kahto: “Wacngihn ahsor fin facluh ma inkuhsrao tiac kuh in onwelah.”30
Ekihn Mwet Sap se luhn Jisus Kraist, nga fahkwack lah “mwet ma fahsr tukun Kraist ac fah sokwack engan sifacna ke moul se inge ac ohsun wolacna se inkuhsrao. Nga fahkwack etuh na pwacye ke orekma usrnguck luhn Mwet Lahngo ac kahtoiyacn Iwaclah Lal. El pa Mwet Lahngo ac Mwet in Molwelah lasr. Ke inen Jisus Kraist, amen.