Parau fa’a’ite a te Tuha’a fa’atere ’ohipa hi’opo’ara’a a te ’Ēkālēsia, nō 2023
I te Peresidenira’a Mātāmua o Te ’Ēkālēsia a Iesu Mesia i te Feiā Mo’a i te mau Mahana Hope’a nei
E au mau taea’e here ē : Arata’ihia nā roto i te heheura’a, tei pāpa’ihia i roto i te tuha’a 120 o Te Ha’api’ira’a Tumu ’e te mau Fafaura’a, nā te Tōmite Ha’apa’o i te Tuha’a ’Ahuru―’oia ho’i te Peresidenira’a Mātāmua, te Pupu nō te Tino ’Ahuru ma Piti ’āpōsetolo ’e te ’Ēpisekōpora’a Fa’atere Rahi—e fa’ati’a i te mau ha’amau’ara’a a te ’Ēkālēsia. E fa’a’ohipa te mau fa’anahora’a a te ’Ēkālēsia i te moni ’ia au i te moni ’āfata tei fa’ata’ahia, te mau ture ’e te mau arata’ira’a.
Te ’ohipa hi’opo’ara’a a te ’Ēkālēsia, tei roto te feiā tōro’a ha’amanahia, ’a ta’a atu i te tahi atu mau tuha’a fa’atere ’e te mau ’ohipa hi’opo’ara’a a te ’Ēkālēsia, e hōpoi’a nā rātou ’ia fa’atere i te hi’opo’ara’a nō te hōro’a i te ha’apāpūra’a nō ni’a i te faufa’a i fa’ari’ihia, te mau ha’amāu’ara’a ’e te pārurura’a i te faufa’a a te ’Ēkālēsia.
’Ia au i te mau hi’opo’ara’a i ravehia, tē mana’o nei te ’Ohipa hi’opo’ara’a a te ’Ēkālēsia ē, ’ua tāpa’ohia ’e ’ua fa’aterehia te mau ō i fāri’ihia, te mau ha’amau’ara’a ’e te mau faufa’a a te ’Ēkālēsia nō te matahiti 2023, mai te au i te tāpura faufa’a i ha’amanahia, te mau ture ’e te nūmerara’a a te ’Ēkālēsia. Tē pe’e nei te ’Ēkālēsia i te ravera’a e ha’api’ihia nei i tōna mau melo, ’ia ora mai te au i te faufa’a moni e vai ra, ’ia ’imi i te rāve’a nō te ’ape i te mau tārahura’a, ’e ’ia fa’aherehere i te faufa’a nō te tau fifi.
Ma te fa’atura,
Te tuha’a fa’atere ’ohipa hi’opo’ara’a a te ’Ēkālēsia
Jared B. Larson
Ti’a fa’atere rahi