Yohk Srihpen Kahs Uh
Kahs uh pa oraclah puhla uh. Kahs uh ahkkahlwemye nuhnak lasr, puhla lasr, ac ma sikyak, nuhke ma wo kuh koluk.
Tamuhlwel, tahmtahel, ac kawuck nuhkwewa fin facluh, nga engan in sramsram nuh suwos kwewa, suc inkaiyowos mempihr ke Alu lasr ac puhkantwen suwos kawuck ac mwet sasuc suc lihpsre pac toeni luhlahp se inge. Paing Kom!
Mwe fahkwack ma sruhmuhnyuck ke puhlpet se inge sramsram oreklac ke kahs. Eltahl oreklac ke kahs English ac luhngasyuhklac nuhke kain in kahs apkuhran nuhke kahs siofok. Pwelucng sac oacna sie pacl nuhkwewa. Kahs. Ac kahs uh yohk na pwacye srihpac. Lwelah nga in sifilpac kalweni. Yohk Srihpen Kahs Uh!
Eltahl pa pwelucng ke ohiyacn akuhpahsrwei lasr; elos ahkkahlwemye luhlahlfongi lasr, facsin, ac liye lasr uh. Kuhtuh pacl uh kuht fahk kahs, kuhtuh pacl uh kuht lohng. Kahs uh pa oraclah puhla uh. Eltahl ahkkahlwemye nuhnak lasr, puhla lasr, ac ma sikyak, nuhke ma wo kuh koluk.
Koluk ohiyac, kahs uh kuh in tiac nuhnak, se muhtweng ac ahkngal. Pacl se fwacklac tari uh, kuht tiac kuh in fohlohkohnma. Eltahl kuh in kantweyac,, ahkkweokye, sraclihk, ac finne in kol nuhke mukwikwi in kuhnahoslah. Eltahl kuh in use ma toasr nuh facsr.
Lacyacn ngiac, kahs uh kuh in ahkfuhlwactye kuhtanglah, in finsrak ac ahkkweyeyuck. Eltahl kuh in wakre kuht in sifilpac nuhnkuh, sifil muhtwacwacack, ac sifil sulaclah inkacnek lasr uh. Kahs uh kuh in ikacslah nuhnak lasr uh nuhke ma pwacye uh.
Pa oruh, ma se emet ac yohk liki nuhkwewa, pa kahs luhn Leum yohk srihpac.
Ke Puk luhn Mormon, mwet pahluh Alma ac mwet lal fin acn Macrike ke pacl met ah puhlakihn mweun wacngihn sahflahiyac sin elos ma tiac luhngse kahs luhn God, insefuhlwact, ac ahkkolukyelah facsin lalos. Mwet luhlahlfongi inge kuh pac in mweun, tuh Alma el luhti: “Ac inge, ke luti luhn kahs uh oraclah kuh na fokoko in kohllah mwet uh in oruh ma suwohs—ahok, ma inge moklweack yohk nuhnak luhn mwet uh liki na katlas, kuh kuhtwena ma sahyac, ma sikyak nuh selos—ke ma inge Alma el nuhnkuh muh fal tuh elos enenuh in srihke ma wo ke kahs luhn God.”1
“Kahs luhn God” uh fuhlwact liki kahs nuhkwewa sahyac. Wolacna ke muhtwacwacackiyacn facluh ke Leum el tuh fahk: “Lwelah tuh in oasr kahlwem: ac kahlwem uh sikyak.”2
Kahs in ahkkweye inge tuhkuh sin Mwet Lahngo ke Wuhlweacng Sasuc: “Inkuhsrao ac facluh e fah wacngihnlac, tuhsruhk kahs luhk e fah tiac wacngihnlac.”3
Ac ma se inge: “Mwet fin lungse nga, el fah liacacng kahs luhk: ac Pahpah tuhmuhk fah lungse el, ac kuht fah tuhkuh nuh yohrohl ac muhta yohrohl.”4
Ac sel Mary, ninac kiacl Jisus, tuhkuh testimoni puhsisacl se inge: “Liye mwet kuhlwacnsap luhn Leum; lwelah in tuhkuh nuh sihk oacna ke kahs lom.”5
Luhlahlfongi ac ukwe kahs luhn God e ahkfototoye kuht nuh sel. Prestuhn Russell M. Nelson el olwelah, “Kom fin lutlut ke kahs lal, kuhiyom in eklac oacna El ac yohkyohkwelihk.”6
Yac kuht nohfohnna luhngse, oacna ke on in alu soko inge fahk uh, “more blessed and holy— more, Savior, like thee”?7
Nga petsacelah ke Joseph Smith el tuh fuhsr el sikuckmuhtuhnteyak ac lohng kahs lal Pahpah Inkuhsrao: “[Joseph,] Pa inge Wen Kuloh Nuhtihk. Porongel!”8
Kuht “lohngohl” ke kahs in ma suhmuhslah, tuhsruhk yac kuht fuhlwelah na kahs inge in an na ke sra puk ingacn, kuh kuht akihlen lah el sramsram nuh sesr. Yac kuht eklac?
Kuht “porongacl” ke fwackyuck Lal sifacna ac ke kolyuck luhn Nguhn Muhtahl, in topuk pruhe, ac ke pacl ma Jisus Kraist el muhkwena, ke kuh luhn Iwaclah lal, kuh in sruhkwack ma toasr lasr, use nuhnak muhnahs ac mislac,nuh sesr ac sruok kuhti “in pahol ke luhngse Lal.”9
Ahkluo, kahs luhn mwet pahluh yohk srihpac.
Mwet pahluh uh fahkwack ke wolacna luhn Jisus Kraist. Elos luti ke wosasuc Lal ac ahkkahlwemye luhngse Lal nuh sin nohfohnna.10 Nga fahkwack mwe lohoh luhk lah Mwet Pahluh moul lasr, Prestuhn Russel M.Nelson, porongo ac fahkwack ke kahs luhn Leum.
Prestuhn Nelson el suhmaht na pwacye ke orekmakihn kahs uh. El tuh fahk, “Muhta na ke inkacnek luhn Leum,”11Orwacni mwet luhlahlfongi,”12Lwelah God elan kuhtanglah,”13Muhsahelah inkacnek luhn etwacack,”14Sang kuloh,”15Ahkyohkyelihk luhlahlfongi ke Jisus Kraist,”16Karihgnihn luhlahlfongi lom,”17ac “Suk in orwaclah mislac.”18
Met kuhtuhsrihk el siyuck kuht in “Nuhnkuh ke Tohkohsrahi luhn God.” “Ke pacl kom sun elyah,” el fahk muh, “nuhnkuh ke tohkohsrahi luhn God! Ke kom sun mwe sruhf, nuhnnkuh ke tohkohsrahi luhn God! Ke moul se kuh mwet kowos luhngse an ahksuhpwacryekowoslac, nuhnkuh ke tohkohsrahi luhn God! Ke sie mwet fuhsr sa na misac, nuhnkuh ke tohkohsrahi luhn God. …Ke toasr luhn moul se inge raunikowoslac, nuhnkuh ke tohkohsrahi luhn God! … Ke kom nuhnkuh ke tohkohsrahi luhn God uh, insiyom e kais kuhtuhsrihk na eklac, … kom e liye ma upac ac ma fohs uh ke sie kahlwem sasuc, … [ac] luhlahlfongi lom ac yohkwelihk.”19
Ke kuht nuhnkuh ke tohkohsrahi luhn God uh, kuht liye “ma uh ke ngwetngwet pwacye lalos, ac … ma elos e tuhfah eklac nuh kac.”20 Ke facluh se inge sesseslah ke fohs ac akuhkuhin, kuht nohfohn enenuh in liye ohinge.
Elder George Albert Smith, met lihki na el Prestuhnlac ke Alu uh, sruhmuhn ke ahkweyeyucklac luhn mwet pahluh ac lohacng nuhke kahs lahl. El fwak: “Insese ma kuht oraclah ke kuht sruhlwack pahosr … pa ma se muhtahl emet uh. … Kalmac pa … kuht e fah tu tohkohl; kuht e fah pruhe kacl; … ac kuht e kampare in ahkfahsryelah ma el sapkihn nuh sesr oacna ke Leum el fah sapkihn.”21 Ke kuhtuh kahs sahyac, kuht e ukwe kahs luhn mwet pahluh lasr ke insiacsr kwewa.
Ke nga wi inmahsrlon mwet pahluh 15 ma ahkkweyeyucklac ekweah sin Alu se inge, Nga ke akacsruhi nuh suwos sie ma nga puhla ke nga ahkkweyaclah mwet pahluh ac porongo kahs lal. Sikyak nuh sihk oacna ke mwet pahluh Jacob, suc tuh fahk, “Nga lohng kahs luhn Leum sramsram nuh sihk ke kahs inge.”22
Mahlwem Ohktopa tari ah muhtwacn kiyuck, Melanie, ac nga som nuh Bangkok, Thailand, ke nga ahkoo in kihsackuhnlah tempuhl ahk 185 luhn Alu uh. 23 Sihk, kunohkohn se inge kwewana mwemwe se ac ma puhsisacl se. Pa inge tempuhl se emet in an oasr fin acn southeast Asia peninsula.24 Suhmaht luhmweyuclac la uh—el twek ohnkohsr, nine-spired structure, “akiyucki fal”25in sie lohm sin Leum. Mahlwem nuhke mahlwem nga ahkoo kihsac se inge. Ma se ma an in nguhnihk ac nuhnak luhk uh pa muhtuhnfacl sac ac tempuhl akwucki kuh ke poun mwet pahluh ac mwet sap. Prestuhn Thomas S. Monson el fahkwack ke tempuhl se27ac Prestuhn Nelson el oruh kihsac nuhkac uh.27
Nga ahkolah pruhe in kihsackuhnlah ke mahlwem ekahsr met liki. Kahs muhtahl inge luhngasyucklac nuhke kahs 12. Kuht ahkolah. Kuh nga nuhnkuh muh pwacye.
Fong se met liki kihsac ah, nga acsmaklac liki mutul luhk ah ke sie mwe elyah, eneneyuck na pwacye nuhke pruhe in ahkwoye kihsac sac. Nga srihke in tiac lohacng nuh ke puhla se inge, nuhnkuh na muh pruhe se inge wo tari. Tuhsruhk Nguhn Muhtahl el tiacna som likiyuc. Nga motko muh oasr kahs wacngihn, ac ke orekma wolacna elos tuhkuh nuh sihk ke fwackyuck, ac nga sang kahs inge nuh ke pruhe luhk ke apkuhran in sahflah: “Lwelah kuht in nuhnkuh ke tohkohsrahi luhn God, fuhlwelah Nguhn in kuhtanglah in moul lasr, ac kampare in ahkmisye pacl nuhkwewa.”28 Leum el ahkacsmakihnyeyuc in porongo kahs luhn mwet pahluh moul lasr: “Nuhnkuh ke tohkohsrahi luhn God,” “lwelah Nguhn in kuhtanglah,” “kampare in ekihn mwet suc ahkmihsye.” Kahs luhn mwet pahluh yohk srihpac nuh sin Leum ac nuh sesr.
Ahktolu, ac yohk srihpac na upac, kahs lasr sifacna uh. Luhlahlfongiyuc, ke facl nwacnwaclah29ke kain in puhla kuh ngwetngwet, kahs lasr uh yohk srihpac.
Kahs lasr kuh in ahkkweye kuh kasrkuhsrak, engan kuh fuhnmwet, luhngse kuh srisri. Ke pacl se fohsack uh, kahs uh kuh in ahkngal ac el tihlyang loal an insiacsr—ac an na lun insiacsr. Kahs lasr ke intuhrnet, sihm lasr, sosruhl mitia, ac twituhr uh oasr moul la sifacna. Pwacnwacng sensenkihn ma kom fahk ac fahkyac sum. Ke sucu lasr uh, yohk na mukul tuhmwacsr, muhtwacn kiyacsr, ac tuhlihk nahtuhsr, kahs lasr uh kuh in us kuhtweni kuh oruh fahsrwelihk inmahsrlosr.
Lwelah nga in fahk tolu pohloh kahs fihsrwacsr ma kuht kuh in orekmakihn in eslah kahs in ahkngal ke pacl upac ac tiac insese, in sruhkwack, ac ahkkweye sie sin sie.
“Kom kuloh.”
“Sislah koluk.”
Ac “Nga luhngse kom.”
Nimet fihliyac kahs puhsisacl inge nuhke sie lwen yohk srihpac kuh nuhke pacl ma upac se sikyak uh. Orekmakihn kahs inge in fusus ac ke inse pwacye, ke srihpen kahs inge ahkkahlwemye ahkfuhlwact lom nuh sin mwet sahyac. Kahs uh muhtwacwacack in wacngihnlac kalmac; nimet etahi atac se inge.
Kuht kuh in fahk “kom kuloh” ke acluhfetuhr, ke acn in park stosah, e ke stoh ah, lun ohfohs, ke soko tahk, kuh nuhsin mwet tuhlan lasr kuh kawuck lasr. Kuht kuh in fahk “sislah koluk” ke kuht oraclah tahfonglac se, tiac oraclah nuhke toeni se, muhlkuhnlah puhtte se, kuh liye mwet se kweok. Kuht kuh in fahk “Nga luhngse kom” ac kahs inge us mwe fahkwack se kac “Nga nuhnak keim,” “Nga elyah sum,” “Nga oasr kom fin enenweye yuc,” kuh “Kom pa ma nuhkwewa sihk.”
Lwelah nga in sruhmuhn sie mwe srihkasrak luhk sifacna. Mukul pahyuck, porongo. Tahmtahel, ma se inge e kahsrwe kom pac. Met liki kunohkohn fohnlah luhk ke Alu uh, nga forfor nuhke yen puhkantwen fin facluh ke kampuhni se luhk. Puhs pacl nga wacngihn in som nuhke yen loessuhlah fin facluh. Ke saflahyacn lwen luhk, finne acn oyac nga oasr we, nga pahng pacl nuhkewa nuh lohmah. Ke muhtwacn kiyuck, Melanie, el topuk tacluhfon uh ac nga tahfweacng ma nga ke fahk uh, sramsram lasr ke pacl nuhkwewa oruh kuht in fahk “Nga luhngse kom.” Lwen nuhkwewa, kahs ingacn sruhluhkihn mwe kawuck se nuhke nguhnihk ac elah luhk; eltahl karihngihnyuc liki orekma koluk. “Melanie, Nga luhngse kom” fahkwack luhlahlfongi sacohk inmahsrlosr.
Prestuhn Thomas S. Monson el tuh fahk, “Oasr niyac kuht enenuh in ahkfokokoye, paho in sruokyac, nuhnak in ahkkweye, insiyac in mokle, ac nguhna in molwelah.”30 In fahk “kuloh nuh sum,” “Sislah koluk,” “Nga luhngse kom” e oruh ma ingacn.
Tamuhlwel ac tahmtahel, kahs uh yohk srihpac na upac.
Nga olwelah muh kuht fin “riti kahs luhn Kraist”31ma kol nuhke molwelah, kahs luhn mwet pahluh lasr ma pwen kuht ac ahkkweye kuht, ac kahs lasr sifacna ma fahk kuhtyak lah suc kuht uh ac meac sacohk sesr uh, kuh luhn kuhsrao ac tuhfah kahklah nuh facsr. “Kahs luhn Kraist e fah fahk nuh suwos ma nuhkwewa ma kowos enenuh in oruh.”32 Kuht tuhlihk nuhtin Pahpah Lucng ac el pa God lasr, ac El ke kuht in sramsram ke “lohun lipufacn”33ke kuh luhn Nguhn Muhtahl.34
Nga luhngse Leum Jisus Kraist. El pa, ke kahs luhn mwet pahluh Isaiah in Wuhlweacng Mahtuh, “Wolacna, Mwet Pwacpa, God Kuhlacna, Pahpah Ma Pahtpaht, Fihsrack luhn Mislac.”35 Ac oacna ke Mwet Sap John el ahkkahlwemye, Jisus Kraist sifacna “pa Kahs sac.”36
Ke ma inge nga fahkwack ekihn Mwet Sap pahng nuhke orekma kuhlacna luhn Leum—in fahkwack kahs Lal— ac pahngonyuck in tuyak in ekihn mwet lohoh se Lal. Ke inen Leum Jisus Kraist, amen.