Templo, Blil a Rubak el Dechor el Meliuekl er a Beluulechad
Me sel omklikiid e mngara nglunguuch e mei er a chedaol Blil, e komo bleiull er a Klisichel.
Ng diak el somiu a ikal klebokel el tekoi el dirk dulngitakl? “I’ll strengthen thee[Ak mo melisiich er kau, help thee[olngeseu er kau], and cause thee to stand[e rulau el mo dechor], … upheld by my righteous[e orreked er a mellemalt], omnipotent hand[e mesisiich el chimak].”1 A Rubak a melisiich er a rokui el Resanto er Ngii a le meklou me a le mekekerei sel lemei er a chedaol Blil. Ngara Kinshasa el mo er a Zollikofen el mo er a Fukuoka el mo er a Oakland, ea rengeasek, el kmal di tir, a betok el ngara blil a techolbechelid. Aikal mla memong, eng oumesingd er a remechudelang el betik er a rengud el chad a oureor el kirel a chedaol ruoll—eng di mla mo diak el uaisei. A re mokedong el misionari, mesiou el misionari, me a mla momerek el misionari a ngara ngidil basio er a chelsel a templo. Meliuekl er a beluulechad, e ngarngii a reng dolchesuar er ngii el lolekeed er kid el mo er a blil a Rubak.
Tal rak ra mla memong, ea sechelil a telungalek er ngak, el oketiu ma eim a rekil, el kiei er a ongos er a beluu er a Merikel, el misionari a ulsisechakl er ngii el mla mo okeuid el rak, a melkinga el mo er a ngelekel redil, “Ng soak el mo er a templo lobengkem.”
A ngelekel redil a ulenger, “E, Chedil, a kot eng kirem el mo metecholb.”
“Di ungil,” ngii a ulenger, “Ma le uaisei, eng soak el mo metecholb.” Ng miltecholb. Uriur er a sesei el klebesei, eng ungil a rengul ngarsel blil a techolbechelid el ngara chelsel a templo. Ea tal buil ra memong, ng mlo soiseb er a templo el mo melai a endowment er ngii e mlo merenged. “The knowledge and power of God are expanding; the veil o’er the earth is beginning to burst[A klemedengei me a klisichel a Dios a merael mo klou, ea chebiil er a delongelel a beluulechad a di merael mo meliliut].”2
Ngarngii a tal molbedebek el ngera uchul ma Rubak a omekrael e ra re profet er Ngii er a chelechang el mo omekedechor a chedaol templo er Ngii el meliuekl er a beluulechad?3 Ngera uchul me Ngii, tokuni chelsel chelechal taem el mesterir a Rechedal el kmo nogkiu a chedaol ongeltacher er tir, ea betok ra dart el blil a Rubak a sebechel mo mekedechor?
Chelechal tutau, ea President Dallin H. Oaks a ulechotii a klebokel siasing er a templo el meliuekl er a beluulechad el merael okedecherul. A Kathy me a Ngak a dirk mla er a Huriping. Ka momdasu er tial ongasireng: A Manila Templo a mloterkokl sera 1984. Ng mo meng lluich me a elolem el rak er sel ongeru el templo el ngara Cebu City a milkedechor er sera 2010. Me chelechang, uriul er a teruich me a eual rak, e ngarngii a teruich ma ta el templo el lomekedechor, meruul a llecheklel, a lechub e te mengedmokl el kirel a oterkeklel. Ngara diluches el mo er a dimes: Laoag, Tuguegarao, Santiago, Urdaneta, Alabang, Naga, Tacloban City, Iloilo, Bacolod, Cagayan de Oro, me a Davao. Ng meral lungil sel deues a ikal mengasireng el urerel a Dios!
Ng beluulechad el rokir, ea blil a Rubak a merael me kmeed er kid. Ngera meng chelechal sils er kid?
A ikel Ulebongel el Sils
A Rubak a milngelechel el kmo chelsel a ikel uriul klebesei, eng morngii a sebekreng er a delongelel a beluu,3a rechad “di mo omdasu er a di tir,”4rokui el tekoi a mo ngara nglemuu,5e mo er ngii a rau el reng,6ea rechad mo diak lodengei a rengrir.7 Kede meral mla mesterir a resechal ma redil el diak lodengei a rengrir: a omengesuseu er a beluulechad, olibesongel el ngor, ngdiak lomekerreu a chedaol tekoi, e mo mesaul eleng ikel longerchir a roltirak.9 Kom locha mekengtei a rengmiu sel mesang a chad el betik a rengmiu er ngii, el mle tal taem eng ulechais er a meral klaumerang er ngii er a Jesus Kristo, e mle sioning er a Babier er a Mormon, e mle blak a rengul lolngeseu ra teketekel a rengedel a Dios, el mla morcheroid, el locha kuk di kedeb el taem, el dikea lomais el mera Ikelesia. A tekingek leko er kemiu a kmo lak bol moualech a rengmiu! Rokui a di ungil. E le Dios, a diak a diak el sebechel.9
Tiaikid el ulaoch me a beluulechad el diak loumerang, a Rubak a mle yaksok el kmo te mo ngarngii a remellemalt el chad, rechad el mad el tmuil el mengiil er a luut er Ngii; rechad el ngara ikel chedaol basio e diak lemesim ma lechub el bolcheroid er ngii.10 Ngii a milsaod er a rechad er a telbiil el loltngakl a cheraro, omekereu a klaumerang er tir, omdasu el celestial, e mui loumerang er a Osobel, el Jesus Kristo.
Ngera uchul ma chelechang ea Rubak olekeed a bekord el dart el Templo er Ngii el merkid? A tara uchul a kmo ng diak el iior er a ongetikaik er a beluulechad, le Ngii a mla yaksok el mo melisiich e omekngeltengat er a rechad er a telbiil el Santo er Ngii, ea yaksok er Ngii a mla motaut!
Yaksok el ngara Kirtland Templo
Ng mekera a ikal chedaol blai e melisiich, mengelaod, e mengeluolu er kid? Kede metik a nger el ngarsel ongtil a Profet Joseph Smith ra lolterkokl er a Kirtland Templo. Ngara chelsel tial templo ea re Santo a mle kot el mengitakl, “We’ll sing and we’ll shout with the armies of heaven[Aki mengitakl e oldiu lobengterir a resoldau er a babeluades].”12 A Osobel a dilum, me a re profet er a rechuodel a liluut el mei, el luldars a kiis er a priesthood el mo er a mla moluut el ebangeklio.12
Ngar tial chedaol omeruul er a chelsel a Kirtland Templo, a profet a miluluuch el kmo ngara chelsel a chedaol el blil a Rubak, a re Santo a mo omekbail er tir loba klisichel a Dios, ea ngklel a Jesus Kristo a mo obengterir, ea re anghel er Ngii a mo oungerachel er tir, e tir a mo mukeroul el ngara Rubak e mo nguu a cherrungel el Chedaol Reng.14 Aikakid el mesisiich el ongit a mekedmokl er a chelsel a klengar er kid sel de blak a rengud el mengull er a chelsel a blil a Rubak.
Bleiull loba Klisiich
Ngara chelsel a Blil, e kede meral ngmai a klengeltengat er a klisichel a babeluades.14 A klaumera er kid er a Jesus Kristo me a beltkil a rengud el mo er Ngii a ulterekokl e mesisiich. E mo klou a rengud er a chedaol tekoi el kirel a meral olengcheled me a moktek er a klengar.16 Me sel de mui er a klaumerang, e kede mukngeltengat el mo selbechakl er a omengesuseu me a olibesongel. Kede mo omelchesuar er a beltkil a rengul a Osobeled sel Ngii a mo kiderid er a ikel ringeled me a kengtil a rengud. Kede bleiull loba klisichel a Dios.
A Ngklel a Dobang
Ngara chelsel a chedaol el Blil, e kede nguu a Ngklel el merkid. Sel demetecholb, e kede ochotii a klaumera er kid el mo er Ngii me a dechal a rengud el mo oltirakl a Llechul. Ngara chelsel a templo, e kede oba omengull el yaksok, lokiu a telbiled, el mo oltirakl er Ngii el mo cherechar.
A rengeasek er tial Ikelesia a meral lungil. Ngar tial meringel el beluulechad, e te nguu a ngklel a Kristo el mo obang. Ngara Heber City, Utah, eng mla rengii a orrenges buai el mlo mesaod el kirel okedecherur a templo. Mle ngarngii a edei el dart el ngeasek el mlei lolecholt a ngelsuir el kirel tial templo el mo dechor. A chimo er a ngeasek el sechal, el milngedecheduch el mora remerredel er a kabelment er tial orrenges buai, a mle bekeu a rengul melekoi el kmo, “Ng urungulek el mo bechiil er a chelsel tial templo. [A templo a mo ngosukak] mak beches e klikiid.” A tara ngeasek a milsaod er a templo el uai a lolechotel a llomes me a urungulel. Rengeasek el sechal me a redil er a Ikelesia el meliuekl era beluulechad a ouchais a klemeriar reng er tir el mo oba ngklel a Jesus Kristo.17
Re anghel el teloi er Kid
Ngara chelsel a Kirtland Templo, a Profet Joseph a miluluuch ma re anghel [bo] loungerachel el kirir a re [Santo er Ngii].18 Sel dolemolem el meruul a chedaol ruoll el kirir a rebeldeked er a chelsel a templo eng meksid a ungil e utebechel klemerang el kmo a klengar a melemolem ruriul er a kodall.
Meng locha aikel doruul er a chelsel a blil a Rubak a kmal chedaol meng diak el sebeched louchais, eng di ngarngii a bebil el sebeched louchais. Okeua rak ra mla memong, sera kim kiei er a Florida, a Kathy me a ngak a mlo er a templo el ngara Atlanta, Georgia. Sel kesus er a Ongedei lureor, el May 9, 1984 er a ki bomerek er a session ra chelsel a templo, ea chad loureor kirel chedaol ruoll a mler ngak e olengit a lsekum mel ngarngii a temek el mo rullii chimo el omengedmeklel a chedaol ruoll er a initiatory. A ngklel a chad el ble kumtechei er ngii a kora mle ngodech. A ngklel a mle Eleazer Cercy.
A bolkukuk, ea templo a mle meseked er a re Santo. Me sera kungedmokl er ngak el mo meruul er sel ongeruu el endowment er sel sils, e ak ngiluu a ngakl el bo kumtechei er ngii. Ng mlo mechas a renguk, e le tia sel osisiu el ngakl er sel kesus el, Eleazer Cercy. Ak mlo melchesuar er a Chedaol Reng er a Rubak seral bol merek tial endowment. Uriul er a iieta sils, e ki morael er a chelsel a templo, ea Kathy milsang a chuodel el sechelil a telungalek, el Sister Dolly Fernandez, el mla mo kiei er a Atlanta. Ng dimlak a sechal chedal a telungalek er ngii lulbengkel, meng ulengit er ngak a lsekum eng sebechek el mo olngeseu rongedii a demal el mora demal ma delal. Ng mlo ungil a renguk.
Mese rak bo kuutubaruach er a altar el kirel tial chedaol ruoll, e ak liluut el rongesii tial ngakl el ngii a kmal lungil llechukl er a uldesuek, el ngklel a demal, el Eleazer Cercy. Ak kmal mui loumerang el kmo a uriul er tial klengar, e ak mo mesang e mechulii ngkal chad el blel lodengelii er tial beluulechad el ngklel a Eleazer Cercy.
Betok el teletael mla duubech er a blil a Rubak a meskid a mui el deurreng me a kellechakl chedaol ocholt. Bo modengei: el kmo a re anghel a mengkernged!
Cherrungel el Chedaol Reng
A sengk er a Chedaol Reng a merkid sel demoterkokl el mo chedal a Ikelesia. Bek el sandei el sel de klikiid el mo melai er a blauang me a ralm el kirel a omeletked el mora Osobeled, e kede mla nguu a yaksok el Chedaol Reng er Ngii a mo blechoel lobengked.19 Me sel ngarngii a rengud el mo er a blil a Rubak, el ngii a kot el chedaol basio el ngara beluulechad, e kede mukeroul er a Rubak e mo nguu a mui e cherrungel el Chedaol Reng.20 Ngokiu a klisichel a Chedaol Reng, e kede ngmai a budech ma deurreng ma urunguled.21 Kede nguu a klisiich el melemolem el oltirakl er Ngii luldimukl a debetik er kid el cheroid er a chedaol blil.
A President Russell M. Nelson a ulechais: “A Osobeled e mo Olsobel er kid, el Jesus Kristo, a me meruul a bebil er a ikel kot el meklou a ututelel urerel er a delongelel chelechal taem ma sel Ngii a lmuut el mei. Kede mo mes a mengasireng el olangch el kmo a Dios el Chedam me a … Jesus Kristo … a oungerachel er tial Ikelesia loba klisiich ma klebkall.”22 Omekedechor a blil a Rubak el meliuekl er a beluuulechad a mesisiich lureor e mengasireng lolangch.23
Betik er a renguk el resechelik, a lskeum meng sebeched engdi ngdiak el betok a bised el mo er a templo, e bol blak a rengud el sikii a taem el mo mesiou el ngara blil a Rubak. Bo doluluuch el kirel a ikel templo e blal louchais, ma chutem bol sebechel mochar, ma kabelment bol sebechel kongei a uldasu, ma kldachelbai rechad er a ureor bol ues a sengkir el merael mo klou, ma sel chedaol oterkeklel a mo odars a kengei er a babeluades ma re anghel a me oldingel.
Telbiil
A templo a meral blil a Rubak. Ak yaksok er kemiu el kmo sel omklikiid e ngara nglunguuch el mei er a chedaol el Blil, e ke mo bleiull er a Klisichel, a Ngklel obo mobang, a re anghel er Ngii a mo oungerachel er kau, e kau a mukeroul er a klengeltengat er a Chedaol Reng.
A Rubak a mle yaksok el kmo, a rokui el chad el chemoit a kngterir e mei er ngak, e omekedong er a ngklek, e orrenges a tekingek, e oltirakl a llechuk, a mo mesang a medak e mo medengei el kmo Ngak ki ngii.24 Ngarngii a betok el teletael e kede mesang a medal a Kristo, ngdi ngdiak a ngidil ungil basio el uaisel chedaol Blil.25
Chelechal taem el ngarngii a rau el reng ma klautok, e ak ouchais el kmo a templo a chedaol el Blil e mo mesebechakl er kid, e mengeluolu er kid, e mo kudmeklid el mo er sel klebeokel el sils, lobengkel a rokui el re anghel er Ngii, ea Osobel a lmuut el mei loba ilteet, klisiich, me a klou el klebkall. El ngara a ngklel a Jesus Kristo, amen.