Eyom Enye ke Ofuri Esit Mbufo

Etop otode Bishop L. Todd Budge

Udiana Ɔnɔitem ke Presiding Bishopric

Edieke Jesus Christ oyomde ini ndobo ndineme-nneme ye Abasi man ɔkɔbɔ odudu oto Enye, eyefɔn ke nnyin ndinam ukem oro.

Ediwak isua emi ekebede, ami ye ŋwan mi ikinam utom nte mme adausuŋ mission ke Tokyo, Japan. Kini-Elder Russell M. Nelson ini-oro ekedide mission nnyin, kiet kotu missionary obup enye nte enye edibɔrɔde kini owo ɔdɔhɔde mbubehe mmɔ idiyakke mmimɔ inyene ini ndikop ukwɔrɔ-ikɔ mmɔ. Ye esisit edibet, Elder Nelson ete, “Ami nyebup mme mbubehe oro eyeyak mmɔ edia udia uwemeyo ke usen oro ndien edikem mkpep mmɔ nte ke mmɔ enyene ikpɔkidem ye spirit, ndien ukem nte idem mmɔ edikpade ke mibɔɔk-ke enye, ntre ke spirit mmɔ edi-di edieke mibɔɔk-ke enye ye eti ikɔ Abasi.”

Ɔfɔn edidiɔŋɔ ke ikɔ Japan emi adade-ɔnɔ “mbubehe,” isogashii, ke enam eto ido emi enyenede idiɔŋɔ iba (忙). Andidu ke ufien ɔwɔrɔ “esit” mme “spirit,” ndien andidu ke nnasia ɔwɔrɔ “mkpa”—owutde ndusuk, nte President Nelson ekpepde, ke ndidu ke mbubehe ntre edibɔk spirit nnyin ekeme edida ŋkesim nnyin edikpa ke spirit.

Abasi ɔdiɔŋɔ—ke edisɔp ererimbot emi, ɔyɔhɔde ye ubiɔŋɔ ye ke ndutime— anamde ndinyene ini nnɔ Enye edidi kiet kotu akpan mfina eke eyo nnyin. Etiŋde oto prophet Isaiah, Enye edinɔ ikɔ item ye ikpan, emi ekemede edibiet eyo ndutime emi nnyin idude ete:

“Ke erikabare ye ke nduɔk-odudu ke mbufo edikeme ndibɔhɔ; ke nditie suŋ ye ke mbuɔtidem ke odudu mbufo edidu: edi mbufo ikinyimeke.

“Edi mbufo ekedɔhɔ ete, Iŋ-iŋ, koro nnyin iyeda horse ifeŋe; mmɔdo mbufo eyefeŋe: nnyin iyenyuŋ idoro ke mme ɔsɔp-ukot; mmɔdo mmɔ eke ebinede mbufo eyesɔp ukot.”

Ke ikɔ efen, okposuk edi nte erinyaŋa nnyin edide ke ediwak mfiak ntiene Enye ye ediduɔk-odudu ke utom ererimbot emi, nnyin inamke. Ndien okposuk ke mbuɔtidem nnyin editode ukeme inyenede ito ini ndobouyo eke itiede ye Abasi ke akam ye ekikere, nnyin inamke. Nsidi ntak? Koro nnyin ite, “Iŋ-iŋ, nnyin inam mbubehe ye ŋkpɔ efen”—ifeŋe ke horse nnyin, itiŋ ntre. Mmɔdo, nnyin iyeyom usuŋ inyuŋ ika anyan ikpɔŋ Abasi; nnyin iyeyire ndisɔsɔp ndaha; ndien nte isɔpde ika, ntre ke Satan edisɔp ibine nnyin.

Ndusuk, emi ndi ntak President Nelson akafiakde ebeŋe nnyin ete inyene ini inɔ Abasi ke uwem nnyin—“ke usen kiet-kiet.” Enye eti nnyin ke “ini ndopuyo edi edisana ini—ini emi edidade eriyarare ye emem isɔp idi.” Edi man okop ekpri uyo Abasi, enye eteme ke “afo ŋko ana odu ke ndopuyo.”

Ndidu ke ndopuyo, nte ededi, oyom awak akan edinyene ini nnɔ Abasi—oro oyom ndiyak ekikere eyighe ye ndik nduɔk nyuŋ ŋwuk esit ye ekikere nnyin ke Enye. Elder David A. Bednar ekpep ke, “Item Jehovah ete edobo esine awak akan edinehede ntre editiŋ-ikɔ mme edisasaŋa.” Enye ekpep ke edidu ke ndopuyo, “ekeme edidi usuŋ nditi nnyin ete ikutre ediwuk-enyin ke Andinyaŋa“

Ndidop uyo edi edinam mbuɔtidem onyuŋ oyom ukeme. Ukpepŋkpɔ eke Mbuɔtidem ete, “Ini eke owo anamde utom ke mbuɔtidem enye anam-utom ke odudu mfre.” President Nelson ete: “Ekikere nnyin ana owuk ese Andinyaŋa ye ikɔ Abasi Esie. Ɔsɔŋ eti-eti ndidomo ndise Enye ke ofuri ekikere. Edi edieke inamde, eyighe ye ndik nnyin eyefehe.” Nditiŋ mbaŋa ufɔn edise ekikere nnyin, President David O. McKay ete: “Ami ŋkere ke nnyin inɔ esisit ntiŋenyin ke ufɔn edikere-ke-esit, ukpepŋkpɔ abaŋade nsinifik. … Edikere-ke-esit edi kiet kotu … ata nsasana enyin-usuŋ emi nnyin idade ibe iduk iso Abasi.”

Odu ikɔ kiet ke usem Japan, mui, ke eke mi, ediwut akwa ɔyɔhɔ-mbuɔtidem emi, ekikere ifiɔk ke se oro ɔwɔrɔ ndidu ke ndopuyo. Enye esine mbiet iba (無為). Kiet andidu ke ufien ɔwɔrɔ “ndomokiet” mme “ikpikpu,” ndien andidu ke nnasia ɔwɔrɔ “man anam.” Ɔtɔkiet mmɔ ewɔrɔ “baba-inamke.” Ndida eke ŋwed, ekeme edidue edikabare ikɔ oro man ɔwɔrɔ “inamke ndomokiet” ke ukem usuŋ edude edikabare “edidu ke ndopuyo” nte “itiŋke ikɔ mme edisasaŋa.“ Nte ededi, nte udim-ikɔ “ndidu ke ndopuyo,” oro ɔwɔrɔ akwa ŋkpɔ: eke mi oro edi editi man ɔsuhɔ isaŋ onyuŋ akanam ye akwa spirit edifiɔk.

Kini namde-utom ke Asia North Area Presidency ye Elder Takashi Wada, ami mkpep ke ŋwan esie, Sister Naomo Wada, edi ataifiɔk ewet ikɔ mbon Japan. Ami mbup Sister Wada mme enye eyewet mbiet ikɔ eke mbon Japan eke ikɔ muiɔnɔ mi. Ami nkoyom edikɔŋ ediwet oro ke mbibene mi nte editi-ŋkpɔ ndidu ke ndopuyo nyuŋ ntiŋ-enyin nse Andinyaŋa. Ama akpa mi idem kini enye mikinyimeke inɔ mmem-mmem ebeŋe emi.

Edem-usen oro, ndidɔŋɔ ke ami ŋkifiɔk-ke edisin esie, Elder Wada anam-aŋwaŋa ke ediwet mme mbiet-ikɔ oro eyeyom ata utom. Enye enyene ndikere nyuŋ nehede-nse utom ye mbiet-ikɔ oro tutu enye edifiɔk ata ibɔrɔ ke ukpɔŋ esie ndien ekeme edinɔ idiɔŋɔ ke mme ofuri edimiŋ-idiɔŋɔ emi ye ndomo kiet-kiet eke ifiet esie. Ami mma ŋkop buut ke ami ŋkeda mbubru mbup enye ndinam ŋkpɔ emi oyomde ɔkpɔsɔŋ utom. Ami ndibup enye nte ada mkpe-ubɔk mi ɔsɔk enye ke unana-ifiɔk mi ndien anam enye ɔdiɔŋɔ ke ami nnamke ebeŋe mi aba.

Afo emekeme edikere mkpaidem ye esit-ekɔm mi kini ami mkpɔŋde Japan, Sister Wada, ke mibeŋeke, edinɔ mi ediye ŋkpɔ ediwet-ikɔ emi owutde mbiet ikɔ eke mbon Japan eke ikɔ mui. Idahaemi enye enehede ɔkɔŋɔ ke mbibene ufɔk-utom mi, nditi mi man nsuk ndu ndien nyom Abasi ofuri usen ke ofuri esit, odudu, ekikere, ye ukeme mi. Enye ama okut, ke edinam ima emi, se ke muiɔwɔrɔ, mme ndopuyo, ɔfɔnde akan ikɔ ekededi ekpewɔrɔde. Utu ke ndisio ekikere nyuŋ nduri mbiet-ikɔ oro, enye eketiene ido-ediwet oro ye ofuri ntak esit ye ata udɔŋ.

Ukem oro, Abasi oyom yak nnyin iyom ini nnyin ye Enye ke ukem oruk uyɔhɔ-esit nsinifik oro. Ke ini nnyin inamde ntre, ntuak-ibuot nnyin akabare owut ima nnyin ɔnɔ Enye.

Enye ediyom nnyin man itiene Enye. Ke ndaha kiet, ke ami mma ŋkɔbɔŋ akam ntɔŋɔ ke mbono ye Akpa Presidency, President Nelson ɔwɔŋɔre ese mi ndien ete, “Kini afo ɔkɔbɔŋde akam, ami ndikere nte Abasi enemde esit kini nyin idade ini ikpɔŋ ata mbubehe nnyin man iditi-ikɔm Enye.” Ekedi ndimem ye ɔsɔŋɔ editi mbaŋa se enehede ɔwɔrɔ ɔnɔ Ete Heaven kini nnyin itreke mbubehe man ineme-nneme ye Enye.

Ke awakde nte Enye oyomde mkpaŋ-utɔŋ nnyin, Enye idinyikke nnyin ete idi itiene Enye. Jehovah emi ekesetde etiŋ ɔnɔ mbon Nephite ete, “Adaŋa didie ke Ami ŋketaŋ mbufo mbok nte eka unen obokde nditɔ esie, edi mbufo ibohoke.” Enye akadian oro ye eti ikoot emi ebehede nnyin mfin emi ŋko ete: “Adaŋa didie ke Ami ntaŋ mbufo mbok nte eka unen obokde nditɔ esie ke idak mba esie, ediek mbufo edikabakede esit enyuŋ efiak etiene mi ye ofuri uduak esie.”

Ikɔ Abasi Jesus Christ ɔnɔ nnyin ufaŋ ndinyɔŋ ntiene Enye ke ofuri ini. Mme ufaŋ emi esine edibɔŋ-akam kpukpru usen, edikot ŋwed Abasi, edinam udia-ɔbɔŋ, usen Sabbath, ye ntuak-ibuot ke temple. Nso kedi edieke nnyin ikpesiode nsasana ufaŋ emi ke ibat edi-nam nnyin ndien isin mmɔ ke ibat ŋkpɔ emi nnyin “minamke”—ɔwɔrɔde nditiene mmɔ ye ukem ekikere ye ntiŋ-enyin emi Sister eketiene ido ediwet-ikɔ esie?

Afo emekeme edikere ete, “Ami nnyeneke ini ndinam oro.” Ami mmesiwak edikere ukem oro. Edi yak ami ŋkere ke se ediyomde inehede idi ediwak ini edi eyeyom ata edifiɔk ye ntiŋ-enyin nnɔ Abasi kini nnyin ima ikibem iso inim ini inɔ Enye.

Nte uwutŋkpɔ, kini ibɔŋde-akam, nso kedi edieke nnyin ikpibiatde esisit ini ndineme-nneme nyuŋ mbiat akamba ini ke edidu ye Abasi; ndien kini nnyin iditiŋde ikɔ, idinɔ ata uyɔhɔ-esit ye ata idiɔŋɔ esit-ekɔm ye ima?

President Nelson eketeme yak nnyin ikukokot ŋwed Abasi kpɔt edi ikop inem mmɔ. Nso ukpuhɔde ke oro edi-nam edieke nnyin ikpinam esisit edikot ye edikop akamba inem?

Nso kedi edieke nnyin idinamde awak ndibeŋe esit nnyin ndidia udia-ɔbɔŋ nyuŋ ndara ŋkere mme edidiɔŋ Eriso-isop Jesus Christ kini nsasana edinam emi?

Ke Sabbath, emi ke Hebrew ɔwɔrɔde nduɔk-odudu, nso kedi edieke nnyin ididuɔkde odudu ke mme mfina efen nyuŋ nda ini nditie suŋ-suŋ ye Abasi ndiyak ukpono nnyin nnɔ Enye?

Kini ntuak-ibuot nnyin ke temple, nso kedi, nnyin nnɔ ata ukeme ke edikpaŋ-utɔŋ mme edibighe esisit ke ubet celestial ke ndopuyo ekikere?

Ini emi nnyin isede esisit ke edi-nam ŋkpɔ ndien iwak ke edisɔŋɔ ebuana ediomi ye Ete Heaven ye Jesus Christ, ami ntie ntiense ke nsasana ndaha emi kiet-kiet eyefɔn, ndien nyin iyebɔ ndausuŋ emi iyomde ke uwem idem nnyin. Nnyin, nte Martha ke mbuk ŋwed Luke, imiwak “edikpeme nyuŋ mfina-idem kabaŋa ediwak ŋkpɔ.” Nte ededi, nte nnyin inemede ye Abasi ke ofuri usen, Enye eyeŋwam nnyin ndidiɔŋɔ ewe ŋkpɔ enyene ata ufɔn.

Kpa Andinyaŋa akada ini ɔkpɔŋ utom Esie ndidu ke ndopuyo. Ŋwed Abasi ɔyɔhɔ uwutŋkpɔ emi Jehovah ɔkpɔŋde aka ndedibe ebiet—ŋkoŋ-koŋ obot, wilderness, ukpɔk ebiet mme edika “esisit anyan ebiet”—ndibɔŋ-akam nnɔ Ete. Edieke Jesus Christ oyomde ini ndobo ndineme-nneme ye Abasi man ɔkɔbɔ odudu ot Enye, eyefɔn ke nnyin ndinam ukem oro.

Nte nnyin iwukde esit ye ekikere nnyin ke Ete Heaven ye Jesus Christ nyuŋ mkpaŋ-utɔŋ man idu ke ndopuyo, ekpri uyo eke Edisana Spirit, nnyin iyenyene akamba ediŋwaŋa kabaŋa se inyenede ata ufɔn, inyene ata esit-mbɔm, inyuŋ ikut emem ye ɔsɔŋɔ ke Enye. Edi, ndiŋwam Abasi man utom erinyaŋa ye edimenede Esie ɔsɔp ekeme ediyom yak nnyin inam suŋ-suŋ. Ndidu ofuri ini ke isaŋ ekeme edidian ke ndutime eke uwem nnyin ndien otuk nnyin ye emem emi nnyin iyomde.

Ami nnɔ ikɔ-ntiense ke nte nnyin iwakde edifiak ntine Abasi ye ofuri uduak esit, nnyin iyedi ke ndopuyo ye mbuɔtidem ididiɔŋɔ Enye inyuŋ ikop anana-adaŋa ediomi ima emi Enye enyenede ɔnɔ nnyin.

Abasi ɔŋwɔŋɔ ete:

“Esaŋa ekpere mi ndien Ami nyesaŋa mkpere mbufo; enehede eyom mi ndien mbufo eyekut mi.”

“Ndien mbufo eyeyom enyuŋ ekut mi, koro mbufo edibinede mi ke ofuri esit mbufo.”

Ami nnɔ ikɔ-ntiense nte ke eŋwɔŋɔ emi edi akpanikɔ. Ke enyiŋ Jesus Christ, amen.

Mkpri ŋwed

1. See Ether 2:14–15.

2. Isaiah 30:15–16; emphasis added.

3. 2 Nephi 10:24 invites us to re-con-cile our will to God’s will. “Re” means “again,” “con” means “with,” and “cile” is a chair or throne. To reconcile our will to God’s can mean to literally sit again with God.

4. Russell M. Nelson, “Make Time for the Lord,” Liahona, Nov. 2021, 120.

5. Russell M. Nelson, “What We Are Learning and Will Never Forget,” Liahona, May 2021, 80.

6. Russell M. Nelson, “What We Are Learning and Will Never Forget,” 80.

7. David A. Bednar, “Be Still, and Know That I Am God,” Liahona, May 2024, 28.

8. See Hebrews 11:6.

9. Lectures on Faith (1985), 72.

10. Russell M. Nelson, “Drawing the Power of Jesus Christ into Our Lives,” Liahona, May 2017, 41.

11. David O. McKay, “Consciousness of God: Supreme Goal of Life,” Improvement Era, June 1967, 80.

12. See Doctrine and Covenants 4:2.

13. See Mosiah 7:33; Ether 2:14.

14. “A healthy, functioning heart is central to the health and well-being of each of us. However, what I have learned as a servant and witness of Jesus Christ is that a healthy physical heart is only half of our challenge. I take seriously the injunction to love God with all our hearts, because loving Him is what keeps us vibrant” (Russell M. Nelson, The Heart of the Matter: What 100 Years of Living Have Taught Me [2023], 8; emphasis added).

15. See Psalm 14:2; Revelation 3:20.

16. 3 Nephi 10:5; emphasis added.

17. Elder Dale G. Renlund taught: “Changing our behavior and returning to the ‘right road’ are part of repentance, but only part. Real repentance also includes a turning of our heart and will to God and a renunciation of sin” (“Repentance: A Joyful Choice,” Liahona, Nov. 2016, 121; emphasis added).

18. 3 Nephi 10:6; emphasis added.

19. Elder Neal A. Maxwell taught, “Increased consecration is not so much a demand for more hours of Church work as it is for more awareness of whose work this really is!” (“Settle This in Your Hearts,” Ensign, Nov. 1992, 67).

20. Commenting on how his prayers have evolved over time, Desmond Tutu stated: “I think [I am] trying to grow, in just being there. Like when you sit in front of a fire in winter—you are just there in front of the fire. You don’t have to be smart or anything. The fire warms you” (“Desmond Tutu, Insisting We Are ‘Made for Goodness’” [NPR interview by Renee Montagne, Mar. 11, 2010], npr.org).

21. See Russell M. Nelson, “Think Celestial!,” Liahona, Nov. 2023, 117–19.

22. See Russell M. Nelson, “Living by Scriptural Guidance,” Liahona, Jan. 2001, 19–22; see also Russell M. Nelson, “The Answer Is Always Jesus Christ,” Liahona, May 2023, 127–28.

23. See 3 Nephi 17:3. President David O. McKay eketiŋ ete:

    “I believe the short period of administering the sacrament is one of the best opportunities we have for such meditation, and there should be nothing during that sacred period to distract our attention from the purpose of that ordinance. …

    “I strongly urge that this sacred ordinance be surrounded with more reverence, with perfect order; that each one who comes to the house of God may meditate upon and silently and prayerfully express appreciation for God’s goodness. … Let the sacrament hour be one experience of the day in which the worshiper tries at least to realize within himself that it is possible for him to commune with his God” (“Consciousness of God: Supreme Goal of Life,” Improvement Era, June 1967, 80–81).

24. See Doctrine and Covenants 59:10.

25. “When you bring your temple recommend, a contrite heart, and a seeking mind to the Lord’s house of learning, He will teach you” (Russell M. Nelson, “The Temple and Your Spiritual Foundation,” Liahona, Nov. 2021, 95).

26. “He will lead and guide you in your personal life if you will make time for Him in your life—each and every day” (Russell M. Nelson, “Make Time for the Lord,” 121).

27. See Luke 10:40–42.

28. 3 Nephi 19:19; see also Joseph Smith Translation, Matthew 4:1 (in Matthew 4:1, footnote a); Matthew 5:1; 14:13, 23; Mark 1:35; 6:46; Luke 5:16; 6:12.

29. See 3 Nephi 21:29.

30. Doctrine and Covenants 88:63.

31. Jeremiah 29:13; see also Lamentations 3:25.