Oh Iwaad eke Eti Unen-emana
Abasi anim mbufo ke akpanikɔ, nditɔ ediomi, ke ndinwam ke utom Esie eke ndimen kpukpru nditɔ Esie suŋ suŋ nnyɔŋ ufɔk nsɔk Enye.
Elder Stevensn, mbono emi owo midifreke.
Ufɔk emana nnyin kpukpru ini esikop inem ke ekpri ̄ŋwed ekotde mme Etop Nditɔ ŋwɔŋ enɔde Abasi. Se esisit edi mi:
“Edima Abasi, utu ke ayak mme owo ekpaŋa ndien anam mme obufa, ntak emi mbufo munimke mbon emi enyenede idaha emi?”
“Edi didie ke mbufo enyene mbet duop kpɔt, edi ufɔk ŋwed nnyin enyene mme million?”
“Ntak emi mbufo esinde ekpuk edieke mbufo eyomde ndifiak nsio enye?”
Mfin emi ini iduhe ndibɔrɔ kpukpru mme mbume emi, edi mbume efen odu emi ami nsisɔpde nkop nto mkpri owo emi ami nsitiŋde ikɔ nnɔ. Tɔŋɔde ke Ulaanbaatar, Mongolia, kesim Thomas, Idaho, mbume edi ukem ukem: “Ntaha? Ntak emi mbon Latter-day edude isio ye mbon efen?”
Ami mɔfiɔk ke ɔsɔŋ ndidi isio—akpan akpan ke ini afo edide uyen ndien oyom mbon efen ama fi. Kpukpru owo eyom ndiduk otu, ndien udɔŋ oro enehede okpon aka idiɔk ndaha ke ererimbot digital ɔyɔhɔde ye ebuana eke ofim ye enwan eke ofim.
Ndien, ye mme kpukpru edinyik oro, ntak emi mme Latter-day Saints edide isio-isio? Odu mme ediwak nti ibɔrɔ: koro afo edide eyen Abasi. Koro ekenim mbufo enɔ mme akpatre usen. Koro mbufo edide mbet Jesus Christ
Edi mme ibɔrɔ oro inamke mbufo edi isio. Ofuri owo edi eyen Abasi. Kpukpru owo ke ererimbot idaha emi ekenɔ edi mi ke mme akpatre usen. Edi ndien idihe kpukpru owo enim Ikɔ Ifiɔk mme mbet nfara ke idem ke usuŋ emi mbufo edomode. Odu ediwak nti mbet Christ emi midihe mbon Ufok Abasi emi. Edi mmɔ ikaha mission inyuŋ inamke mme edinam ke ufɔk Jehovah inɔ mme ete ete nte mbufo enamde. Odu ediwak kabaŋa oro—ndien odu.
Mfin emi ami nyema ndiwuk enyin ke udiana ntak emi edide akpan ke uwem mi. Ke 1988 ekpri Apostle ekotde Russell M. Nelson ɔkɔnɔ utiŋ ikɔ ke Brigham Young University ekekotde “Sɔsɔŋɔ ke Ediomi.” Ke enye, ini oro Elder ama anam anwaŋa ete ke ini inamde ndumek eke eti uduot nnyin ke ndinam nyuŋ nim ediomi ye Abasi, nnyin ikabare idi mme adia akpa eke nsinsi ediomi emi Abasi akanamde ye mbon emi inyenede ke kpukpru ini. Etiŋ ke usuŋ efen, nnyin ikabare idi “nditↄ ediomi.” Oro anam nnyin ikpuhↄre. Oro ↄnↄ nnyin unen ndibↄ ukem mme edidiↄŋ emi mme ete ete ye mme eka eka nnyin ekebↄde, esinede unen-emana.
Unen-emana! Ekeme ndi-di mbufo emesikop ikↄ oro. Nnyin imisi ikwↄ mme hymn kabaŋade enye: “Oh Iwaad eke Eti Unen-emana, eka iso, eka iso, eka iso!” Edi enyene odudu ikↄ. Edi oro ↄwↄrↄ nso?
Ke ini Akani Ediomi edieke ete akpade, eyen eren esie enyenede unen-emana ekesidi ese enyin mbaŋa eka ye nditↄ eka iban esie. Mme nditↄ eka eren esie ebↄ mme udeme inyene mmↄ enyuŋ ekpↄŋ eka ndiyom usuŋ mmↄ ke ererimbot, edi enyene unen-emana eyen eren ikaha ebiet ndomo kiet. Enye eyedↄ ndↄ onyuŋ enyene ufↄk emana esie, edi enye eyedu tutu utit usen esie ke ndise mbaŋa mme ŋkpↄ ke obio ete esie. Ke ntak udiana ubiↄŋ utom esie, ema esinↄ enye mme udiana udeme inyene. Ndi ndida usuŋ nyuŋ nse nbaŋa mbon efen okpon akaha ndibup? Idihe ke ini esede udiana iyene ekenↄde enye.
Mfin emi nnyin itiŋke ibaŋa ndaha emana mbufo ke ufↄk emana eke isↄŋ mme ubiↄŋ utom eke Akani ediomi. Nnyin itiŋ ibaŋa udeme inyene emi mbufo ebↄde nte adia akpa ye Christ ke ntak ebuana ediomi emi mbufo emekde ndiduk ye Enye ye Ete mbufo ke Heaven. Ndi okpon akaha ke Abasi ndiyom mbufo ekpuhↄre ye mme nditↄ Esie efen man mbufo ekeme ndinehede nda usuŋ nnyuŋ nam ŋkpↄ nnↄ mmↄ? Idihe ke ini esede udiana udeme inyene ekenↄde—mbiba ke obukidem ye ke spirit—emi ekenↄde mbufo.
Ndi unen-emana fo ↄwↄrↄ ke mbufo emefↄn ekan mbon efen? Iŋ iŋ, edi ↄwↄrↄ ke eyom mbufo enwam mbon efen man efↄn. Ndi unen-emana ↄwↄrↄ ke emek mbufo? Iŋ, edi owo imek-ke fi ite akara mbon efen; emek mbufo ete enam ŋkpↄ enↄ mmↄ. Ndi unen-emana mbufo edi uwut ŋkpↄ kabaŋa ima Abasi? Iŋ, edi ata akpan ntak, edi uwut ŋkpↄ eke edinim ke akpanikↄ Esie.
Edi ŋkpↄ kiet ke ndima ye ŋkpↄ efen ofuri ofuri ke ndinim ke akpanikↄ. Ke ŋwed ndausuŋ Enɔde ke Nsɔŋɔnda eke Iwaad , nnyin ikoot ke: “Ete mbufo ke Heaven anim mbufo ke Akpanikↄ. Enye ↄnↄ mbufo akwa edidiↄŋ, esinede uyuhɔ ikɔ Abasi ye mme edisana edinam ye ediomi emi ediande mbufo ye Enye ndien ada odudu Esie esin ke uwem mbufo. Ye mme edidiɔŋ oro mme ubiɔŋ utom efen etiene. Enye ɔfiɔk ke emekeme ndinam ukpuhɔre ke ererimbot, ndien oro oyom, ke ediwak ndaha, ndikpuhɔre ye ererimbot.”
Ekeme ndida uwem isↄŋ ndomo ye ubom emi Abasi ↄnↄde ↄsↄk kpukpru nditↄ Esie nte mmↄ asaŋade ke esuk ke esuk. Isaŋ ↄyↄhↄ ye mme utom ke ndikpep, nkↄri, nyuŋ nka iso, edi ↄyↄhↄ nko ye mme idiↄk. Abasi ama kpukpru nditↄ Esie ndien ekere abaŋa nsↄŋ idem mmↄ. Enye iyomke ndinana mmↄ ndomokiet, ntre enye okoot mbon oro eduakde ete edi mbon nsaŋa Esie—oro edi mbufo. Otode ke ntak emi mbufo enyimede ndinam nnyuŋ nim ediomi, Enye ɔnɔ mbufo akpanikɔ Esie. Enye anim mbufo ke akpanikɔ ke ndidi ukpuhɔre, asaŋa asaŋa, onyuŋ osio anim ke ntak akpan utom Enye animde mbufo ke akpan ate enam.
Kere baŋa oro! Abasi anim mbufo ke akpanikɔ—Ke ofuri mme owo ke isɔŋ, nditɔ ediomi, mbon nsaŋa Esie—ke ndinwam ke utom Esie eke ndimen kpukpru nditɔ Esie suŋ suŋ nnyɔŋ ufɔk nsɔk Enye. Mokut ntak emi President Brigham Young inikiet ɔkɔdɔhɔde ete, “Kpukpru mme angel ke heaven ese esesit mbon emi.”
Nte mbufo esede ke ubom isaŋ emi ekotde ererimbot, mbufo eyekut mme mbon efen emi etiede ke ŋkpɔ itie enwɔŋde min, etopde nsa ke ubet udia uwem, esinede mme ɔfɔŋ emi enehede ɔfuhɔre idem, esede fone mmɔ ke nsi nsi, ebiatde ediwak ini ke ndibre mbre eke ŋkpɔ mbre. Edi utu ke ekere ebaŋa, “Ntak ami mikemeke ndinam oro?,” mbufo emekeme nditi ete ke mbufo idihe nkaŋa mbon isaŋ. Mbufo edi mbon nsaŋa. Mbufo emeyene ubiɔŋ utom emi mbon isaŋ minyeneke. Nte Eyen eka ŋwan Ardeth Kapp eketiŋde inikiet, “Mbufo ikemeke ndidi [andikpeme] ke ofuri eyo uwem edieke mbufo etiede nte mbon ewɔk efen ke akpa.”
Ndien mbemiso etre ndinyene udɔŋ kabaŋa kpukpru mme ubiɔŋ utom efen, mbɔk eti ete ke mbon nsaŋa esibɔ ŋkpɔ eyenutom emi mbon isaŋ efen mibɔhɔ. Elder Neil L. Andersen ɔdɔhɔ ete, “Odu enɔ odudu eke spirit enɔde mme ndinen owo,” esinede “enwɔŋɔ, akamba ɔsɔŋɔ, ye akamba uko.” Nte Abraham eke eset, mbufo ebɔ akamba inem esit ye emem, akamba edinen ido, ye akamba ifiɔk. Udori mbufo idihe ebiet iduŋ ke heaven ye mme efak enamde ke gold. Edi mmem mmem ŋkpɔ ɔnɔ Ete eke heaven ke mmem mmem ndinɔ mbufo kpukpru se Enye enyenede. Uduak Esie edi ndinwam mbufo edi kpukpru se Enye edide. Edi, mme utom mbufo oyom ediwak oto mbufo koro oro edi adaŋa nte Abasi anamde ediwak oto mbufo.
Odu “ediwak ke ndibup mbufo, edi mbufo idihe owo eke ededi”! Mbufo edi mme iwaad eti unen-emana. Ebuana ediomi mbufo ye Abasi ye Jesus Christ edi ebuana ima ye edinim ke akpanikɔ emi mbufo enyenede unen ndibɔ akamba mfɔn Mmɔ—edisana unwam mmɔ, edibɔ odudu, ye enyene odudu. Odudu oro idihe ekikere eke iduakde, ibɔk mfoniso, mme ndiwɔrɔ nsu prophecy eke idem. Edi akpanikɔ.
Nte enamde utom unen-emana mbufo ↄwↄrↄ osu, mbufo iduhe ikpɔŋ. Ɔbↄŋ eke inwaŋ vine kanam utom ye mbufo. Mbufo enam utom ɔtɔkiet ye Jesus Christ. Ye obufa ediomi kiet kiet—ye nte ebuana mbufo ye Enye otuŋɔre—mbufo emum kiet eken ɔsɔŋ onyuŋ ɔsɔŋ tutu mbufo enehede emum ɔtɔkiet. Ye edisana idiɔŋɔ mfɔn Esie, mbufo eyekut mbiba udɔŋ ye odudu ndidu uwem ukem ukem nte Andinyaŋa ekedude—ewɔrɔ ekpɔŋ ererimbot. Mbufo emenyene emi koro Jesus Christ ama enyene mbufo!
Ke 2 Nephi 2:6 nnyin ikoot,“Ke ntre, edifak edi ke ndien oto ke Edisana Messiah; koro enye ɔyɔhɔ ye mfɔn ye akpanikɔ.” Ke ntak emi Enye ɔyɔhɔde ye mfɔn ye akpanikɔ, Enye okut mbufo nte mbufo enehede edi—ndudue, memidem, utua mkpɔfiɔk, ye kpukpru. Ke ntak emi Enye ɔyɔhɔde ye mfɔn ye akpanikɔ, Enye okut mbufo nte mbufo enehede edi. Enye osobo ye mbufo ke ebiet emi edude onyuŋ anwam mbufo ekabare esit enyuŋ efɔn, ekan enyuŋ ekabare edi.
“Oh Iwaad eke Eti Unen-emana, eka iso, eka iso, eka iso!” Ami metie ntiense nte ke ema mbufo—nko ke enim mbufo ke akpanikɔ—mfin, ke isua edip, ye ke nsinsi. Ekuyam unen-emana mbufo ke ntak udia. Ekuyam kpukpru ŋkpɔ ke ikpu-ikpu. Ekuyak ererimbot ɔkpuhɔre mbufo ke ini ekemande mbufo ete ekpuhɔre ererimbot. Ke enyiŋ Jesus Christ, amen.