Ewuk Enyin ke Jesus Christ ye Ikɔ Abasi Esie
Ke ini nnyin itrede ndinɔ mkpaŋ utɔŋ ke nditabi eke ererimbot inyuŋ iwuk enyin ke Christ ye ikɔ Abasi Esie, nnyin iminyene ndikan.
Ke 1996, mme ebre football irenowo eke Nigeria ema-ebɔ gold ke Mbre Olympic ekedade itie ke Atlanta ke United States. Nte akpatre okurede, mme anamidara otu-owo eduk ke mme efak ke kpukpru obio ye iduŋ ke Nigeria; obio emana emi ewakde 200 million ema ekpuhɔre ke usɔp eduk ke idara ofuri owo ke nkanika iba usen-ubɔk! Amaodu akamba idara, inemesit, ye edikop inem nte mme owo ekediade, ekwɔde, enyuŋ enekde. Ke ini oro, Nigeria ama-adiana kiet ndien kpukpru owo Nigeria eketiŋ ebaŋa ndidi owo Nigeria.
Mbemiso etɔŋɔ Olympics, mbon mbre emi ema ekut ediwak idomo. Nte mbre ɔkɔtɔŋɔde, unwam eke okuk mmɔ ama atre. Mbon mbre emia-mbuba ke minyeneke mme nti ŋkpɔ, ebiet ukpep, udia, mme eyet ɔfɔŋ.
Mme ndise Jerome Prevost/Getty.
Ke ini kiet, mmɔ ekedu ke minute kiet ke edisio mmɔ, edi mbon mbre Nigeria ke midotke enyin ekan kpukpru ndaha. Edikoŋ ini emi ema ɔkpuhɔre adaŋa nte mmɔ ekekutde idem mmɔ. Ye obufa uko emi, ye ke ɔkpɔsɔŋ utom eke idemowo ye eke otu owo edidiana kiet ye akamba unyime, mmɔ etre ndikpaŋ utɔŋ nnɔ ndutimere ndien ewuk enyin ke ndikan. Ntiŋ enyin emi ama anam mmɔ ebɔ ŋkwa itɔŋ gold, ndien mbon Nigeria enɔ mmɔ enyiŋ “Mbon-mbre Ndap.” Mbon-mbre Ndap ke Atlanta 1996 Olympics esuk etetiŋ ebaŋa ke mme mbre ke Nigeria.
Mme ndise David Cannon/Allsport/Getty
Inikiet eke mbon mbre football irenowo ke Nigeria ekekpepde ebaŋa nditre ndise mme editabi esede mmɔ nyuŋ nwuk enyin ke iniso mmɔ, mmɔ ema ekan ebe ŋkpɔ mmɔ ekekerede ke edi mmem mmem enyuŋ ekop akamba idara. (Nte ofuri nnyin ke Nigeria ikinamde!)
Ke ukem usuŋ oro, ke ini nnyin itrede ndinɔ mkpaŋ utɔŋ ke nditabi eke ererimbot inyuŋ iwuk enyin ke Christ ye ikɔ Abasi Esie, nnyin iminyene ndikan ŋkpɔ emi nnyin inehede ikere ndien ikop akamba idara. President Russell M. Nelson ekpep ete: “ke ini itiŋde enyin ke uwem nnyin ise … Jesus Christ ye ikɔ Abasi Esie, nnyin imikan ikop idaraesit isehe se itibede—mme se mitibeke—ke uwem nnyin.”
Ami mebɔŋ akam nte Edisana Spirit eyewam nnyin kiet kiet ke ndikop ikoot eke President Nelson ke ndiwuk uwem nnyin ke “Jesus Christ ye gospel Esie” man nnyin ikeme ndikop idaraesit ke Christ ke “misehe se itibede—mme se mitibeke—ke uwem nnyin.”
Ediwak mbuk ke Ŋwed Mormon etiŋ abaŋade mbon emi ekewɔŋɔre uwem mmɔ ke ndiwuk enyin ke Jesus Christ ye ikɔ Abasi Esie.
Kere baŋa Ekpri Alma. Enye ama ɔsɔŋ ibuot onyuŋ anwana ye Ufɔk Abasi. Ete esie, Alma, ama ɔbɔŋ akam onyuŋ etre udia. Angel ama ɔbiɔŋɔre onyuŋ okoot Ekpri Alma ete akabare esit. Ke ini oro, Alma ama ɔtɔŋɔ ndibɔ ufen “ubiak eke ukpɔŋ esuŋide.” Ke mme hour ekim esie, enye ama eti ukpep ŋkpɔ ete esie ete ke Christ eyediduɔk iyip ɔnɔ mme idiɔk ŋkpɔ eke ererimbot. Nte ekemumde ekikere esie ewuk enyin ke ukpep emi, enye ekpeiye Abasi oyom mbɔm. Idara ekedi ibɔrɔ, idara emi enye eketiŋde ama okpon! Mbɔm ye idara ama edi atiene enye ke ntak emi enye ye ete esie ekewukde enyin ke Andinyaŋa.
Kabaŋa mme ete ye eka emi enyenede nditɔ ema eke ewɔrɔ ekpɔŋ usuŋ, ebɔ ndɔŋesit! Utu ke odu ke mkpaidem ke ntak emi angel midihe ndinwam eyen fo akabare esit, efiɔk ete ke Jehovah anim angel eke obukidem ke usuŋ esie: bishop, adausuŋ efen ke Ufɔk Abasi, mme mme ɔkwɔrɔ ikɔ irenowo ye iban. Edieke mbufo ekade iso ke nditre udia, ekaiso ke ndibɔŋ akam, edieke afo mudomoke ndiwed nim mme ndinim ini nnɔ Abasi, ndien edieke afo animde ete ke Enye ekeme ndinyan ubɔk Esie ke ndinwam, ndien—awarade mme ke ebihide—afo eyekut Abasi otukde esit eyen fo ke ini eyen fo emekde ndikpaŋ utɔŋ. Edi ntre ke ntak emi Christ edide idara—Christ edi idorenyin; Enye edi enwɔŋɔ eke “kpukpru nti ŋkpɔ ndidi.” Ntre nim Jesus Christ ke akpanikɔ ye eyen fo, koro Enye edi odudu kpukpru ete ye eka, eke kpukpru nditɔ.
Ini kiet eke enye okopde idara ke Christ, Ekpri Alma ama-odu ye idara. Edi didie ke enye ekekpeme utɔ idara oro kpa ke nsɔŋɔ ŋkpɔ ye idomo? Enye etiŋ:
“Tɔŋɔde ke ini oro tutu idahaemi, ami mmenam-utom ndien ntreke, [man] mkpeda mme ukpɔŋ nkesim ŋkabare esit; man ami mkpeda mmɔ man editabi akwa idartesit eke ami ŋketabide. …
“…, Ndien … Jehovah ɔmɔnɔ mi ata akwa idara ke mme mfri utom mi. …
“Ndien ema enwam mi ke mme kpukpru utɔ idomo ye mfina.”
Idara ke Christ ɔkɔtɔŋɔ ɔnɔ Alma ke ini enye akanamde mbuɔtidem ke Enye onyuŋ atua oyom mbɔm. Ndien Alma enyene mbuɔtidem ke Christ ke ndinwam mbon efen etabi ke ukem idara oro. Mme nkaiso utom emi ama ɔnɔ Alma akamba idara, kpa ke ofuri oruk idomo ye mfina. Afo omokut, “Jehovah ama mme ukeme,” ndien ukeme owukde enyin ese Enye ada mme edidiɔŋ edi. Kɔm ata idiɔk idomo ekeme “ndikure ke idara eke Christ.”
Mbon efen ke Ŋwed Mormon emi ekenamde Jesus Christ ye ikɔ Abasi Esie edi akpan ke uwem mmɔ enyuŋ ekut idara edi mbon oro ekekutde ke obio Helam—ebiet emi mmɔ ekekemede ndibɔk nditɔ mmɔ nyuŋ nkop utom mfɔn eke ido ukpono mmɔ. Mme edinen owo emi edude nti uwem ema edu ke ufin eto mme owot owo mbon Laman enyuŋ ebɔde mmɔ ata unen owo ke ndinam edu ukpono mmɔ. Ndusuk ini mme idiɔk ŋkpɔ esitibe ɔnɔ mme nti owo:
“Abasi okut nte ɔfɔnde ke ndisua nnɔ mbon esie; enye odomo ime mmɔ ye mbuɔtidm mmɔ.
“Edi—owo ekededi emi esinde mbuɔtidem esie ke enye kpa oro ke edimenere ke akpatre usen. Iŋ, ntre ke ekedi ɔnɔ mbon emi.”
Didie ke mbon emi ekeyɔ ke idomo ye ukut mmɔ? Otode ke ndiwuk Enyin ke Christ ye Ikɔ Abasi Esie. Mfina mmɔ ikitiŋke ibaŋa mmɔ; edi, mmɔ kiet kiet ewɔŋɔre etiene Abasi, enyime ndida idem mmɔ nte eyen Abasi, eyen eke ediomi, ye nte mbet Jesus Christ. Nte mmɔ eketide owo emi mmɔ ekedide enyuŋ ekot Abasi, mmɔ ema ebɔ emem, ukeme, ye akpatre idara ke Christ:
“Alma ye ikɔt esie ema … enwaŋa esit mmɔ enɔ [Abasi]; ndien enye amaɔfiɔk ekikere esit mmɔ.
“Ndien ekedikem uyo Jehovah edi etiene mmo ke itie ukut mmo ete: Emenede ibuot mbufo ke enyong enyung ebo ndongesit, koro Ami mmediongo ediomo emi mbufo ekanamde eno Mi; ndien Ami nyediomo ye ikot Mi nnyung ntat mmo nsio ke ufin.”
Ke ibɔrɔ, Jehovah ama anam mbiomo mmɔ efere … ke [afara] mmɔ. … Iŋ, Jehovah ama ɔsɔŋɔ mmɔ idem mman mmɔ ekeme ndibiom mbiomo mmɔ ye emem, ndien mmɔ ekeyak idem mmɔ ke inemesit ye ime enɔ kpukpru uduak Jehovah.” Efiɔk ete ke mme Ndisana owo emi ema eyak mfina mmɔ, ndutuhɔre mmɔ, ye idomo mmɔ okure ke idara eke Christ! Edi ke nenen ini, Enye ama owut Alma usuŋ ndibɔhɔ, ndien Alma—prophet Abasi—ama ada mmɔ usuŋ aka ubɔhɔ.
Nte nnyin isede Christ ye prophet Esie, eyeda nnyin nko ɔsɔk Christ ye idara ikɔ Abasi Esie. President Nelson ekekpepde: “idara enyene odudu, ndien ke ndise ke idara ada odudu Abasi asin ke uwem nnyin. As in all things, Jesus Christ is our ultimate exemplar, ‘who for the joy that was set before him endured the cross’ [Hebrews 12:2].”
Eka mi ke mimi emi ama akpa; ekedi idike ɔnɔ mi. Ami ema eka mi ndien nkikereke ndinana enye ke uyen. Edi otode ke mkpa esie, ufɔkemana mi ye ami iminyene mfuhɔ ye idara mbiba. Ami mefiɔk ke ntak Esie, enye ikpaha—enye odu uwem! Ndien ami mfiɔkde ke ntak Christ ye ukpɔhɔde itie oku ekefiakde emen edi otode ke Prophet Joseph Smith, ami nyefiak ndu ye enye usen kiet. Mfuhɔ eke ndinana eka mi ama okure ke idara Christ! Ami ke ŋkpep oro ke ndikere celestial” ye ke “ndiyak Abasi akara” esine ke ndiwuk enyin ke idara emi odude ke Christ.
Enye ke ima okoot, “Etiene mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk odudu” Ke enyiŋ Jesus Christ, amen.