O Mea Ofoofogia
I se tasi aso sa ou alu ai i le fale o se uo e i ai sona vaitaele. O ia o se tagata o se isi ekalesia, o lea sa ou aoao ai ia te ia e uiga ia Iosefa Samita. Sa ofo o ia ina ua ia iloa sa faaali mai le Tama Faalelagi ma Iesu ia Iosefa Samita. Sa ou aoao ia te ia e uiga i le Tusi a Mamona. Na te le’i iloa e uiga i lea tusi, ua na o le Tusi Paia. Talu ai ona e le’i i ai sana Tusi a Mamona, na te le’i iloa foi e uiga ia Nifae po o se isi.
Sa ou aoao ia te ia e uiga i le Upu o le Poto. Sa ou fesili muamua ia te ia pe o le a ulaula ma inu pia pe a matua. Ina ua maea ona aoaoina o ia i le Upu o le Poto, sa ou toe fai atu i ai. O lenei o le a le inu ava malosi pe ulaula o ia.
Sa ou manao e sau o ia i la tatou Ekalesia, o lea sa ou valaauliaina ai o ia. O le a aluese atu o ia i lenei vaiaso, o lea o le a ou toe valaauliaina ai o ia pe a foi mai.
E fiafia o ia e aoao i nei mea.
Augusto B., 10 tausaga, Atenitina