O mai e Faalogo i le Siufofoga o se Perofeta

Eleele Paia

Saunia e Peresitene Thomas S. Monson

Fesoasoani Muamua i le Au Peresitene Sili

Ou te manatua lelei le taimi na faauuina ai au o se tiakono. Na faamamafa mai e lo matou au epikopo le paia o le tiutetauave sa ia i matou e tufa ai le faamanatuga. Sa faamamafaina mai ia laei talafeagai, o se uiga mamalu, ma le taua o le mama i le faaleagaga ma le faaletino. A o aoaoina i matou i le tufaina o le faamanatuga, sa ta’u mai ia i matou le auala e tatau ona matou fesoasoani ai i a Louis McDonald, o se uso i la matou uarota sa pe se vaega o lona tino, ina ia mafai ona ia maua le avanoa e taumafa ai i faatusa paia.

Ou te manatuaina lelei le tufaina atu o le faamanatuga i le laina nofoa sa nofo ai ia Uso McDonald. Sa ou fefe ma sa ou le mautonu ina ua ou latalata atu i lenei uso lelei, ae na te’i i lou vaaia o lana ataata ma le faaalia o le loto faafetai i lona naunau mai e taumafa. Sa ou uuina le fata i lo’u lima tauagavale, ae ou tago i le fasi falaoa itiiti ma tuu atu i ona laugutu. Sa tufa atu le vai mulimuli ane i le faiga lava lea e tasi. Sa ou lagona e pei ua ou tu i eleele paia. Ma e moni lava sa ou i ai. O le avanoa e tufa atu ai le faamanatuga i a Uso McDonald, na avea ai i matou uma ma ni tiakono lelei tele.

Mai se lauga o le konafesi aoao ia Oketopa 2005.

MEA E MAFAUFAU I AI

1. I le amataga na fefe Peresitene Monson e tufa le faamanatuga ia Uso McDonald. Aisea? Na faapefea ona suia ona lagona? Aisea?

2. Aisea e te manatu ai na lagona e Peresitene Monson ua tu o ia i eleele paia? O le a sou manatu o le a se lagona o Uso McDonald?

3. O a ni mea ua e aoaoina e uiga i le taumafa i le faamanatuga? Afai o e sauni e maua le Perisitua Arona, o a ni mea ua e aoaoina e uiga i le tufaina o le faamanatuga?

4. O a nisi mea na e mafaufau i ai a o e faitauina lenei tala?