TE PARAU-TI‘A

Ia vai parau-ti‘a noa outou ia outou iho, ia vetahi ê, e i te Fatu. Eiaha e faati‘a ia outou na roto i te parauraa e, e mea maitai te parau-ti‘a ore.

« Ua hau atu te parau-ti‘a i te oreraa e haavare. O te parauraa ïa i te parau mau, te a’oraa i te parau mau, te oraraa i te parau mau, e te hereraa i te parau mau…

« Ua riro te haavareraa i te fare haapiiraa ei huru no te haavareraa ia oe iho. E haere tatou i te fare haapiiraa no te haapii mai. Te haavare nei tatou ia tatou iho ia faaohipa ana‘e tatou i te mau tautooraa e te moni a te tahi ê atu taata…

« Ua riro te eiâraa ei peu matau-roa-hia na te ao nei… E rave rahi mau huru no te eiâraa, mai te eiâraa i roto i te fare toa, te raveraa i te mau pereoo uira, afata stereo, te mau hautiraa pehe roro uira, te mau hauti video, e te tahi atu mau mea a te tahi taata; te eiâraa i te taime, te moni e te tauhaa a te mau fatu ohipa… aore râ te tarahuraa ma te ore e opua i te faaho‘i. Eita roa’tu i noaa i te hoê taata te tahi mea faufaa rahi mai te mea ua ravehia te reira na roto i te eiâraa…

« E ere i te mea ti‘a i te hoê taata tei mau i te autahu‘araa te eiâraa i te tahi noa’tu mea ».

Peresideni James E. Faust (1920-2007), Tauturu Piti i roto i te Peresideniraa Matamua, « Te Parau-Ti‘a – te hoê Aveia Morare », Ensign, Novema 1996, 4-42, 43.