TE MÂRAA I TE PAE MORARE

A tape‘a mâ noa ia outou i te pae morare. Eiaha e rave i te hara o te viivii na mua a‘e i te faaipoiporaa. Eiaha e tomo atu i roto i te mau paraparauraa aore râ te mau faaoaoaraa o te faatupu i te hiaai puai. Eiaha e tomo atu i roto i te mau ohipa taotoraa te tane i te tane e te vahine i te vahine. A imi i te tautururaa mai te mea ua roohia outou i te maferahia, i te taotohia e te hoê metua, aore râ i te tahi atu mau ohipa haamani-ino-raa.

« I roto i te ohipa o te taotoraa te tane i te vahine, e ti‘a ïa ia outou ia ti‘a’i ! E ti‘a ia outou ia ti‘a’i e tae noa’tu i te taime e nehenehe ai ia outou ia horo‘a i te mau mea atoa, e eita e nehenehe ia outou ia horo‘a i te mau mea atoa e tae noa’tu i te taime ua faaipoipohia outou i mua i te ture. Mai te mea e onoono outou i te tapapa i te haamaha i te hiaai o to outou tino o ta te ra‘i e ore ra e faati‘a, e riro outou i te roohia i te ati pae varua e te pae feruriraa o te nehenehe e tuino i to outou hiaai tino e i to outou aravihi i te here-mau-raa i te hoê taata i muri iho. E ite paha outou i to outou maereraa rahi e e ua haamau‘a outou i te mea ua ti‘a ia outou ia faaherehere, e na roto ana‘e i te maitai o te Atua e nehenehe ai ia outou ia noaa faahou mai te viretu ta outou i horo‘a noa. I to outou mahana faaipoiporaa te tao‘a aroha maitai roa‘e e nehenehe ta outou e horo‘a i to outou hoa mure ore o outou iho ïa – mea mâ e te viivii ore e te tiamâ ».

Elder Jeffrey R. Holland no te Pŭpŭ no te Tino Ahuru ma Piti Aposetolo, « Personal Purity », Liahona, Atopa 2000, 42.