MAU HAAPOTORAA O TE AO NEI

Ua faatupuhia te 100raa o te amuiraa o te Ekalesia i Taiwan

I muri mai i te faanahonahoraa o te Amaa no Mingchien i te ava‘e Me 2008, ua roaahia ïa i teie nei i Taiwan 100 amuiraa. E oire iti Mingchien i Taiwan ropu. E tavini ïa teie 100raa amuiraa e 50.000 melo.

Ua tae mai te mau misionare matamua i te mau ava‘e hopea no te matahiti 1950, e e ani tamauhia te mau misionare ia arata‘i i te mau amuiraa. I teie mahana, no roto mai te feia faatere i te mau melo o te fenua iho.

Ua faatupu te rururaa a te mau ve‘a i Farani i te auraa fetii, e i te haaparareraa i te evanelia

Ua faanahonaho te feia faatere no te Tĭtĭ o Lyon, i te fenua Farani i te hoê rururaa na te mau ve‘a no ni‘a i te FamilySearch. Ua faaohipa ratou i te 13 no Me 2008, no te faaharo‘aro‘a i te mau parau haapiiraa a te Ekalesia i te mau papa‘i ve‘a e i te mau feia faatere a tatara’i ratou i te faufaa rahi no te aamu utuafare i roto i te oraraa o te mau melo o te Ekalesia e i te parau tumu no te mau utuafare mure ore. « Ua anaanatae roa te feia o tei haere mai », o te parau ïa a Daniel Mocellin, peresideni no te Tĭtĭ o Lyon i Farani.

E roaa na buka e toru i ni‘a i te tahua itenati i roto i te reo tanemateta, holane e ‘hongrois’

E roaa i teie nei na buka e toru i roto i te reo Tanemateta, Holane e Hongrie i ni‘a i te Tahua Itenati http://scriptures.lds.org. I roto i teie na buka e toru tei neine‘i-amui-hia, te vaira te mau faahororaa i raro i te api, te mau tauturu na te mau piahi, te mau hoho‘a fenua, te mau hoho‘a e te ite no te tapa‘oraa i te mau papa‘iraa mo‘a. No te tauturu i te tahi atu ă mau melo i teie nei mau papa‘iraa mo‘a, ua tuu a‘e na te Ekalesia i ni‘a i te tahua Itenati te mau reo i muri nei, Peretane, Farani, Heremani, Italia, Popoti e Paniola. Ua faanaho-a‘ena te Ekalesia i ni‘a i te tahua Itenati hau atu e piti tatini reo.

Ua tavini te Sotaiete Tautru i teie hepetoma taato‘a

Ua rave te mau melo no te Sotaiete Tauturu no te Tĭtĭ o Fountain Colorado i Colorado Springs, Colorado i te mau Hau Amui no Marite, i te piti o te hepetomo no te ava‘e Me, no te faaanaana, no te nira e no te tavini. I muri mai i te horo‘araa i te toto i te hoê fare ma‘i vairaa toto, ua faaineine te Sotaite Tauturu e 200 pute tauihaa e e 40 paraitete huruhuru mamoe na te Tatauro Ura.

Ua horo‘a atoa ratou hau atu i te 500 mau tauihaa ha‘uti hamanihia i roto i te raau, 25 paraitete mahanahana e e 80 pepe haavare na te Pû Tauturu Huiraatira a te Ekalesia e e 187 mau ahu apî.

No te haamaramaramaraa no ni‘a i te mau ŏ e horo‘ahia i te mau Pû Tauturu Huiraatira a haere i ni‘a i te tahua www.lds.org/ humanitarianservices or call 1-801-240-5954.