18 Rave‘a no te ti‘a puai noa
Ua omua mai te Peresideniraa Matamua i te mana‘o tauturu i roto i te buka iti No te Puai o te Feia Apî na roto i teie nei mau parau i muri nei : « No te mea ua here te Fatu ia outou, ua horo‘a mai Oia i te mau faaueraa e te mau parau a te mau peropheta no te arata‘i ia outou i roto i to outou tere. Tei roto i teie buka iti te mau arata‘iraa faufaa roa no to outou oraraa » ([2001]), 2).
E tauturu ïa te mau haapiiraa, i roto i te mau api e rave rahi i muri mai, ia outou ia faaohipa i te mau ture e te mau parau tumu tei itehia i roto i te buka iti. Ma te tape‘a maite-raa i teie nei mau ture, e noaa ïa ia outou te oaoa rahi a‘e i roto i to outou oraraa e e riro ïa outou ei hioraa maitai no te mau taata i pihaiho ia outou.