A tauturu e a oaoa
« Ia faahope oe i ta oe mau ohipa atoa i Ziona » (PH&PF 24:7).
Ua mutamuta o Jonathan a tomo atu ai oia i roto i te pereoo uira i piha’i iho i to’na tuane o Mike. Ua hinaaro oia ia faaea i te fare e ia hauti i te hauti api o ta’na i farii i te mahana oro‘a o to’na fanauraa. Ua maro râ to’na metua vahine ia haere paatoa ratou i te fare pureraa no te tauturu i te tamâraa.
« No te aha tatou e haere ai ? » Ua ani atura o Jonathan i to’na metua vahine a tauturu ai oia ia’na ia tuu atu i te matini faaote repo i roto i te pereoo uira.
« Mea au roa », parau atura oia ia’na ma te atata ». Te faaohipa nei tatou paatoa i te fare pureraa. E mea tano ïa ia tatou ia tauru i te tamâraa i te tahi mau taime ».
Ua hi‘o-ti‘a‘tu o Jonathan i rapae au i te haamaramarama e ua mataitai i te mau fare e te mau tumu raau a tere ai i te fare pureraa. A tape‘a ai to’na metua vahine i te pereoo uira i roto i te tape‘araa pereeoo o te fare pureraa, ua hiti mahuta o Jonathon i te iteraa atu i te taea‘e Lawson i te tape‘araa i to’na pereoo uira i piha’i iho noa mai.
« Eaha ta te taea‘e Lawson ohipa i ô nei ? » Ua uiui ihora o Jonathon ia’na iho.
Ua ma‘ihia te taea‘e Lawson i te hoê ma‘i mariri ai taata o tei piihia te mariri ai taata i roto i te toto. Ua mau oia i roto i te fare ma‘i no te hoê tau maoro. Ua haamana‘o oia i to’na na metua i te faaitoitoraa ia Mike e o’na iho ia pure no te taea‘e Lawson i roto i to ratou mau pure taata taa’itahi e te pure utuafare. Aita hoi i maoro to te taea‘e Lawson ho‘iraa mai i te fare.
E mea au roa na Jonathon te taea‘e Lawson. E mea paari a‘e oia i te mau papa ruau o Jonathon, e haere mai râ oia e aparau ia Jonathon e no te ani i te huru o ta’na haapiiraa e te pupu faaetaetaraa tino. I te hoê taime ua haere oia e mata‘ita‘i i te hoê o te mau hautiraa a Jonathon.
A pou ai o Jonathon i rapae au i te pereoo uira, ua tarape mai te taea‘e Lawson ia’na e ua parau mai, « ia orana e Jonathon ». Ua haere te taea‘e Lawson i te muriraa o to’na pereoo uira e ua tatara mai i te hoê matini faaote repo. Ua tura‘i oia i te matini faaoteraa repo i roto i te fare pureraa ma te haere marû noa.
« Jonathon », ua pii ihora te metua vahine, « e nehenehe anei ta oe e taururu mai ? » Te fifi ra oia i te tatara mai i te matini mai roto mai i te muriraa o te pereoo.
« E, mama », ua parau atu o Jonathon. Ua tauturu oia ia’na i te tatara mai i te matini e ua tura‘i oioi atura na ni‘a i te tahua tape‘araa pereoo uira.
I te taatoaraa o taua avatea ra, ua rohi o Jonathon e o Mike i piha’i iho i te taea‘e Lawson. E rave rahi mau taime, e rohirohi o Jonathon e e faaeaea oia, e ite râ oia te taea‘e Lauwson ia tamau noa i te rave i te ohipa. E ma te ataata ua parau oia o taea‘e Lawson « mea maitai roa ia nehenehe ia tauturu, e ere anei ! »
Ua ite o Jonathon i te hoê tauiraa i roto ia’na. Ua mana‘o ihora oia e « mai te mea e nehenehe ta te taea‘e Lawson e oaoa ia tauturu anae oia e nehenehe atoa ia ta‘u », ua haamata ihora oia i te rave puai atu â i te ohipa.
I muri ae, a ho‘i atu ai ratou i te fare, ua parau atu to’na metua vahine « mauruuru i te haereraa mai na muri iho ia‘u ».
« Aita e peapea », ua parau atu o Jonathon. « Te tatarahapa nei au i to‘u mutamuta raa no te haere mai, aita vau i ite e e nehenehe ta oe e haapii mai na roto i te faaote raa i te repo ».