TE PARAU

A parau i te mau parau o te faateitei, o te faaitoito e o te faafaahiahia ia vetahi ê. A faaohipa i te i‘oa o te Atua e o Iesu Mesia ma te tura e te faatura. Eiaha e parau i te mau parau faufau, te mau parau ino, aore râ te mau parau e te mau peu faufau.

« Ua riro te paraparauraa te maa no te mau tau‘araa parau i rotopu i te mau hoa. E nehenehe te reira i te mea oaoa. E nehenehe te reira e riro ei ohipa hauti. E nehenehe te reira e riro ei ohipa mau. E nehenehe te reira e riro i te mea arearea. Eita râ te reira e ti‘a ia riro ei parau ti‘a ore, e parau ino, e parau haavare mai te mea ua riro mau te hoê taata ei pĭpĭ mau na te Mesia…

« [Te taata] atoa o te faaohipa i taua huru mau parau ra, te faaite mai râ ïa oia e e mea vêvê roa oia i roto i ta’na mau parau. Aita oia e oaoa ra i te nehenehe o te reo e nehenehe ai ia’na ia parau maitai ma te tuhi ore aore râ te faaohiparaa i te mau parau ino…

« Eiaha e horeo. Eiaha e tuhi. A ape i te mau parau arearea huru faufau. A faatea ê atu i te mau paraparauraa tei î i te mau parau hauti e te mau parau faufau. E rahi atu to outou oaoa mai te mea e na reira outou, e na to outou hi‘oraa maitai e haapuai ia vetahi ê ».

Peresideni Gordon B. Hinckley (1910-2008), « Take Not the Name of God in Vain », Ensign, Novema 1987, 48.