Faamatalaga

O Mai i le Malumalu

Faafetai lava mo le autu matagofie o loo i le Liahona o Oketopa 2007 e uiga i talafaasolopito o aiga ma le auai atu i le malumalu. E tasi le vaiaso talu ona maua e tagata o le au paia le Liahona, ae ua faatoluina gaoioiga iinei i le nofoaga autu o talafaasolopito o aiga. Ou te iloa na mafua lenei mea ona o tusiga o le Liahona i lena masina. O nisi taimi e manaomia ai le na o le faamanatu i tagata o le au paia e tatau ona fai sauniga o le malumalu mo o latou tuaa. Faafetai lava, aua ua fesoasoani le Liahona ia te au ma isi e atili auauna malolosi ai i le Alii.

Anderson Nascimento, Pasila

Mai Mea Iti

O loo ma mulimuli i le fautuaga a Epikopo Keith B. McMullin lea na tuuina mai i lana saunoaga i le konafesi aoao ia Aperila 2007, “Ia Faaputu Ai Fua,” e ala i le tuueseina o sina tupe, e tusa lava pe na o ni nai sene i vaiaso taitasi. Ua ma iloa o le a faataunuuina le folafolaga a le Alii, e pei ona tau mai e o tatou taitai—e faapea “o mea iti foi e tutupu mai ai mea tetele” (MFF 64:33).

Ricardo ma Mireya Merchan, Kolomupia