Mga Ideya sa Family Home Evening

Kining mga sugyot sa pagtudlo mahimong gamiton sa klasehanan ingon man usab sa panimalay. Mahimo ninyong ipahaum kini nga mga ideya sa inyong pamilya o klase.

“Unsa ang Kahulugan sa Pag-ula para Kanimo?” p. 14: Dapita ang mga sakop sa pamilya sa pagpaambit sa tanan nga ilang nahibaloan mahitungod ni Nephi. Pangutana kon ngano nga sila nagtuo nga siya malipayon bisan og siya nakasinati og malisud nga mga pagsulay (tan-awa sa 2 Nephi 5:27). I-summarize ang seksyon “Kalipay pinaagi sa Pag-ula.” Hisguti kon sa unsa nga paagi gidumala ni Nephi ang iyang mga problema ug sa unsa nga paagi nga ang iyang pag-atubang niini magamit sa inyong pamilya. Tapusa pinaagi sa pagbasa sa katapusang duha ka mga paragrap sa artikulo.

“Pagkat-on ug mga Santos sa Ulahing mga Adlaw,” p. 26: Sa sayo pa, basaha ang artikulo ug pilia ang mga paragrap nga labing makahuluganon sa inyong pamilya. Hangyoa ang mga sakop sa pamilya sa pagbasa sa pinili nga mga paragrap ug hisguti unsay ilang nabasa. Tapusa pinaagi sa pagbasa sa katapusang duha ka mga paragrap sa artikulo.

“Ang mga Saad sa usa ka Propeta,” p. H6: Human mabasa ang artikulo, ipapataka og abli sa mga sakop sa pamilya ang ilang mga kasulatan ug ipasulay sa pagbasa ang usa ka bersikulo nga balihon. Hisguti kon sa unsa nga paagi nga ang kanunay nga pagbasa sa mga kasulatan makapanalangin sa matag sakop sa pamilya. Basaha pag-usab ang saad nga gihatag ni Presidente Ezra Taft Benson (tan-awa sa sinugdanan sa artikulo), ug paghimo og tumong sa pagpadayon sa pagbasa og dungan sa mga kasulatan kanunay.

“Ganahan nga Makat-on,” p. H12: Dapita ang mga bata sa pagpulipuli og drama sa usa ka propesyon nga dili mosulti, ug ipatag-an sa uban kon unsa kini. Hisguti kon unsay gikinahanglan nga makat-unan sa mga sakop sa pamilya aron makatrabaho niana nga propesyon. Basaha ang istorya. Ilha ang mga butang nga kinahanglan nga mahibaloan ni Russell sa dili pa siya makakat-on mahitungod sa mga dinosaurs. Tapusa pinaagi sa pagbasa sa Doktrina ug mga Pakigsaad 88:118.