Pagkat-on gikan ni Propeta Joseph
Sue Barrett, Mga Magasin sa Simbahan
Usa sa among paborito nga mga family home evening mao ang pagdrama sa istorya ni Joseph Smith ug sa Unang Panan-awon. Akong isugilon ang istorya; dayon ang akong mga apo modrama niini, modala sa mga papel sa mga tigsangyaw ug ni Joseph Smith. Magdrowing ako og mga papel nga kahoy nga morepresentar sa kakahoyan ug ipapilit nako sa bong-bong sa suok sa kwarto, mohimo og mga poster nga nag-ingon “Tigsangyaw” alang sa mga tigsangyaw, ug magbutang og lingkuranan ug Biblia para tun-an ni “Joseph.”
Ang kada mga tigsangyaw moingon ni Joseph, “Ang akong simbahan mao ang sakto. Apil sa akong simbahan, Joseph.” Ug si Joseph mitubag, “Ambot lang,” o, “Hunahunaon pa nako kana.” Human ang tanang mga tigsangyaw makigsulti ngadto kaniya, si Joseph milingkod sa lingkuranan ug mibasa sa Santiago 1:5 pagkusog. Dayon miadto siya sa “kakahoyan” ug miluhod ug nag-ampo. Walay midala sa mga papel sa Langitnong Amahan o ni Jesukristo, ug kaming tanan nagmatinahuron sa dihang ang matag “Joseph” miadto sa kakahoyan aron mag-ampo. Ang matag bata adunay turno nga mahimong tigsangyaw ug mahimong Joseph.
Sa dihang naghisgot kami kon unsay nakat-unan ni Joseph Smith sa Unang Panan-awon, kon sa unsang paagi makakuha og mga tubag sa atong mga pag-ampo bisan og dili kita makakita og mga panan-awon, ug sa unsa nga paagi nga ang mga kasulatan makagiya kanato.