Faamatalaga

E Taitai Atu Ai i Tatou i le Ala Sa’o

E tusa ua tasi le tausaga talu ai na papatisoina ai a’u, ma ou te faafetai lava i le Alii mo le auina mai o faifeautalai i lo’u fale. Faafetai i tusitusiga paia ma aoaoga a perofeta ua lomiaina i le Liahona, ua mafai ai ona ou malamalama atili i le olaga lenei ma le alofa o le Atua mo a’u ma lo’u aiga. O tusitusiga paia ma aoaoga o le talalelei o loo i le Liahona ua faamalosia ai la’u molimau, fesoasoani ia ou tuputupu ae, ma fafagaina ai lo’u agaga. Ou te faamalosiau atu i tagata uma e faitau le Liahona; tatou te latalata atili atu ai i lo tatou Tama ma taitai atu ai i tatou i le ala sa’o.

Stephanie Acosta, Iurukuei

Ua Faaali Mai e le Faaola ia i Tatou le Ala

Ou te faafetai mo le Liahona, aemaise lava le lomiga e faatatau i le Faaola (Mati 2008). Ua musuia ai au ma faamalosia ai la’u molimau ia te Ia. Na Ia faia mea uma mo i tatou. Na ia faia le faataitaiga atoatoa o auala tatou te ola ai i lenei lalolagi, auala e faafoia ai faafitauli, ma auala e tumau mausali ai i le tausiga o poloaiga. Ou te matua faafetai lava mo le Faaola. Ou te iloa o loo soifua o Ia. E naunau o Ia i taimi uma e faamafanafana i tatou ma faaali mai ia i tatou le ala. Na pau lava le mea e tatau ona tatou faia o le o mai ia te Ia.

Nenetha C. Ybañez, Filipaina

Faamolemole auina mai lou finagalo faaalia po o fautuaga i le [e-mail]. O tusi e lomiaina e ono toe fetuunai mo le uumi po o le manino.