Manatu mo Afiafi Faaleaiga

O nei fautuaga faaleaoaoga e mafai ona faaaoga i potuaoga faapea foi i le aiga. E mafai ona e fetuunaia nei manatu i lou aiga po o le vasega.

“Tatalaina o le Lagi,” i. 16: A maea ona otootoina le tusiga mo lou aiga, ia palepalealuga pe mafai faapefea ona fatuina e lou aiga se siosiomaga paia i le tou fale. Afai e le o faia e lou aiga i le taimi lenei, taumafai loa e faaaoga le fautuaga na tuuina mai e Elder Yoshihiko Kikuchi. Fefaasoaai o outou aafiaga i le vaiaso a sau.

“O le Puipuia mai Lagona Matautia mai Totonu,” i. 22: Tuu atu i tagata o le aiga ni poloka. Ao e faamatalaina le tala, ia latou fausiaina se puipui e faatusa i le puipuiga o le aiga. Talanoaina mea e mafai ona outou faia e faamalosia ai puipui faaleagaga o lo outou aiga. Ia faia se lisi o “ala faalilolilo” e ono taumafai le fili e faaaoga, ma talanoaina pe faapefea ona puipuia outou mai osofaiga. Faitau le vaega “Puipuia o o Tatou Aiga,” ma faaiu ai i le faitau o le upusii a Elder L. Tom Perry.

“Paia Tele?” i. 37: Otooto le tala, ma ia faailoa mai e tagata o le aiga pe na faapefea ona suia Ian ina ia faamalosia ai lona faatuatua. Ia faatatau atu i le palakalafa e lona lua mai le palakalafa mulimuli, ia talanoaina pe faapefea ona fesoasoani le fautuaga a Ian i lou aiga ia “avea e pei [o tagata] e finagalo ai Iesu ia i tatou—paia.”

“Tagata Ua Avea ma Faataitaiga Lelei,” i. 38: Amata i le fesili atu i tagata o le aiga e lisi mai tagata ua avea ma faataitaiga lelei ia i latou pe tusi mai se ata o se tagata latou te faamemelo i ai. Faasoa atu faataitaiga o tagata ua avea ma faataitaiga lelei mai le tusiga a Elder Benson E. Misalucha, ma talanoaina uiga e tatau ona i ai i se tagata ua avea ma faataitaiga lelei. Faaiu i le faitauina o parakalafa mulimuli e tolu o le tusiga.

“O Le Sola Ese o Iasoni,” i. U10: Ia faia se faataitaiga a lou aiga o le sosola ese mai se afi, ma faapotopoto i se nofoaga ua uma ona faailogaina i fafo (e mafai ona e faaili pe ta se logo e faailo ai). A maea, fesili atu i lou aiga pe na faapefea ona fesoasoani le logo faailo e iloa ai e i latou le taimi e sosola ese ai. Faitau le tala. Fesili atu po o a ituaiga tulaga matautia faaleagaga e ono fetaiai ma tagata o le aiga. Faitau le upusii a Peresitene Henry B. Eyring, ona talanoaina lea pe faapefea ona fesoasoani le faatuatua ma le Agaga Paia ia i tatou e iloa ai le taimi tatou te sosola ese ai.