E Pae Hiero Apî i faaarahia i roto i te Amuiraa

Ua iriti te Peresideni Thomas S. Monson i te 179raa o te Amuiraa Rahi Afa Matahiti a te Ekalesia i te Mahana Maa e te Sabati 3 e te 4 no atopa 2009, na roto i te faaararaa i te vahi e patuhia ai e pae hiero apî i Brigham City, Utaha, USA; Concepción, Chili; Fortaleza, Berezilia; Fort Lauderdale, Floride, USA; e i Sapporo, Tapone.

Ua faaroo te mau melo na te ao atoa nei i te amuiraa i roto e 92 reo i roto i te Pu Amuiraa e na roto i te haapurororaa afata teata, te peeutari, te itenati e te ratio. E hamanihia te DVD e te CD e i ni’a atoa i te itenati, no taua haapurororaa ra.

E 21 ïa hiero i teie nei tei faaarahia e aore ra te patuhia nei. Ia oti te reira e 21 hiero i te patuhia, e tae’ahia ïa e 151 hiero i te ao nei.

« Te tamau noa nei tatou i te patu i te hiéro », te parau ïa a te peresideni Monson. « Te hinaaro nei matou ia tae te mau melo e rave rahi i te hiero ma te ore e ratere atea ».

Te hiero i Brigham City o te 14raa ïa o te hiero i Utaha; e piti hiero, te hiero no Draper Utah e Oquirrh Mountain Utah, tei haamaitaihia aita i maoro a’e nei i teie matahiti.

14 hiero i tere nei i teie nei i Amerika Apatoa. Te hiero no Conception, Chilie, te pitiraa ïa o te hiero i Chilie.

Te hiero i Fortaleza, Berezilia, o te hituraa ïa o te hiero i Berezilia. I te ava’e me 2007 ua faaarahia te hoê hiero no Manaus, e pae hiero e tere i teie nei.

Te hiero i Fort Lauderdale, Floride, o te piti ïa o te hiero i Floride, no te tavini i te mau melo i Floride Apatoa e no Bahamas.

Te hiero no Sapporo Tapone, o te toru ïa o te hiero i roto i te reira fenua, i muri iho i te hiero no Tokyo e no Fukuoka.

Ua parau faahou mai oia e, « E haere noa taua faito ra i te rahiraa na roto i te paturaa tatou i te mau hiero apî ati a’e te ao nei ».