Aomata ake a Ungannano ao ni Mwakuri korakora n te Tembora
Kawakina tamnein te tembora n am auti are ana kona n nooria iai ataei. Reireiniia aron boonganan ana auti te Uea.
Te tembora bon te kanikinaa ae mimitong ibukin kainakin te aro
Ai mimitongira bwaai aikai ibukira ni karekea te tai nakon te tembora ibukin oin kakabwaiakira. Imwiin nakora nakon te tembora ni karekan oin kakabwaiakira, ai mimitongira te tai ni karaoa te mwakuri ibukiia naake a tia n rimoara. Te itera ni mwakuri n te tembora bon te mwakuri ae akoi. E ngae n anne ti karaoi mwakuri n te tembora ibukiia aomata tabeman, iai kakabwaia ake a okirira. Ma e bon riai n aki kamimi nakoia bwa te Uea iai nanona bwa Ana aomata ana riki bwa aomata aika a ungannao ao ni mwakuri korakora n te tembora.
Bon te Uea are Ngaia are, inanon Ana kaotioti nakoira, are a tia ni karaoi kanikina aika a mimitong n te tembora ibukiia membwa n te Ekaretia. Iangoi aroaroia aika a raraoi are te Uea e kaotia bwa ti riai ni karikirakea te reirei are e E anga nakoia Aomata aika Itiaki i Kirtland rinanon te Buraeti ae Iotebwa Timiti ngke a katarauraoi ni katea te tembora. Te reirei aei e bon teimatoa kabonganakina:
Te Uea e tuangiia Aomata aika Itiaki bwa ana bairei aroia; ni katauraoi ibukin bwaai aika a kainnaonaki; ao ni katea te aut, auti n tataro, auti n aki mamatam, te aut n onimaki, te auti n reirei, te auti ae mimitong, te auti ae baireaki raoi, ana auti te Atua (Doctrine and Covenants 88:119). Aroaro a anua aikai a kaota raoi bwaai ake ti tangirii ao ni kakaai n tatabemaniira ni kani karaoi?
Ara mwakuri ni kabane n te Ekaretia e kairiira nakon te tembora ae tabu
Korakorara ni kabane n tataekinan te euangkerio, kakororaoaia Aomata aika a Itiaki, ao kamaiuaia maate e kairi nakon te tembora ae tabu. Aio ibukina bwa otenanti n te tembora a bon rangi ni kakaawaki; ti aki kona n oki nako matan te Atua n aki karaoi.
Te koaua, te Uea e tangiria Ana aomata bwa aomata aika ungannano ao ni mwakuri korakora n te tembora. Bon te nano ae korakora inanou karekeiaia membwa n te Ekaretia bwa ana kororaoi n nakon te tembora. N na onimakinna bwa ni kabane membwa a kororaoi—ao n uota—te beebwa ni kariaiakaki nakon te tembora e ngae ngkana e a uakaan te nakon te tembora e aki kariaia waekoan ke kabonganaakina n tabetai.
Te tembora e tabu iroun te Uea; e riai n tabu nakoira
Ti na riki bwa aomata aika a nanakon te tembora ao aomata aika a tatangira te tembora. Tina kawaekoaira nakon te tembora n reken te tai ao nakon ara kariaia i bon iroura. Ti na aki tii nako ibukiia ara utu ake a tia ni mate, ma ti na nako ibukin tekakabwaia ae onoti man te taromauri n te tembora, ibukin te itiaki ao te kamanoaki are e katauraoaki rinanon te oo are e tabu man kakabwaiaaki. Te tembora bon te tabo ae tamaroa, te tabo ni kaotioti, te tabo n rau. Bon ana auti te Uea. E tabu iroun te Uea. E riai n tabu nakoira.
Kariaia bwa ti na tibwaua ma natira te namakin n te maiu n tamnei are ti karekea n te tembora. Ao kariaia bwa ti na reireiniia ao ni kamwengaraoia riki ni bwaai ake ti kona n taekini ibukin raoi ana auti te Uea. Kaawakina tamnein te tembora n am auti are ana kona n nooria am ataei. Reireiniia kakaawakin ana auti te Uea. Kairiia bwa ana bairei ma aia ririki ni uarerekeia bwa a na nako ikekei ao n teimatoa ni kororaoi n te kakabwaia anne.
E kakukurei nakon te Uea ngkana ti nako ma te kororaoi nakon te tembora
E kakukurei iroun te Uea irouia te roronrikirake bwa ana kororaoi n nakon te tembora ao ni karaoi bwabetiito aika a tamaroa ibukiia naake a aki reke aia tai ni bwabetiitoaki ni maiuia ae mamate. E kakukurei iroun te Uea ngkana ti kororaoi n nakon te tembora i bon iroura ni karaoi ara berita ma Ngaia ao ni kabaeaki bwa taanga ao bwa utu. Ao e kakukurei nakon te Uea ngkana ti kororaoi n nakon te tembora ni karaoi otenanti aika tii te arona ibukiia naake a tia ni mate, a mwaiti ake a ingainga nanoia n tataninga katiaan otenanti aikai ibukiia.
Karekean te tembora ni koaua bwa te kanikina nakoira, ti riai n tangiria bwa e na riki. Ti riai ni maiu ni kororaoi n rin n te tembora. Ti riai ni kaawakin ana tua te Uea. Ngkana ti kona ni katamneia maiura imwiin te Mwatita, ao ni karekei Ana reirei ao ana banna ni katooto bwa te banna ae kakannato ibukira, ti na bon kunea kangangan te kororaoi n rin n te tembora, n riki n reitinako ao onimakinaki ni katoa mwananga inanoni maiura, bwa tina kabaeaki nakon teuana, kainibaire n anua aika a tabu ao koaua. Tao ni mweengara ke inanon taabo ni mwakete, tao n te reirei ke ngkana ti a bwaka nako ma te reirei, ke tao ai bon ti ngaira ke inanon kaotioti ao ni kairaki irouia aomata tabeman, kawaira e na rangi ni itiaki ao ara kainibaire e na bon ootara.
Te konabwai n tei iaon ana tua temanna, ni maiu ma te tamaroa ao te onimaki ni kaineti nakon ana onimaki temanna—anne ae bon warekaki. Te kabaeaki nakon te moan tua ae koaua—inanon maiura n tatabemaniira, ni mweengara ao ara utu, ao ni kabane taabo ake ti kaitibo ao n riingiia aomata tabeman—te kabaeaki anne bon ana kabanea ni bubuti te Atua nakoira. I kainnanoa te berita—bwaninin te nano, ae kamatoaaki, te berita ae karineaki ae akea tokina nakon te moan tua are ti ataia bwa e koaua n ana tua te Atua are e anga. Ngkana ti kona ni koaua ao ni kakaonimaki nakon ana reirei te Uea, ngkanne ti na teimatoa ni kororaoi n te tembora, ao te Uea ao Ana tembora ae tabu e na korakora ana kanikinaa n rikira ngaira bwa ana reirei Ngaia.
Te Tembora are i Kirtland. Katabuaki Maati 27, 1836.
Logan Utah Tembora. Katabuaki ni Meei 17, 1884. Manga katabuaki Maati 13, 1979.