Bwaai aika a Kaineti nakon te Auti Aei
Te nei ni bwabetito n te tembora e toka iaoia tengaun ma uoman kao (noora 2 Rongorongo 4:2–4), te kanikanaa ae e tei ibukin tengaun ma uoman baronga mai Iteraera. N irirakin ana banna ni katotoo te Tia Kamaiu ni ibuobuoki ibukiia aomata ae aki onoti, ti kona ni karaoi mwakuri ni bwabetito ibukia ara bakatibu ake a tia ni mate n aki karekea te otenanti aio.
Inanon taian ruu ibukin otenanti e a tia ni katauraoaki te kabwarabwara ibukin ana babaaire te Atua ibukiia Natina. Aomata aika Itiaki ni Boong aika Kaitira a reiakinaki maiuia imwaain te maiu aei ao maiuia n rabwata, karikan te aonaaba ao Bwakan te aomata, ana mwakuri ae rangin kakaawaki Iesu Kristo ngke te Tia Kabooi maiuia natin te Atua ni bane, ao taian kakabwaia aika a kona ni karekei n te maiu are imwiina.
Te ruu are Tiretio e kanikinaea te karietataaki ao te aro ae rau bwa ni kabane a kona ni karekea rinanon maiuakinan ana euangkerio Iesu Kristo. Te ruu aio e tei ibukin te namakin ae kakukurei, te rau n nano, ao te rau ae tauraoi nakoia utuu ae akea tokina ni mweengan Tamara are i Karawa ao Natina, Iesu Kristo.
Inanon te ruu ni kabaeaki, te tia mare te aine ao te tia mare te mwaane aki tii mareaki ibukin te maiu aei ma ibukin naba te maiu are akea tokina.
Wintoo kiraati aika a kara, Nauvoo Illinois Tembora (raroa maing).
Nei ni Bwabetito, Draper Utah Tembora.
Nei ni Bwabetito, Te Gila Valley Arizona Tembora.
Te ruu n otenanti, Manhattan New York Tembora.
Te ruu n otenanti, Newport Beach California Tembora.
Te ruu ae Tiretio, San Antonio Texas Tembora.
Kaintamarake ae Bubura, Oquirrh Mountain Utah Tembora.
Taibora te kai ae katamaroaaki, Mexico City Mexico Tembora.
Te ruu ni Kabaeaki, Vancouver British Columbia Tembora.