Feia apî

Ua Faaite mai Oia ia Tatou i te E‘a no te Ho‘i Atu i te Fare

« Ua haere mai te Faaora i te fenua nei no te faaite ia tatou nahea ia ora i te faanahoraa tei papa‘ihia i te ra’i – te hoê faanahoraa o te faaoaoa ia tatou mai te mea e haapa‘ohia. Ua faaite mai To’na hoho‘a ia tatou i te e‘a no te ho‘i atu i to tatou Metua i te Ao ra. Aore roa e taata ê atu tei ora ‘ma te tamau maite e te aueue ore’ (Mosia 5:15). Aita roa’tu Oia i hahi ê. Ua haapuai oia i te raveraa i te hinaaro o te Metua, e ua vai parau-ti‘a noa oia i Ta’na misioni hanahana.

« E tufaa outou no taua faanahoraa faahiahia tei hohorahia i roto i te mau ao matamua. Ua tia’ihia to outou haereraa mai i ni‘a i te fenua mai te taime ua fariihia te faanahoraa. Aita to outou ti‘araa i roto i te tau e te vahi i riro ei ohipa tei tupu noa mai. Na ‘to outou faaroo rahi e ta outou ohipa maitatai’ (Alama 13:3) i haamau i te niu no te mea ta outou e nehenehe e rave i teie nei mai te mea e tamau outou e e haapa‘o outou… E ohipa rahi ta outou no te rave. Ia nehenehe ia outou ia rave i ta outou misioni hanahana e ia ora i te faanahoraa no te oaoa, e ti‘a ïa ia outou ia tamau noa e ia aueue ore noa ».

Elaine S. Dalton, peresideni rahi no te Feia Apî Tamahine, « I te mau Taime atoa, i te mau Mea atoa, e i te mau Vahi atoa », Liahona, Me 2008, 116.