Te mau Parau Apî Poto no te Ao nei
Fariiraa te Ekalesia i te mau Tapa‘opa‘oraa no te Ivaraa o te Tata’uraa no te Ohipa Rima î na te Ao nei
E hamani te Fare Manaha no te Aamu o te Ekalesia i te mau parau Tapa‘opa‘oraa no te Ivaraa o te Tata’uraa no te Ohipa Rima î na te Ao nei e roaa i ni‘a i te itenati i te 4 no eperera 2011. E mea ti‘a i te mau tapa‘opa‘oraa no te tata’uraa ia haponohia na ni‘a i te itenati e aore râ na te fare rata i te 7 no atopa 2011. Te tumu parau o te tata’uraa i mua nei oia ho‘i « a Faaite atu i Ta’na mau Ohipa Maere » (PH&PF 65:4) No te tahi atu mau haamaramaramaraa na roto i te reo Peretane e aore râ no te hi‘o i te ohipa i ma‘itihia no te mau tata’uraa i ma‘iri, a haere atu i ni‘a i te lds.org/churchhistory/museum/competition.
Te mau Aamu no te Faufaa Apî i Teie Nei i roto i te Ohiparaa
No te patururaa i te faanahoraa haapiiraa no te Faufaa Apî no 2011, te mau video no roto mai i te buka ra Te mau Aamu o te Faufaa Apî e teata hauti ïa i teie nei na roto i te faaohiparaa i te rave‘a tei piihia parallax E roaa na 65 video na roto i te reo peretane e te mau haruharuraa faaroo MP3 no te video tata‘itahi i roto i na 11 reo i ni‘a LDS.org E roaa te mau video ‘parallax’ na roto i te mau reo tata‘itahi i te roaraa no 2011. E hi‘o i te mau video i ni‘a i te scripturestories.lds.org e a ma‘iti New Testament Stories.
Ua fafau te feia apî tamaroa no Bangalore no te Hopoi‘a i te Atua
Hau atu i te 30 feia apî tamaroa no te mataeinaa no Bangalore i te fenua Initia tei amui mai i ni‘a i te mau aivi no Kanakapura no te haapii mai no ni‘a i te faanahoraa no te Hopoi‘a a te Atua apî e te haapiiraa mai i te mau haapiiraa pae varua no roto mai i te mau ohipa paari no te pae tino. Ua faaohipa te feia apî tamaroa i te rave‘a o te hoê porotaa e te taura no te haere atu i te tahi pae o te hoê roto. Ua haere ratou i te hoê horohororaa i te po‘ipo‘i roa, te paumaraa i te hoê mou‘a, e te haapiiraa no te pouraa mai. Ua opanihia te faaoaoaraa na roto i te hoê rururaa no te iteraa papû.
A hi‘o e a faaroo i te mau aamu o te Faufaa Apî i roto i te û haviti mau e te paraparauraa i ni‘a i te scripturestories.lds.org.