Mau Mana‘o no te Pô Utuafare

I roto i teie papa‘iraa te vai nei te mau parau e te mau ohiparaa o te nehenehe e faaohipahia no te pô utuafare. Teie i muri nei te tahi mau hi‘oraa.

« Te haamana‘o-tamau-raa Ia’na », api 20 : A feruri ia aparau i te utuafare i te a‘o a Elder Christofferson « E haamata tatou na roto i te iritiraa i te mau mea atoa i rapae i to tatou oraraa e a faaho‘i faahou atu ai i te reira ma te faanaho ia au i te faufaaraa ma te tuu i te Faaora i ropu ». A aparau atu i te tahi o te mau haamaitairaa i faahitihia e Elder Christofferson e tae mai mai te mea e, « e haamana‘o tamau noa tatou i te Faaora ».

« Te mana o te mau papa‘iraa mo‘a », api 52 : I muri iho i te tai‘o-amui-raa i teie irava, a ani i te mau melo o te utuafare ia faaite mai i to ratou mau mana‘o no ni‘a i te tai‘oraa i te mau papa‘iraa mo‘a e te haereraa i te seminaire. A ani ia ratou ia papa‘i i roto i ta ratou buka aamu i to ratou iteraa papû no ni‘a i te mana o te mau papa‘iraa mo‘a. A faaitoito i ta outou mau tamaraii ia tuatapapa e ia tamau aau i te mau papa‘iraa mo‘a tumu.

« Te Arai o Iesu Mesia », api 56 : A tai‘o amui ai outou i te irava, a ani i to outou utuafare ia faaroo maitai i te faufaa rahi o te hoê arai. A ani ia ratou eaha te tupu ahiri e aita te arai i tauturu i te taata i roto i te tarahu. E nehenehe atoa ta outou e tai‘o i te mau papa‘iraa mo‘a e ia tau‘a parau e nahea te Faaora e riro ai ei arai no outou. A tai‘o 2 Nephi 2:27–28 e Alama 42:24–25.

« Ia ahu mai te taatoaraa », api 70 : A ani i te mau melo o te utuafare ia ahu i te hoê ahu toro‘a e aore râ ia faariro ei hoê taata ê atu. A horo‘a i te taata tata‘itahi i te taime no te faaite o vai ratou. I muri a‘e i te tai‘oraa i te aamu, a faataa e, noa’tu te huru o te ti‘araa ta tatou e hauti ra, e tamarii hoa tatou na te Atua.

Mau Taime Oaoa e te mau Taamuraa Mure Ore

I te na‘ina‘iraa o ta’u mau tamarii, e mea au na ratou e hauti i te tahi mau hauti i muri a‘e i te pureraa pô utuafare. Hoê o ta ratou mea au roa, ua parauhia ïa e « Trunky te Elefani », e i‘oa ïa no te hoê himene a ta maua tamahine o Jocelyn, i haapii i te fare haapiiraa. I muri iho i to matou himene amuiraa i te himene, e riro vau o Trunky e pai‘uma te mau tamarii i ni‘a i to’u tua. Na mua roa, e tauma ta’u tamaiti e piti matahiti o Jorge ; i muri iho ta’u tamahine e maha matahiti o Jocelyn ; e te hopea to’u hoa faaipoipo o Elizabeth. Ratou taatoa e toru i ni‘a i to’u tua, e faaori haere au ia ratou na roto i te piha faafaaearaa. Ua oaoa roa matou.

I te mau matahiti i muri mai, ua paari ta’u mau tamarii e te tia’i atoa ra i ta ratou piiraa no te misioni. I roto i te hoê o te pureraa pô utuafare, ua haamana‘o ratou ia « Trunky te Elefani ». Ua himene amui matou i te himene ; i muri a‘e i te faafaaearaa e rave rahi matahiti, ua riro faahou vau ei elefani. Na mua ta’u tamaiti i te pai‘umaraa i ni‘a i to’u tua, i muri iho ta’u tamahine e te hopea to raua mama. I te hopea ua perehi au i raro i ni‘a i te tahua, e ua ata matou paatoa.

Ua riro te haamana‘oraa i taua mau taime ra ei faaoaoa ia matou o ta te mau peropheta i haapii mai ia tatou no ni‘a i te mau pureraa pô utuafare. Ua haapii mai tatou e noa’tu te ohieraa o ta tatou mau pureraa pô utuafare, te mea faufaa roa ra oia ho‘i te vai ra te mau taime oaoa e to tatou mau utuafare, te mau taime o te haapuai i to tatou auraa mure ore.

Víctor G. Chauca Rivera