Mana‘o
E Amo Oia i ta Tatou mau Hopoi‘a
E mea au roa na’u teie ve‘a e te mau mea atoa e vai ra i roto. E mea au roa na’u te mau parau a te mau Hui Mana Faatere Rahi, te mau a‘oraa ihoa râ o te amuiraa. Te haapii nei ratou ia tatou e te faaitoito nei ia tatou ia haere i mua, noa’tu te mau tamataraa.
E 26 matahiti to’u riroraa ei melo no te Ekalesia, e ua tai‘o vau i te mau ve‘a atoa o te Liahona. Ua tai‘o pinepine au i te mau ve‘a i ma‘iri, e hoê papa‘iraa o ta’u i here taa ê roa oia ho‘i « Te aroha mau o te Fatu », na Elder David A. Bednar (Me 2005, 99). Ua tauturu te reira ia‘u ia haamana‘o noa e mea pinepine to te Metua i te Ao ra faaiteraa i To’na aroha rahi e te amoraa i ta tatou mau hopoi‘a.
Iolanda Valenti, Italia
No ô mai i te Fatu ra te mau Haapiiraa
Te mauruuru nei au i te mau ava‘e atoa ia farii i te mau parau a te mau peropheta ora. Ua ite au e ta ratou mau haapiira no ô mai ïa i te Fatu ra e e haamaitai te reira i to’u oraraa mai te mea e faaohipa vau i te reira. Te tai‘oraa i te mau iteraa rau o te Feia Mo‘a na te ao nei, e haapuai te reira i to’u faaroo e to’u iteraa papû no te mea ua haapii mai au i te mea ta vetahi ê i rave no te faaoti i ta ratou mau hopoi‘a.
Byron David Calderon Mosquera, Equateur