Te mau Mea Iti e te Ohie

2011

Eperera 2011

Te mau Mea Iti e te Ohie

« E na roto i te mau mea iti nei e tupu mai ai tei rahi roa ra » (PH&PF 64:33).

Te Haapiiraa mai roto mai i te Amuiraa Rahi

Ua paari ta maua mau tamarii i teie nei e e fare e e utuafare to ratou, ua ite râ matou i te hoê rave‘a faahiahia no te haapii amui mai roto mai i te mau parau a te mau peropheta. I roto i te ava‘e i muri i te mau amuiraa rahi atoa, e tai‘o vau i te mau a‘oraa i ni‘a i te www.conference.lds.org e e ma‘iti au i te mau faahitiraa parau o te horo‘a i te e‘a, te arata’iraa, e te tamahanahanaraa. Ua navai rahi te mau faahitiraa parau ta’u i iriti mai e te vai nei te hoê faahitiraa parau no te mahana tata’itahi no na ava‘e e ono i mua. (‘Ei hi‘oraa, i te ava‘e Eperera, ua itea ia’u te hoê faahitiraa parau no te 1 no Me–31 no Atopa). I reira e horo‘a vau i te mau hoho‘a no teie nei mau faahitiraa parau i te taatoaraa o ta maua mau tamarii.

Ei tautururaa i ta ratou iho tai‘oraa i te mau amuiraa, e riro pinepine teie mau faahitiraa parau no te mahana hoê ei tau‘araa parau i rotopu i te mau melo no te utuafare. E ohipa faahiahia mau i te tai‘o faahou i te a‘o a te mau peropheta i roto i te mau ava‘e i muri mai i te amuiraa rahi, noa’tu e e rave rahi mau maile e faataa ê ra ia matou te tahi e te tahi.

Christine Tippetts, Utah, USA

Haapiipiiraa a te Pû Tauturu Imiraa Ohipa a te Ekalesia

Te horo‘a nei te Pû Tauturu Imiraa Ohipa a te Ekalesia i te hoê haapiipiiraa no te tauturu i te feia e imi ra i te ohipa, o te hinaaro ra e haere i te hoê fare haapiiraa aore râ e haamata ra i te hoê imiraa ohipa. E tauturu te haapiipiiraa i te mau taata ia faataa i te mau fâ a to ratou toro‘a ohipa e ia faatupu i te ti‘aturiraa i roto i to ratou aravihi i te manuïa. Ua faanahohia teie haapiipiiraa ei haapiiraa, aparauraa, faaitoitoraa e oaoaraa. Te feia o te faaohipa i te mea ta ratou i haapii mai i roto i te haapiipiiraa e mea pinepine ïa ratou i te itehia te ohipa i roto i te taime poto roa.

Te vai nei i roto i te haapiipiiraa te mau parau tumu mai te iteraa i te mau fâ no te toro‘a ohipa, te imiraa i te mau rave‘a ia tupu ta’na mau fâ, te papa‘iraa i te mau parau haamaramaramaraa no ni‘a ia’na iho e te manuïaraa i roto i te hoê toro‘a ohipa apî.

No te ite i te vahi e tupu ai te haapiipiiraa, a ani i to outou episekopo aore râ peresideni amaa aore râ a haere atu i ni‘a i te www.ldsjobs.org e a pata atu i ni‘a i te « A imi i te hoê Pû ».

I te pae aui: hoho’a na Paul Mann; Parau rii no to Setephano hopo’iraa i te mau parau papa’i ia Iosia ra, na Robert T. Barrett © 1990, eiaha e tapitihia; to Moromona haapotoraa i te api veo, na Tom Lovell © IRI; Davida e Golia, na Steve Nethercott, eiaha e tapitihia; Hi’oraa tahito/fafauraa apî, na Jeff Ward