Elder Carl B. Cook

O Le Fitugafulu

A o avea o ia o se faifeautalai talavou i le Misiona e Aoao ai le Gagana (lea e tupuga mai ai le Nofoaga Autu e Aoao ai Faifeautalai), e sauniuni ai e alu i Hamburg, Siamani, sa tauivi Carl Bert Cook e aoao le gagana Siamani. A o ia taumafai ia malamalama i le vaogagana faavae, sa vave ona se’e atu tagata o lana itu i manatu faavae e sili atu ona lavelave.

Sa faaatu o ia i le tuai ona agai i luma, o lea sa saili ai e le alii talavou o Elder Cook le fesoasoani mai le lagi e ala i se faamanuiaga faale-perisitua ma le tatalo. Ina ua mavae se tasi o tatalo patino ma le loto, na manatua e Elder Cook lona mauaina o se tali patino: e lei valaauina o ia e le Alii e faiaoga i le gagana Siamani ae auauna atu ma lona loto atoa, mafaufau atoa, ma le malosi atoa.

“Sa ou mafaufau loa lava, ‘E mafai ona ou faia le mea lena,’” o le tala lea a Elder Cook, lea na faatoa valaau talu ai nei e avea o se tasi o le Korama Muamua a Fitugafulu. “‘E mafai ona ou auauna atu ma lo’u loto atoa, mafaufau atoa, ma le malosi atoa.’ Sa ou tu i luga ua ou maua se lagona mafanafana. Sa faafuasei ona suia le mea sa ou fuaina ai le manuia o la’u galuega, mai le pe o faapefea le faatinoga a la’u soa ma tagata o le itu i le, pe o le a se lagona o le Alii i la’u faatinoga.”

E ui ina saunoa mai Elder Cook na te lei aoaoina vave lelei le gagana ina ua mavae lena aafiaga, ae na te lei toe lagonaina le popolega na i ai muamua aua sa ia silafia o la sa ia faia le mea na finagalo le Alii na te faia. O lena lesona, fai mai a ia, sa taua i valaauga uma lava sa ia umia talu mai lena taimi, e aofia ai le avea ma epikopo, fesoasoani i se au peresitene o le siteki, peresitene o le siteki, peresitene o le Misiona a Aukilani Niu Sila, Fitugafulu Eria, ma lona tofiga lea ua i ai nei.

Sa maua le faailoga o le tagata malaga o Elder Cook i le maketiina o pisinisi mai le Weber State College ma se faailoga o le matuaofaiva i le pulega o pisinisi mai le Iunivesite o le Setete o Utah. Sa faigaluega o ia i lana matata i le faatauga o fanua.

Na soifua mai Elder Cook i Ogden, Iuta, ISA i le masina o Oketopa 1957 ia Ramona Cook Barker ma Bert E. Cook na se’i maliu talu ai nei. Na faaipoipo atu o ia ia Lynette Hansen i le aso 14 Tesema, 1979, i le Malumalu o Ogden Iuta. O i la’ua o ni matua o se fanau e toalima.