Atong Pahina
Ang mga bata sa Primary sa Ville-Marie Ward, Montréal Québec Stake, ug ang ilang mga magtutudlo ug mga lider nalingaw sa pagbisita sa nataran sa Templo sa Montréal Québec. Sila kalma ug may balaang pagtahud samtang ang kapangulohan sa templo miabi-abi kanila ug mi-tour kanila sa nataran. Sila ganahan kaayong nagtan-aw sa daghang kolor nga mga bulak ug sa maanindot nga templo. Sila usab nanan-aw og salida kabahin sa templo, ug ang tanan nakadawat og gamay nga kard nga may litrato sa templo.
Jeremiah P., 10 anyos, Samoa
Si Michael G. (sa tuo), 11 anyos, gikan sa Panama, ganahan sa iyang mga klase sa karate ug kugihan nga nagtuon sa eskwelahan. Kausa siya nahimong “principal alang niana nga adlaw” sa eskwelahan tungod sa iyang taas nga mga grado.
Si Michael usa na ka maisugong misyonaryo. Sa dihang ang Simbahan adunay information stand sa international fair duol sa ilang balay, si Michael ug ang iyang mga ginikanan mibarug sa entrance sa fair, mihatag og mga pamphlet kabahin sa Simbahan, ug midapit kanila sa pagbisita sa Church’s stand. Siya usab mihatag og pass-along card ngadto sa higala sa pamilya, ug ang mga misyonaryo mitudlo niini sa Simbahan. Siya nagtinguha nga mahimong full-time nga misyonaryo.
Usa ka Pag-ampo sa Paghupay
Usa ka gabii nadamguhan nako og duha ka higayon nga ang among balay ug ang tanang butang nasunog. Human niadto nahadlok gyud ko pag-ayo. Busa nag-ampo ko sa Langitnong Amahan nga dili nako magdamgo niini pag-usab. Sa dihang mibalik ko sa pagkatulog, nagdamgo ko nga anaa ko sa usa ka nindot kaayo nga umahan. Mibati ko nga kalma, ug wala na ko mahadlok.
Nivia Angelica A., 10 anyos, Mexico
Sa tuo: paghulagway pinaagi ni Adam Koford