Germany

Bisan tuod ang buhat sa misyonaryo nagsugod sa Germany niadtong mga 1840, dili hangtud pagka-1851 nga ang duha ka tawo nga maingon og unang mga kinabig nabunyagan. Sa sama nga tuig, si Presidente John Taylor, sakop kaniadto sa Korum sa Napulog Duha ka mga Apostoles, miadto sa Hamburg aron sa pagtabang sa pagdumala sa paghubad sa Basahon ni Mormon ngadto sa pinulongan nga German. Usa ka branch ang naorganisar sa Hamburg niadtong 1852, apan kadaghanan sa unang mga kinabig milalin ngadto sa Utah tungod sa pagpanggukod. Kini naglakip ni Karl G. Maeser, kinsa sa kaulahian nahimong presidente sa Brigham Young Academy sa Provo, Utah.

Human sa Unang Gubat sa Kalibutan, ang Germany nakasinati og dakong pagtubo sa mga kinabig sa Simbahan, ilabi na niadtong 1921 hangtud 1925. Ang German Mission natunga ngadto sa German-Austrian Mission ug sa Swiss-German Mission. Ang East German Mission namugna niadtong 1937. Gipapauli ang mga misyonaryo sa Germany atol sa Ikaduhang Gubat sa Kalibutan. Sa ilang pagbalik niadtong 1947, ang nasud natunga na sa East Germany ug West Germany. Hinoon, ang misyonaryo nga buhat nagpadayon, ug niadtong Hunyo 19, 1985, ang Templo sa Freiberg Germany gipahinungod sa East Germany—ang unang templo sa usa ka nasud nga komunista. Duha ka tuig ang milabay laing templo ang gipahinungod, sa Frankfurt, West Germany. Ang nasud nahiusa niadtong 1990.

Ang Simbahan sa Germany
Mga Miyembro	38,204
Mga Misyon	3
Mga stake	14
Mga Ward ug mga Branch	173
Mga Templo	2

Sa ibabaw: Usa ka talan-awon sa Munich, Germany. Sa ubos: Ang Templo sa Frankfurt Germany, gipahinungod niadtong 1987.

Ang Templo sa Freiberg Germany, gipahinungod niadtong 1985.

Si Karl G. Maeser milalin gikan sa iyang natawhan nga nasud Germany ngadto sa Utah, miabut niadtong 1860.

Germany

Freiberg

Frankfurt

Berlin