Mga Minugbo nga Balita sa Kalibutan

Ang Prime Minister sa Solomon Islands Gihatagan og Pamahayag sa Pamilya

Ang Simbahan mihatag og kopya sa “Ang Pamilya: Usa ka Pamahayag sa Kalibutan” (Liahona ug Ensign, Nob. 2010, 128) ngadto sa prime minister sa Solomon Islands, Danny Philip, sa usa ka mubo nga seremonya niadtong Biyernes, Enero 21, 2011.

Si Elder Dirk Smibert, Area Seventy, ug uban pang mga Church representative naghimamat didto sa balay sa prime minister ug mihatag kaniya sa pamahayag ingon man sa estatuwa sa usa ka pamilya.

Ang mga Petsa sa Templo sa El Salvador Gipahibalo

Ang Unang Kapangulohan sa Simbahan midapit sa mga miyembro ug sa kinatibuk-ang publiko sa pag-tour sa Templo sa San Salvador El Salvador atol sa open house nga ipahigayon sa Biyernes, Hulyo 1, 2011, hangtud Sabado, Hulyo 23, 2011, gawas sa mga adlawng Dominggo.

Usa ka kultural nga selebrasyon ang ipahigayon sa Sabado, Agosto 20, 2011, pagasundan sa pagpahinungod sa templo sa mosunod nga adlaw.

Ang Site Nagtugot sa mga Miyembro sa Pagpaambit sa mga Talento aron sa Pagtukod sa Simbahan

Ang Pagtabang sa Vineyard mao ang usa ka bag-ong website nga gimugna sa Simbahan sa pagpahimutang sa nagkadaghan nga mga boluntaryo nga mga proyekto diin ang mga miyembro sa Simbahan makatabang. Ang mga proyekto naglakip sa paghubad, indexing sa FamilySearch, paglitrato, pag-tag sa mga video ug mga paglarawan, ug editoryal nga mga buhat ug kini maanaa sa bisan asang lokasyon sa mga dapit nga dunay akses sa internet.

Ang mga tigmugna sa vineyard nanghinaut nga makakuha og 10,000 ka mga volunteer nga magpa-register ug moapil sa mga proyekto gamit ang internet panahon sa 2011. Ang mga miyembro maka-sign up sa pag-apil diha sa vineyard.lds.org, nga kasamtangan nga naa sa Ininglis lamang.

Ang Museum Abli alang sa Bag-ong Exhibit sa mga Bata

Ang Church History Museum sa Salt Lake City mipakita sa bag-ong duha ka mga exhibit nga nagpakita sa mamugnaon nga makapakat-on nga mga palibut ug sa artwork sa mga bata.

Ang Ebanghelyo Mipanalangin sa Akong Kinabuhi nagpakita sa art sa mga bata gikan sa 42 ka mga nasud sa tibuok kalibutan nga naghulagway kon sa unsang paagi ang kahibalo sa ebanghelyo ni Jesukristo makapanalangin sa kinabuhi.

Usa ka Kapistahan sa Basahon ni Mormon: Usa ka Selebrasyon sa Latin America nagpakita sa interactive nga mga seksyon sa pagselebrar sa Latin nga panulundon sulod sa Simbahan ug naghulagway sa mga istorya sa mga miyembro sa Latin America.

Alang sa dugang nga impormasyon mahitungod sa mga exhibit, bisitaha ang churchhistorymuseum.org.