Paghimo og Profile sa Mormon.org

Ang mga miyembro sa Simbahan sa tibuok kalibutan makapaambit sa ebanghelyo pinaagi sa paghimo og profile sa Mormon.org. Ang mga bisita niini nga site mogamit niini nga mga profile sa pagkat-on mahitungod sa Simbahan nga direkta gikan sa mga miyembro. Paghimo og profile ug ipaambit ang imong pagpamatuod pinaagi sa mosunod nga mga paagi:

1. Bisitaha ang mormon.org/create. Sign in gamit ang imong LDS account. Kon wala kay LDS account, pag-register alang sa user name ug password pinaagi sa paghatag sa imong membership record number ug petsa sa pagkatawo. Pangitaa ang imong membership record number sa imong temple recommend o pinaagi sa pagkontak sa imong ward o branch membership clerk.

2. Ihatag ang impormasyon sa mosunod nga mga luna: “About Me,” “Why I Am a Mormon,” “How I Live My Faith,” “Frequently Asked Questions,” “Personal Stories,” ug “Additional Information.”

3. Kon maghimo og imong profile, hunahunaa nga nakig-istorya ka sa mga tawo nga dili mga miyembro sa Simbahan. Likayi ang mga pulong nga dili nila pamilyar. Sama pananglit, mahimo kang moingon nga, “Nagtudlo ako og klase sa adult nga mga babaye kausa sa usa ka bulan gikan sa mga pulong sa buhi nga propeta,” kay sa, “Nagserbisyo ako isip instruktor sa Teachings for Our Time sa Relief Society.”

4. Butangi sa imong litrato, pangalan, ug mubo nga pasiuna. Mahimo usab nimong i-link ang imong profile ngadto sa imong blog, account sa Facebook, o account sa Twitter, bisan kon kini wala kinahanglana nga buhaton. Likayi ang paglakip sa detalyado nga personal nga impormasyon, sama sa imong apelyido o siyudad nga gipuy-an.

Inig ka kompleto sa imong profile, ipadala kini ngadto sa mga moderator alang sa pag-aprubar. Kon maaprubahan na ang profile, ang mga bisita sa site makabasa sa imong pagpamatuod ug mokontak kanimo alang sa dugang nga impormasyon mahitungod sa Simbahan.