Faagasologa o Taimi i le Tusi a Mamona

Sa Iaretō

Na tuua e lenei vaega le Olo o Papelu ma taunuu i Amerika pe a ma le 2200 T.L.M. Sa faatoateleina i latou seia oo pe tusa ma le 600 T.L.M., ina ua fasiotia tagata uma i taua vagana ai Korianetuma. (Tagai i le Eteru 1–15.)
Sa Nifaē

Na tuua e le vaega a Liae ia Ierusalema pe tusa o le 600 T.L.M. ma o mai i Amerika. Na faasolo ina vaeluaina ana fanau. Ina ua mavae le maliu o Liae, na mulimuli e amiotonu i lona atalii o Nifae agai i matu. Sa iloga i latou o sa Nifaē. (Tagai i le 1 Nifae 1–22; 2 Nifae 1–5.)
Sa Lamana

Ina ua mavae le maliu o Liae, sa tumau e amioleaga faatasi ma lona atalii o Lamana ma na iloga i latou o sa Lamanā. (Tagai i le 2 Nifae 5.)
Sa Molekā

O Moleka, o se atalii o le Tupu o Setekaia, na taitaiina se vaega mai Ierusalema i le pe tusa ma le 587 T.L.M. ma o mai i Amerika. Sa latou mauaina ia Korianetuma. (Tagai i le Ominae 1:14–21.)
Mosaea₁

Pe tusa o le 225 T.L.M. na amata ai ona amioleaga ia sa Nifae, ma o lea na taitaiina ai e Mosaea₁ se vaega amiotonu o sa Nifae e o atu i Saraemila ma soofaatasi ai ma sa Moleka. Sa latou taua i latou lava o sa Nifae. Sa avea Mosaea₁ ma o latou tupu amiotonu. O le Tupu o Peniamina, o lona atalii. (Tagai i le Ominae 1:12–23.)
Senifa

Pe a ma le 200 T.L.M. na ave ai e Senifa, o se sa Nifae, se vaega e o i saute e toe aumai le laueleele o sa Nifae. O le taimi lava na taunuu ai Senifa ma lana vaega, na faanofopologa ai i latou e sa Lamana. Na auina atu mulimuli ane, e le Tupu o Mosaea₂ ia Amona e saili le vaega lea, ma na faaliliuina ai e Amona le Tupu o Limae. (Tagai i le Mosaea 7; 9–22.)
Alema₁

Na i ai faatasi ma tagata o Senifa, Alema₁ lea na avea ma se tasi o faitaulaga a le Tupu amioleaga o Noa. Na fasiotia le perofeta o Apinati ina ua uma ona ia valaau atu i le Tupu o Noa ina ia salamo. Peitai na talitonu ia Alema₁ i aoaoga a Apinati ma solaese ai faatasi ma se vaega o tagata talitonu, ma na iu ai ina faatasi atu i tagata sa Nifae. (Tagai i le Mosaea 11; 17–18; 23–24.)
Alema₂ ma Atalii o Mosaea₂

Ao avea ma ni alii talavou, sa galulue ia Alema₂ ma atalii o le Tupu o Mosaea₂ e faaumatia le Ekalesia. Sa aoaiina i latou e le agelu, ma sa latou salamo. Sa avea Alema₂ ma taitai amiotonu. (Tagai i le Mosaea 27–29.) Sa avea atalii o Mosaea₂ ma faifeautalai i le au sa Lamana. Ina ua mavae le faamanuiaina tele, sa latou toe faatasi ma Alema₂ ma fiafia. (Tagai i le Alema 17–26.)
Au Faomea a Katianetona

O le faatosinaga a lenei au fasioti tagata faalilolilo na sili ona malosi pe a amioleaga ia tagata ae vaivai pe a amiotonu ia tagata. E oo atu pe tusa o le 350 T.A. na latou faamata’uina ai le saogalemu o tagata uma. (Tagai i le Helamana 2; 6; 4 Nifae 1:42–46.)
Iesu Keriso

Ina ua mavae Lona Toetu i Ierusalema, na faaali atu le Faaola i Amerika, talai atu i tagata, aoao atu Lana talalelei, ma faatulaga Lana Ekalesia. Na nonofo tagata i le filemu, mo le 200 tausaga ina ua mavae Lana asiasiga. (Tagai i le 3 Nifae 11–28.)
Na Faaumatia sa Nifae

Na faasolo ina toe foi lemu mai le amioleaga, tutupu ia taua, ma na fasiotia tagata sa Nifae. Na o Moronae le tagata na sao mai, lea na tausia faamaumauga o sa Nifae ma tanumia a o le’i maliu o ia. (Tagai i le 4 Nifae 1:24–28; Mamona 8:1–8; Moronae 10.)

600 T.L.M.

500 T.L.M.

400 T.L.M.

300 T.L.M.

200 T.L.M.

175 T.L.M.

150 T.L.M.

125 T.L.M.

100 T.L.M.

75 T.L.M.

50 T.L.M.

25 T.L.M.

T.A. 33

T.A. 100

T.A. 200

T.A. 300

T.A. 400

Eteru

Lamana

Lemuelu

Moleka

Liae

Nifae

Iakopo

2 Sa Nifae

Enosa

Iaroma

Ominae

5 Mosaea₁

Peniamina

Mosaea₂

8 Alema₂

Taitai Au Moronae

Helamana

Nifae, le atalii o Helamana₃

Nifae, le soo

Mamona

Moronae

6 Senifa

Noa

Apinati

7 Alema₁

Limae

Misiona i le au sa Lamana

9 Au Faomea a Katianetona

Samuelu le sa Lamana

Fanau Iesu i Peteleema

10 Iesu Keriso

Na amata ona toe i ai sa Nifae ma sa Lamana

9 Au Faomea a Katianetona

11 Na Faaumatia sa Nifae

Ata na tusia e Taia Morley