Iaar idajon̄jon̄e Kalim̧m̧ur an Moronai

Francesco Ferraresi, Lombardy, Italy

Jet iiō remootļo̧k Iaar pād m̧weo im̧ōn eo m̧ōtta ke Iaar ioon ruo likao ro raar karbōb ilo aer nuknuk me raar kwaļo̧k kajier āinwōt mijinede ro Armej ro Rekwojarjar ilo Raan kein Āliktata. Iaar ļōmņak eaar kōjak bwe raar itok ettoļo̧k n̄an Italy n̄an ukōt armej ro me repojak raar tōmak ilo Rilo̧mo̧o̧r eo.

Tok ālik Iaar kajjitōk ippāer n̄an itok n̄an m̧weo im̧ō. “Eļan̄n̄e kom̧ro ej kōņaan, kom̧ro maron̄ lotok eō n̄an kōnono kōn m̧anit,” Iaar ba. “Bōtaab jab ļōmņak Inaaj ukōt kabun̄ ko aō.”

Ke kōm kar bar ioon doon bon̄ōn eo juon, mijinede ro rekar kōnono kōn Bok in Mormon. Iaar ļōmņak kōjak bwe Ijjan̄in kar ron̄ kake m̧okta ļo̧k. Iaar bar karuwaineneik tok er, ak ālkin lotok eo kein karuo lieo pāleeō, Anna Maria, eaar ļōmņak bwe rebwebwe im kar etal jān m̧weo ilo iien ekkatak ko am. Mijinede ro raar āinwōt oktak jidik n̄an n̄a barāinwōt, bōtaab eaar itok limou n̄an jeļā ta eo raar tōn ba im kar wōnm̧aanļo̧k wōt n̄an katak ippāer.

Juon bon̄ ke Anna Maria eaar rooltok n̄an m̧weo, eaar ron̄ am kōnono kōn m̧are indeeo. Menin ekar kanooj kaitok limoin, im kōm kar ļōmņak bwe kom̧ naaj kar jino katak ko bar juon alen ippān doon. Eaar ļap an meļeļe kōn jeje ko rekwojarjar im iien otemjeļo̧k eaar wōr an juon laajrak in kajjitōk ko eaitok. Eļtōr ro raar m̧ōkaj aer uwaaki jet iaer, ak ko jet raar aikuj rool im pukōti. Kajjojo wiik ilo jab likjab rej rooltok kōn uwaak ko, im kajjojo wiik Anna Maria ewōr bar juon laajrak in kajjitōk ko.

Ejjab to ālkin am kar kadedeļo̧k katak ko, Anna Maria eaar kabwilōn̄ eō ilo an kajjitōk mālim eo aō n̄an an kar peptaij. Iaar jiron̄ e ejjeļo̧k juon men Ippa ņae eļan̄n̄e eaar m̧ool in oktak. Iaar pād ilo peptaij eo an ilo M̧aaj 5, 1995, lem̧ōņōņō kōn juon en̄jake eo em̧m̧an ilo iien eo.

Iaar wōnm̧aanļo̧k wōt ilo riit eļapļo̧k kōn Kabun̄ in, im mijinede ro raar wōnm̧aanļo̧k wōt n̄an kōketak eō. Āliktata Iaar jokālet n̄an idajon̄jon̄e kalim̧m̧ur eo an Moronai (lale Moronai 10:4–5). Ikar kōņaan jeļā eļan̄n̄e Bok in Mormon eaar itok jān Anij ak eļan̄n̄e eaar baj juon bok in bwebwenato em̧m̧an.

Juon raan ilo Juun 1995 ke Iaar makeļo̧k ilo m̧weo, Iaar bukwelōlō im̧aan jikin kiki eo aō im kar kajjitōk ippān Jema Ilan̄, “Bok in Mormon ej m̧ool ke, eļan̄n̄e ej, n̄āāt eo Ij aikuj peptaij?” Ilo jab kōtmene Iaar en̄jake ilo buruō im ilo ļōmņak eo aō juon ainikien ealikkar me eaar jiron̄ eō, “Bok in Mormon ej m̧ool.” Innān eaar wōr juon aō en̄jake ealikkar n̄aat eo naaj kar n̄an peptaij. Juon wiik tok ālik Iaar bar jar im kar bōk ejja uwaak eo wōt. Būruwō eaar obrak kōn lan̄lōn̄. Kiiō Ijeļā bwe Anij eaar kōnono n̄an eō: Bok in Mormon eo eaar im̧we jān Anij im Joseph Smith eaar juon rikanaan em̧ool.

Āliktata, ilo Jeptemba 17, 1995, Iaar deļo̧n̄e dān in peptaij, juon jimettan iiō jān ke Iaar jino ioon mijinede ro. Ejjab to leddik eo nejim, Aba Chiara, eaar itoklimo in ilo Kabun̄ in im kar barāinwōt peptaij. Ilo Jānwōde 1997 baam̧le eo am eaar liāp ilo Bern Switzerland Tampeļ.

Kōm jeļā bwe en̄in ej Kabun̄ eo em̧ool, tōl jān Jisōs Kraist kōn juon rikanaan im priesthood eo. Kōmij kam̧m̧oolol Irooj kōn iakwe eo An, n̄an tōl ļo̧k kōm n̄an mijinede ro, im kōn jeļāļo̧kjeņ eo kōn ko̧jpeļ eo.