Ekōjkan Ekkatak kōn Bok in Mormon
Ron̄oul-lalem iiō rem̧ootļo̧k, Būreejtōn Ezra Taft Benson (1899–1994) eaar kōm̧eļeļeik “jilu un ko reļļap etke Armej ro Rekwojarjar ilo Raan-kein Āliktata rej kōm̧m̧ane ekkatak eo kōn Bok in Mormon ej juon kōttōpar ilo aolepen aer mour.”1 Un ko kar errein:
-
M̧oktata, Bok in Mormon ej dekā in jabōn em̧ n̄an tōmak in ad—dekā in jabōn em̧ n̄an kam̧ool eo ad kōn Jisōs Kraist, kōn katak eo ad, im kōn naan in kam̧ool eo ad.
-
Kein karuo, Bok in Mormon kar je n̄an tōre in ad.
-
Kein kajilu, Bok in Mormon ej jipan̄ kōj epaakeļo̧k Anij.
Un kein n̄an ekkatak kōn Bok in Mormon ebarāinwōt elmakote jet wāween ko jemaron̄ in ekkatak kōn jeje in ekwojarjar ejej uwaan.
Dekā in Jabōn Em̧ n̄an Tōmak in Ad
Kōnke Bok in Mormon ej dekā in jabōn em̧ an kam̧ool in ad kōn Kraist im tarļļep in ko̧jpeļ eo An, eaorōk ilo ad ekkatak n̄an kōmaat ad n̄an eļōn̄ katak ko im naan in kam̧ool ko an Rilo̧mo̧o̧r eo ej kwaļo̧ki. Jet em̧ōj aer kōm̧m̧ane ilo bōk juon men ekāāl, juon kape in Bok in Mormon eo edik wōņāān im kōkkaļeik aolep eoon ko me keidi n̄an ak katak kōn Rilo̧mo̧o̧r eo, jerbal eo An, im mijen eo An. Men in ebōktok jim̧or juon m̧wilaļ in kam̧ool kōn Jisōs āinwōt Nejin Anij im juon kamoolol kōn ta eo Eaar kōm̧m̧ane im Ej wōnm̧aanļo̧k n̄an kōm̧mane n̄an kōj.
Kar Je n̄an Tōre kein Ad
Rijeje ro an Bok in Mormon rekar je kōn epepen ko ilju im jeklaj, eļaptata raan kein āliktata. Ilo kōkaduik ļo̧o̧k ko an ri Nipai, Mormon eaar ba emaron̄ jab kobaik “juon m̧ōtta jibuki in m̧ōttan” (lale 3 Nipai 5:8; lale barāinwōt Naan ko an Mormon 1:5). Moronai eaar kwaļo̧k, “Ij kōnono n̄an kom̧ āinwōt n̄e kom̧ar pād, im mekarta kom̧ ij jab. A lo, Jisōs Kraist eaar kwaļo̧k kom̧ n̄an eō, im Ijeļā kōm̧m̧an ko ami’ Mormon 8:35 Rijeje rein ruo im ro jet, rej jerbal ium̧win im̧we, kar je ta eo enaaj jeram̧m̧an ļapļap n̄an kōj ilo raan kein āliktata.
Kōn menin jej aikuj in ekkatak kōn kajjitōk kein: “Etke ekar kobaik menin? Ekōjkan an men in jelōt eō rainin?” Būreejtōn Benson eaar ekkatak, n̄an waanjon̄ak, bwe ilo Bok in Mormon jej loe āinwōt juon jon̄ak n̄an kepooj itok eo an Rilo̧mo̧o̧r Kein Karuo. Jej katak ekōjkan an rijilōk ro an Kraist kar mour ilo tōrein tariņae ko, ņamejļan kaen̄tanan im bun̄ jān tōmak eo, kōm̧m̧an jerbal in mijinede, im ņamejļan kauwōtata ko an uteij bōro.2 Āinwōt kar Nipai, n̄e jej ekkatak, jej aikuj in “karōki tok” jeje ko n̄an kōj—bwe ej, kajion̄ pukōt ekōjkan kōjerbal ta eo jej loe ilo Bok in Mormon (Lale 1 Nipai 19:23).
Epaakeļo̧k Anij
Bar kout jān Būreejtōn Benson bar juon alen: “Bok in Mormon ejjab wōt katakin kōj m̧ool eo, bōtaab ilo m̧ool ej. Bok in Mormon ejjab wōt kwaļo̧k naan in kam̧ool kōn Kraist, bōtaab ilo m̧ool ej, barāinwōt. Bōtaab ewōr juon men eo eļapļo̧k. Ewōr juon kajoor ilo bok in me enaaj jino kōmakūt mour ko ami ilo iien eo kwoj jino lukkuun ekkatak kōn bok in.”3
Ilo m̧ool, ekkatak Bok in Mormon ej karuwainene tok Jetōb eo, im Jetōb eo ej ioļapļap in m̧ōdenļo̧k eo. Ļōmņak kein me jej ekkatak ilo ad kōļmenļo̧kjeņ, ilo Kōļmenļo̧kjeņ em̧m̧an—kejakļo̧kjen kaki, jar, im jeje kakememej ko ilo ad riit. Menin ekōm̧m̧an bwe jān pād ilo juon jekjek n̄an bōk elōn̄ ļo̧k meram im meļeļe, jim̧or kōn ta eo jej ekkatak im kōn men ko jet. Jet iien ejipan̄ n̄an riiti aolepen Bok in Mormon ilo juon tōre eo ekadu n̄an bōk em̧m̧an eo an bwebwenato im ennaan eo. Bōtaab ekkā an em̧m̧an n̄an kalimjōk wōt iien ko rejejjet kajjojo raan n̄an ekkatak bok eo ijello̧kin riiti jet wōt eoon ko ak peij ko juon raan.
Kein Ekkatak ko
Eļap ad jeram̧m̧an rainin bwe ewōr juon oran in kein ekkatak ko me remaron̄ jipan̄ ekkatak ko ad kōn Bok in Mormon. Jet rej pād ilo jeje ko rekwojarjar ad—Topical Guide, Bible Dictionary, im index eo ilo kajin In̄lij ilo jeje im Guide to the Scripture ilo kajin ko jet. Im ewōr ippād bok ko ilo Raan-kein Āliktata in elōn̄ eoon ko rellōn̄ ilo footnote ko im eoon-in jipan̄ ko ilo aolep peij.
Kein ekkatak ko jet kar būriin i ekoba Sunday School Class Member Study Guide, Seminary Students Study Guide, im Institute Stundent Manual. Ekāāl n̄an tōre kein ad im tōre in ļapļo̧k in eddōkļo̧k in kein jerbal ko kōjerbal jarom, kōmeļeļeik ilo peij 31.
Kein Jerbal an Oktak
Bok in Mormon ej juon menin aorōk eo ban keidi im kein jerbal an oktak me Irooj eaar eeiki im letok n̄an epepen in ad. Ij kile bwe āinwōt pedped eo an naan in kam̧ool eo aō make kōn Jisōs Kraist, kōn kūr in rikanaan eo an Joseph Smith, im Kabun̄ eo an Jisōs Kraist im Armej ro Rekwojarjar ilo Raan-kein Āliktata āinwōt “aelōn̄ eo an Irooj bar kajutake ioon laļ.”4 Im̧ōņōņō in kobaik naan in kam̧ool eo aō ippān eo an Jisōs Kraist bwe āinwōt ami Irooj im ami Anij mour ej m̧ool (D&C 17:6). Kōm̧m̧an bwe ekkatak eo ami toon wōt ami mour kōn Bok in Mormon en kam̧wilaļ ļo̧k oktak eo ami im tōl kom̧ ilo juon iaļ ekajju n̄an mour indeeo.
Pija ko jen Graig Dimond